(ဤဇာတ်လမ်းတွင်ပါဝင်သောဇာတ်လမ်း၊ဇာတ်ကွက်များသည်စာရေးသူ၏စိတ်ကူးများသာဖြစ်သည်။)
Unicode
~~~မင်းတို့အားလုံးရဲ့အသံက ငါအီးပေါက်သလောက်ပဲရှိပါတယ်ကွ ဟား ဟား ဟား ၊ အေးချမ်းမောင်ကွ အေးချမ်းမောင် ဟား ဟား ဟား မင်းတို့ကိုမကြောက်လို့ တစ်ယောက်တည်းရပ်တည်နေတာကွ ဟား ဟား ဟား...ဒီနယ်တကျော့မှာ ငါအေးချမ်းမောင်ကသာ ဘုရင်ကွ ဟား ဟား ဟား~~~~
ကျောက်ဖူးရွာ တောင်ပိုင်းမှ မြည်ဟီးလာသည့် အသံချဲ့စက်အသံကြီးသည် တစ်ရွာလုံးကိုတုန်ခါနေသည်။
အေးချမ်းမောင်သည်သူ၏ 'အေးချမ်းမောင် တေးသံသာ ' အသံချဲ့စက်ကြီးကို မိုင်ကုန်ဖွင့်ပြီး သူသည်သာ ရှင်ဘုရင်ဖြစ်ကြောင်း အစွမ်းကုန်ထုတ်ပြနေ၏။နောက်ဖေးတွင်ထမင်းချက်နေသော အေးမြသည် မောင်ဖြစ်သူကောင်းမှုကြောင့် နားစည်ကွဲမတတ်ခံစားနေရ၏။
သို့ပေမယ့်လည်း မောင်လေးကလိုခင်တယ်လို့ပူဆာတော့ ဝယ်ပေးမိပြန်ရော။
မောင်လေးအလိုကျဝယ်ပေးချင်တာထက် ဟိုဘက်ပိုင်းကမိညိုမောင်မှာ အသံချဲ့စက်ရှိတာမို့ အားကျမခံဝယ်ပေးထားခြင်းဖြစ်သည်။ထမင်းအိုးကိုရေသေချာစစ်ပြီး ခွင်ပေါ်တင်ကာနှပ်ထားလိုက်တယ်။
ပြီးတော့ လုံချည်စကိုမကာ အိမ်ရှေ့သို့ပြေးထွက်လာပြီး အသံချဲ့စက်အရှေ့ထိုင်ကာ ကလိနေသော ငချမ်းကို လှမ်းအော်လိုက်၏။" ဟဲ့ ငချမ်း တော်ပါတော့ ငါနားတွေကွဲထွက်တော့မယ်....နင့်စက်အသံကြီးကိုတိုးထားစမ်းပါ...!"
သို့ပေမယ့် သူမဘယ်လောက်အော်အော် သူမ၏အသံသည် ထိုအသံချဲ့စက်ကြီးကိုမဖုံးလွှမ်းနိုင်။
ခေါင်းငုံ့ကာ ကလိချင်တိုင်းကလိနေသော ငချမ်းသည် သူမ၏စကားကိုမကြားချေ။
အနားကိုလည်းမသွားနိုင်ဘူး.... ကြံရာမရတဲ့အဆုံး အိမ်ရှေ့လွယ်အိတ်ထဲမှထည့်ထားသော လေသခွကိုယူပြီး လောက်စလုံးထည့်ကာ မောင်ဖြစ်သူကိုချိန်ပြီးပစ်လိုက်တယ်..။ဖောက်...
"အောင်မလေးဗျ..!"
သူ့၏ဘေးသို့အရှိန်ပြင်းပြင်းကျလာသော လောက်စလုံးကြောင့် ထခုန်မတတ်လန့်သွား၏။
လောက်စလုံးလာရာကိုကြည့်လိုက်တော့ သူကိုခါးထောက်တာ လက်ဟန်ခြေဟန်ပြောနေသော အမအေးမြ။
ဘာပြောမှန်းမသိတာကြောင့် မေးငေါ့ပြီးမေးလိုက်သည်။
အသံချဲ့စက်ကိုတလှည့် သူ့ကိုတလှည့်လက်ညိုးထိုးပြီးပြောနေသောအမကိုကြည့်ပြီး အေးချမ်းမောင်သည်ခေါင်းထက်ရှိဆံပင်များကိုသာ တဗြင်းဗြင်းဖြစ်အောင်ကုတ်နေမိသည်။
YOU ARE READING
ဧကရာဇ်သစ္စာ.(Ongoing )
Romanceငါ့ကိုကျပစ်ထားပြီးသူကျတော့ စော်တသိုက်နဲ့သာယာနေတယ်ပေါ့...