قبل ما ابدا متنسوش الفوت او التصويت اخواتى فى الله 😂♥️ قدرونى ذي ما بقدركم و البارت ده كنت ناويه انزله بكره بس علشان بحبكم نزلته دلوقتى ♥️ يلا بقي نكمل
روايه احببت طفولته ♥️
بقلم /منار العتال
Part26 🔥
مريم بحيره :مشوار اى ده
يوسف :هتعرفي لما نروح هناك يلا بس
مريم راحت معاه وركبت معاه العربيه و كان يوسف
مريم بفضول:يوسف انت رايح فين طيب ؟ الطريق شكله غريب اوى
يوسف:هتعرفي دلوقتى ووقف قدام قصر
مريم بصت من شباك العربيه و اندهشت من جمال القصر
يوسف بصلها بحب :اى رايك ؟
مريم نزلت من العربيه و قالت و عينيها وسعت من الجمال إللى كانت شيفاه هو معقول فيه جمال كده ؟
يوسف بعشق:اذا كان فيه جمال زيك ! يبقي اكيد فيه كده
مريم ابتسمت بخجل
يوسف :مش هتقوليها؟
مريم بتكشيره و عدم فهم:اقول اى ؟
يوسف :بحبك !! مش هتقوليهالى
مريم حطت وشها فى الارض بخجل و قالت ما انا كنت قولتهالك قبل كده
يوسف :امتى ده ! لا انا عايز اسمعها دلوقتى
مريم وشها اتحول ل طماطمايه
يوسف بضحك:يادى النيله رجعنا للطماطم تانى
مريم باستغراب و بصتله:طماطم اى ؟
يوسف بضحك :يلا يا مريم انا ربنا يصبرنى تعالى افرجك على القصر
مريم دخلت معاه و انبهرت بجمال القصر
مريم و هى بتجرى فى كل ركن فى القصر و بتضحك بفرحه : هو ده بجد بتاعنا؟! هنعيش فيه ؟؟ بجد!
يوسف بحب:ايوا ما هى اميره ذيك فى رايك تعيش فين ؟
مريم بحب:يوسف انت بتكسفنى بجد ساعات بحس ان حنيه العالم و حب العالم كله اتجمع فيك بحس انك عوض ربنا ليا بجد على كل اللى شوفته فى حياتى و فجأه دمعت و كملت كلام يوسف انا قبلك مكنتش عايشه انا فى اللحظه إللى كنت بتمنى الموت انت كنت السبب إللى عيشت علشانه !انت مليت حياتى إللى كانت من غير معنى من غيرك انا بحبك و كلمه بحبك قليله عليك بجد ساعات بحس انى مستاهلش واحد ذيك
يوسف قرب منها و مسح دموعها وقال بحنيه لا يا مريم انتى تستاهلي كل حاجه حلوه فى العالم و بعدين مين قالك ان حياتى مكانتش فاضيه من غيرك! مريم انا حياتى مكانش فيها اى لون لحد ما قابلتك و كل حاجه فيا اتغيرت انا محتاجلك ذي ما انتى محتاجانى ويمكن اكتر منك كمان و كمل بحب و بشكر ربنا ان خالد مفتكركيش و سابك لو كان افتكر كنت هخسر اكتر انسانه سرقت قلبي و خطفته منى من غير ما احس ! و اتنهد و قال انتى عملتى فيا اى يا بت انتى !! لما مش بشوفك بتجنن خلاص يا مريم انا بعترف انى وقعت فى عشقك و بصراحه مش عاوز اقوم
أنت تقرأ
روايه احببت طفولته(مكتمله)
عاطفيةلم احبك لشئ احببتك لأنك كل شئ 💜....البراءه و الطفوله التى رأتها فى عينيه جعلتنى أغرق في بحر عشقه ...يجبرها اهلها على الزواج من شخص لا تتقبله و لكن هذا الشخص البرئ كالأطفال الشاب الوسيم الناضج فى الهيئة و لكن فى العقل كالطفل تماما سيغير حياتها و لكن...
