الفصل الثاني
لقد سأمت من الاهداف لقد سأمت الأحلام لقد سأمت من الافكار لقد سأمت من البشر لقد سأمت من الحياه فهل من موت قريب لعلي استريح من النوم و في حلقي مراره الخزلان و الفشل
بدايه الفصل
ريحه الدم مغرقه القصر شايف الموت قدامي يمكن انا تاجر بن بس اتحكم عليا اكون تاجر موت في نفس الوقت
حولين القصر بدأت فرق القوات الخاصه الامريكيه تحاوط القصر و احمد متابع تحركاتهم عن طريق التلفون حد ما اتحاصره بكماشه من وره رجاله فتحت عليهم النار من ضهرهم صفوهم من قبل ما يضربه طلقه و دي كانت رجاله سلامه
قبل القصر على الطريق عربيات فيها ولاد السراجي ماشين و متقدمين لي اقتحام القصر و لكن عربيه وقفت في نص الطريق مش عرفين طلعت منين عطلتهم و الضرب اشتغل عليهم من وره الشجر اللي على الطريق صفا بيت السراجي برجالته كلهم و دخل لودر زق العربيات عن الطريق و كلهم من فريق سلامه
و احمد قاعد مبتسم و باصص لي التلفون و الرصاص شغال و كمال قدامه متوتر جدا مرعوب مش عارف الضرب جي منين
احمد : متتوترش اوي كده يا سيكا ده انتا المفروض ربايه هارون
كمال : تبع مين ضرب النار ده ياحمد
احمد : و انتا مال اهلك دي اوامر بتتنفذ
كمال : اي أوامر ضد مصلحه الهانم لزم تقف (سحب مسدسه و رفعه في وش احمد ) و شكلك ضد مصلحه الهانم
سمعه ضرب النار جي من جوه القصر
احمد : (رايح يدخل القصر احمد وقف قدامه ) رايح فين
كمال : اوعا من طريقي بدل ما اصفيك
احمد : متعرفش
كمال : (رفع المسدس في وش احمد )
احمد : (نزع منه سلاحه )
كمال : (سحب المسدس من جنب احمد )
احمد : (مسك السلاح اللي في ايد كمال سحب داس على زرار الخزنه وقعت في الارض و سحب الاجزاء شال الطلقه اللي في الماسوره و قلب كمال على ضهره لوا دراعه و نزل بركبته على ضهر كمال ) مش قلتلك انك سيكا و عار علينا و على اسمنا
كمال : ها تعملي فيها مصلح اجتماعي انتا نسيت طلعت من الخدمه في ايه انتا و باقي الفريق
احمد : كنا بنجيب حق كبيرنا
كمال : سفاحين و عملته مجزره ههههه تفتكر مازن ها يقبل بسفاح زيك يحرسه
باب القصر اتفتح و طلعت من الباب و نزلت لي مستوي كمال
انا : اسمع يابني حدودك في القصر ده تقتصر على شغلك بره في الجنينه زي الكلب ابعد من كده انسا انتا ولاا حاجه اوعا تكون فاكر نفسك واحد من البيت ده تبقي بتخرف اللزم حدودك ابعد من كده لا
كمال : عملت ايه في سحر هانم عملت ايه في امك
انا : و انتا مال امك احمد من بكره تبدأ تصفي طقم الحرس اللي هنا كله اللي ميعجبكش مشيه و تجيب غيره اللي تشم انه ليه ولاء لي حد غيري صفيه
احمد : و السيكا
انا : (بصيت لي كمال شويه )سيبه ها حتاجه اصله مسالي (وقفت ) اللعب معه براحه ياحمد لحسن يتعور
سبتهم و دخلت جوه قلفت الباب و بصيت ورايا لقيت سحر
انا : امنية حياتي اقدر اقتل الشر و الكرهة و الخوف اللي جواكي اوعي تفتكري نفسك شجاعه لا انتي جبانه و جبانه جدا نفسي اقدر اخلصك من ده
سحر : مفيش حلول تانيه يا مازن يا تبقي كده يا تتاكل و تترمي زي الزباله وله حد ها يحس بك نهائي ها تبقي دخلت الدنيا و خرجت منها زيك زي غيرك لكن كده تبقي صاحب بصمه
انا : بصمه مش بحبر بدم
سحر : يا دمك يسيل يا دم غيرك يسيل اختار
سابتني و طلعت فوق و انا فضلت قاعد تحت لحد ما وصل البنات اللي اخدهم صقر بحجه اني راجع و ينتظروني في المطار يستقبلوني طلعه معه و رجعه لقوني عرفتهم انها مفاجأة ليهم فرحه جدا برجوعي احضان كتير جدا طلعه يغيره هدومهم
صقر : طيب اسيبك مع اخوات و ارجع انا اللحق اوصل
انا : بات هنا و بكره تبعت لي محمود و يسري يبدأه شغلهم تاني من هنا بكره انا عزمكم على الغدا علشان نتكلم
صقر : يا سيدي ارتاح بس و نتكلم بعدين
انا : مفيش بعدين يا ابن عمي بكره توصله الفتره اللي جايه صعبه و صعبه جدا اصعب من اللي عدا احنا ها نجني ثمار اللي عملته و الزرعه تقيله لزم نحصدها صح اي غلط ها نلبس
صقر : طيب هرجع الشقه و اكلمهم
انا : طيب يله تصبح على خير
صقر : و انتا من اهله (اخدني بالحضن ) واحشتني يا صحبي
انا : و انتا اكتر يا اخويا يله اللحق روح علشان تنام كويس يله
وصلته لي الباب فتحت الباب ملقتش اي حد في الجنينه غير احمد و كمال ركب صقر عربيته و مشي و انا شاورت لي احمد
انا : فين الحرس
احمد : سحبتهم بعتهم يتحقق معاهم
انا : يتحقق معاهم ازي و مين اللي ها يحقق و فين اصلا
احمد : بعتهم موقع تبع الاشباح و هناك سلمي ها تحقق معاهم تشوف وضعهم ايه
انا : و سلمي ها تعرف
احمد : سلمي تجيب تاريخ اي حد في شوال و بتحلل الشخصيات كويس اوي
انا : كده القصر مكشوف
احمد : و هو انا سباك الحرس حولين سور القصر من بره
انا : طيب كويس بكره الصبح عايزك تعرفلي مساحه خمس فدن حولين القصر بتوع مين لو املاك دوله تقولي ابلغ المحامي يتواصل معاهم علشان يشتريهم و لو لي أفراد اديني تفاصلهم دي نقطه التانيه عايز واحد يجي يحط نظام حمايه معقد لي القصر امن سبراني تأمين داخلي توزيع كاميرات و كده
احمد : (سكت شويه يفكر و رد ) شوف هو واحد بس ينفع في الحجات دي بس ده الرقم اللي بيقوله لزم ياخده
انا : ماشي بس مش عايز المعلومه دي تتسرب
احمد : الراجل ده بيعمل انظمه الحمايه و التأمين لي قصور رأسية سر قوته في السريه بتعته بس حراق في فلوسه
انا : كم يعني
احمد : ها يعدي ممكن يدخل في ٥٠ مليون
انا : اف ده مبلغ
احمد : و هو انتا فاكر ايه مازن خلي بالك نظام التأمين و الحمايه و الحراسه اللي عايز تعمله ده مينفعش مع شغل الدولار بتاعك الشغل ده يدوبك تجيب به حراسه من عند الشايب و تفلس في الاخر علشان تصرف لزم تدخل في تجاره دوليه و مش شرعيه كمان شمال
انا : انا محضر اموري اسمع في حد هبعت ليك اسمه على الوتساب دلوقتي الصبح افتح عيني اعرف خط سيره اليوم ده امين
احمد : دي سهله دي
انا : تاشا ها توصل امته
احمد : الفجر
انا : طيب اسيبك انا و ادخل اريح و انتا حاول تنام
احمد : ماشي
سبت احمد و دخلت جوه لقيت البنات قاعدين و عايزين يعرفه انا كنت فين و بعمل ايه توهت معاهم شويه و سبتهم و طلعت فوق اوضه نومي اخد دش و لبست البجامه و دخلت السرير قولت انا مش هقدر انام بس الغريب اني مش نمت لا اتقتلت الإرهاق و التعب و المجهود اللي مريت به خلاص عقلي فصل علشان ياخد راحته و يرجع تاني يكمل
نمت علشان عيني تفتح الساعه تسعه الصبح على صوت رساله لي تلفوني كانت من احمد جايب البيانات اللي طلبتها و المعلومات اللي عايزها قومت دخلت الحمام اخدت دش و غيرت هدومي نزلت تحت لقيت مرام صاحيه و قاعده
انا : ايه يا ميمو صاحيه يعني
مرام : صحيت ادم يروح المدرسه و معرفتش انام تاني انتا بقي صاحي بدري و لبس رايح فين
انا : عندي معاد
مرام : من اولها كده مواعيد يا مازن طيب ارتاح شويه
انا : انا زهقان من الراحه يا مرام اصل هقعد في البيت اعمل ايه (قعدت جنبها )
مرام : ( بكسوف ) جميلة واحشتك
انا : (تنهدت بحزن ) الله يرحمها يا مرام كانت هبله بس طيبة
مرام : الله يرحمها انا عرفه انك زعلان عليها و على ابنك بس ده امر الله
انا : عندك حق قضاء الله وقدره
مرام : استنا اعملك حاجه خفيفه تفطر بيها
انا : ياريت
قامت مرام دخلت المطبخ و انا قعدت بفكر في جميلة الله يرحمها حياتي معاها مكانتش وردي خالص وله كانت سوداء خالص يعني حياه عاديه بس ابقي كذاب لو قولت انها مش وحشاني كان بنا عيش و ملح و عشرة بس القدر ليه قرار
جابت مرام سندوتشات جبنه قعدت اكلت و عملت كبايه قهوه شربتها و قومت طلعت بره لقيت احمد قاعد في الشمس
انا : صباح الخير
احمد : صباح النور طالع
انا : ايوه ها نروح لي الجامعه الامريكيه بس انا و انتا بس مفيش داعي لي حراسه خالص
احمد : ماشي
قام راح لي الجراج اختار عربيه لف حوليها كويس و بص تحتها ملقاش حاجه فتح الباب و دور العربيه يسخنها فتح الكابوت بص على الزيت و المايه قفل الكبوت و طلع بالعربيه ركبت جنبه
انا : أخرت ليه
احمد : كنت بشيك علي العربيه لقتها تمام
انا : طيب يله
اتحرك احمد طول الطريق و انا باصص في التلفون بشوف الاخبار و تطور البورصه لقيت شويه ارباح حلوه في البورصه و كم سهم ربحانين جدا بس مينفعش اضارب عليهم دلوقتي مش حابب حد يعرف اني رجعت نهائي انا لحد دلوقتي دخولي مصر كان بشكل سري تماماً
وقفت عند محل جبت منه حاجه و كملنا لي الجامعه وصلت هناك و دخلت مكتب معيده و قعدت لحد ما خلصت محاضرتها و رجعت مكتبها لقتني واقف و معايا بوكيه ورد و اسم المعيده ورد
ورد : (بصت ليا شويه ) اهلا يا مازن
انا : ازيك يا ورد
ورد : بخير انتا عامل ايه
انا : كويس
ورد : انتا هنا من بدري
انا : مش بدري اوي بس ايوه
ورد : طيب اتفضل اقعد
انا : شكرا (قعدت )
ورد : عامل ايه
انا : كويس
ورد : و طنط و البنات كويسين
انا : اه كويسين
ورد : يا رب دايما خير يا مازن ايه سر الزياره دي
انا : الزياره دي كان المفروض اعملها من زمان يا ورد ورد انا محتاج وجودك معايا في الشغل تاني
ورد : شغل ايه يا مازن مينفعش انا معيدة في الجامعه ابقي مديره اعمال ازي
انا : لا مش مديره اعمال شوفي انا داخل على شغل صعب و فتره حرجه جدا في حياتي ها تحدد مصيري بدون مبالغه انا محتاج حد امين يكون معايا انا بجمع الفريق من جديد انتي و صقر و يسري و محمود ناس اقدر اثق فيها تشيل معايا
ورد : شوف يا مازن مفيش حد ينكر انك شخص محترم و محترم جدا كمان من خبرتي في شغلي معاك دي حقيقه لا انكرها بس انا اتهانت من بنت خالك اللي سمعت بعد كده انها مراتك دلوقتي
انا : جميلة الله يرحمها يا ورد توفت من شهرين و هيا حامل في ابني
ورد : (اتحرجت ) احم انا اسفه البقاء لله
انا : و نعم بالله شوفي انا كل اللي طالبه هو ذكائك في الحسابات تجمعي فريق معاكي يستلم قسم الحسابات في المجموعه عندي فريق ثقه انتي اكيد فهمه شغلنا
ورد : فهمه بس يا مازن انا مش عايزه اسيب هنا
انا : مش محتاجه لي هنا اساسا
ورد : وله محتاجه لي الوظيفه برده بالشكل ده
انا : عارف بس انا محتاجك في المجموعه يعني و افتكر ان حق العشره يسمح ليا بالطلب ده ورد انا معنديش اي حد تاني اثق فيه و اخر مره وثقت في شخص غريب عندكم وقعني انتي و الباقي فاهمين بعض و متفاهمين مع بعض بشكل كبير و بتثقه في بعض كمان انا معنديش استعداد اقع علشان مرتشي نهائي تاني
ورد : (سكتت شويه تفكر و ردت ) شوف انا هحاول
انا : طيب اسمعي الفكره دي تشرفيني النهارده انا عازمكم كلكم على الغدا عندي نقعد و نتكلم و اشرح ليكم وضع الشغل الجديد انا ناوي اكبر الشغل اكتر و اكتر
ورد : (تنهدت ) طيب يا مازن هاجي
انا : ماشي
سبتها و قومت طلعت من مكتبها و نزلت تحت ركبت مع احمد
احمد : على فين
انا : ها نرجع
احمد : انتا تعرف قبيله العابد منين يا مازن
انا : اصدقاء اشمعنا
احمد : اصلهم مش ناس سهله خالص و قبيلة كبيره تقدر تستفيد منهم بشكل موسع في شغل
انا : انا ناوي اعمل كده فعلاً في الاول مكنتش بستفيد منهم كنت بخدمهم من غير مقابل دين و ها يجي وقت تسديده قريب اوي
سمعت صوت تلفوني الشخصي بيرن الرقم ده مش مع حد نهائي اتعصبت و بصيت لي احمد و رديت
انا : الو
شخص : ايه يا ميزو حمدله على السلامه يا بطل
انا : مين معايا
شخص : نسيت صوتي لا ازعل منك جدا انا علي الصمدي يلاا
انا : اه علي اه اخبارك يا باشا
علي : بخير يا سيدي بقي يا راجل ترجع من ثلاث ايام و متفكرش حتي تصل عليا طب كنت ساعدتك في تصفيه شويه من الناس اللي مزعلاك
انا : شايلك لي التقيله يا كبير بس قولي عرفت طريقي منين
علي : مش عيب برده لما تسأل البعبع سؤال زي ده ميزو يا حبيبي انا اقدر اوصلك في اي مكان حتي تحت ايد الامريكان
انا : قد كلامك يا كبير
علي : طيب يله غير اتجها عربيتك كده من طريق البيت و تعاله عندي القصر علشان عايزك
انا : دلوقتي ينفع بليل طيب
علي : صعب يا مازن بليل عندي يوم طويل
انا : طيب انا جي
علي : هستناك و ها علق على القهوه على ما تيجي
قفل معايا
احمد : مين ده
انا : ده علي الصمدي
احمد : و هو عرف منين انك خرجت
انا : احمد علي الصمدي يعني البعبع و سر قوه راجل زي ده مش السلاح وله الفلوس و النفوذ لا المعلومات من غير معلومات علي الصمدي اعما و الاعما يتوه مينفعش واحد زي ده يتوه ابدا
احمد : طيب عايز ايه
انا : عايزني اقابله في بيته دلوقتي
احمد : مينفعش خطر بيته مستحيل تقدر تخرج منه بسهوله
انا : تصدق انا اللي مطمني اني ها قابله في بيته ميقدرش يلمسني
احمد : اشمعنا يعني
انا : أصول عدوك لو دخل بيتك يحرم عليك قتله و هو ابن اصول
احمد : لو حصلت حاجه ها تبقي مشكله
انا : سبها على الله و اتحرك على الجي بي اس
غير احمد اتجاه العربيه لي لوكيشن انا بعته ليه يتحرك عليه ساعتين و وصلنا قدام قصر كبير و حصين جدا ملغم رجاله و حراسه و كلاب حراسه دخلنا من البوابه و جالي واحد اسود
شخص : اهلا يا مازن بيه انا امام
انا : اهلا و سهلا
امام : علي بيه في انتظارك دلوقتي اتفضل
انا : طيب (ماشي معه )
احمد : (جي ورايا )
كل الحرس رفعه السلاح عليه و شده الاجزاء
احمد : (رفع ايده ) مش قلتلك
امام : اهدا ياحمد بيه نزل السلاح يابني انتا و هو احمد بيه ميعرفش قواعد بيتنا شوف يا باشا حضرتك ها تتفضل تاخد واجبك كبايه شاي في استراحه الحرس ده اجتماع مغلق بين الباشوات
انا : (بصيت لي احمد ) خلاص ياحمد
احمد : (بص في ساعته ) و ماله هشرب الشاي نص ساعه و مازن يديني التمام كل نص ساعه لو في مره منهم اخرت صدقني يا امام هدك القصر و اطلعه
امام : ههههههه شكلك متعرفش ستديل انتا في البيت الابيض يابني بس و ماله اوامر ضباط المخابرات المصريه تنفذ علم يا فندم اتفضل من هنا
احمد : (بص ليا )كل نص ساعه
مشي مع واحد من الحرس دخل مبني جانب القصر كانت قاعه طعام اختار الكرسي القريب من الباب و يكون كاشف المكان كله في نفس الوقت قعد عليه و واحد جابله كبايه شاي بص فيها كويس شمها ملقاش اي سموم اخد نقطه صغيره برده مفيش سموم اطمن و بدأ يشرب الشاي و الحارس سابه و مشي و بدون مقدامات النور انطفا و الباب اتقفل و دماغ احمد اترزعت في التربيزه الحديد و دارت المعركه
مشيت مع امام لي باب جانبي في القصر نفسه دخلت من الباب لقيت علي الصمدي قاعد قدامه سبرتا و فنجانين قهوه
علي : مبروك رجوعك
انا : الله يبارك فيك
علي : اتفضل اقعد اشرب قهوتك
انا : طيب (قعدت على الكرسي قدامه )
علي : (فضل باصص ليا شويه و بدأ كلامه )عارف انا جبتك هنا ليه
انا : لا مش عارف
علي : كان ممكن نتقابل في بيت الرعب او المجموعه عندي او بره في اي حته بس انا اخترت هنا لي سبب واحد بس هو اللي انتا عملته انا عرفت هما كانه واخدينك ليه جهاز تسجيل صغير خالص علي الصمدي و بترسن صح
انا : و انتا عرفت منين
علي : عيب يا مازن انا علي و كنت عارف انتا فين اصلهم بعته ليا ضابط علشان ياخد اذن مني لي كشف السريه عن حساباتك في بنك قبرص
انا : و انتا ايه علاقتك بالبنك ده
علي : مفيش بتاعي بس اللي فتحت ليه حسابات شغلنا القديم طلبه كشف السريه مقابل مليار و ٢٠٠ مليون محجوزين في امريكا بتوعي
انا : مبلغ ضخم
علي : ضخم ايه يا راجل ده شويه فكة بنزيم عربيه مش قصه القصه ان الحسابات دي لو اتكشفت فيها إدانه ليا اعتراف مني اني صاحب بنك ليه علاقه بعمليات لي المافيا و كشف حساباتك اللي بحول ليها فلوس وقتها دورت عليك عرفت انتا فين مكنتش اقدر اخرجك بس كنت اقدر اسكتك
انا : (ابتسمت نص ابتسامه و ولعت سجاره ) طيب و مسكتنيش ليه
علي : راهنت رهان قوي جدا بيني و بين سامح انك مش ها تتكلم وسامح قال انك ها تتكلم تحت الضغط الرهيب اللي ها تتعرض ليه و كالعاده جرت الامور كما خططت ليها و متكلمتش نهائي و ده كبرك في نظري الصراحه انتا حميت ضهري ودي كبيره عندي قولي ناوي تعمل ايه بعد ما رجعت مصر ها تشتغل في الدولار وله العقارات وله الاتنين
انا : هكمل شغلي زي ما هو بس انا عايز منك مساعده
علي : اي حاجه محتاج تمويل
انا : لا
علي : متخفش مش سلف انتا عارف مش بسلف
انا : هههه طب كنت ها تديني فلوس ازي
علي : مفيش ها ترجع تشتغل معايا في تجاره الاثار تاني
انا : معنديش مشكله ارجع اشتغل معاك تاني بس مش ده اللي انا عايزه انا عايزك تساعدني بحاول اخد رخصه مجموعه و مش عارف
علي : عارف و كان واقف فيها واحد اسمه سامح القرش و تشاء الاقدار يلقوه مقتول في الساحل الشمالي و مفيش بصمه تدل على القاتل ههههه شغل نضيف اوي يا مازن تطورت
انا : مينفعش اسيب ورايا ديل ارجع به تاني مكان ما كنت المكان هناك صعب كانه بيعملونا زي الخنازير معنديش استعداد ارجع هناك تاني
علي : فاهمك فاهمك كويس كمان خلاص اعتبرها خلصت بكره الصبح يجيلك رد عايز ايه تاني
انا : عايز معاد لي الحدود
علي : حدود اشمعنا عايز تدخل حاجه يعني
انا : لا اسمي يتحط على كشوف الحدود شغل ثابت دوري
علي : ههههههه و عايز ايه من الحدود ها تشتغل في ايه
انا : تفرق
علي : طبعا كل حاجه و ليها سعرها يا مازن الحديد ليه سعر و الاسمنت ليه سعر كل حاجه ليها سعر غير التاني
انا : لزم ابلغك انا عايز ايه دلوقتي وله بعدين
علي : مينفعش لزم دلوقتي
انا : طيب هدخل بترول و ها طلع دهب
علي : و ماله بس خلي بالك سوق البترول ليه ناسه
انا : تخيل مش طلع سامح القرش الله يرحمه
علي : ياه هيا الدنيا دايقه اوي كده
انا : شوفت
علي : محسوبه و لعبتها صح
انا : تعبت من الغباء
اقتحم المكتب شبح لا مش شبح دي بني ادم ايوه بس على وشه لون ابيض بنوته لبسه روب حرير طفولي لونه زهري
بنت : ايه يا حج حتي النهارده شغل
علي : ايه ده أعوذ بالله ايه الوش ده حطه في خلقتك ايه
بنت : ده ماسك الفراوله (فردت ايدها ) هات
علي : هات ايه
بنت : فلوس احاسب مندوب الشحن جايب طقم أقلام روج ليا
علي : روج !!!! لميتا انتي صغيره على الحجات دي
لميتا : لا النهارده عيد ميلادي و لزم طلباتي تبقي مجابه و متوترنيش علشان الحبوب ممكن تطلع في وشي
علي : ايه خايفه تتوتري يوم فرحك يا ضنايا ده عيد ميلاد مش عيد جواز
لميتا : ها تدفع وله اخلي سيف يدفع
علي : هدفع هدفع سيف بيدفع و ياخد الطاق عشره عايزه كم
لميتا : ١٠
على : (طلع ٢٠٠ ) اديله و هاتي الباقي
لميتا : (قلبت في الفلوس و كلمتني ) و النبي يا اخ قولي كده الورقه دي بكم كده لحسن نسيت نضاره القرايه بتعتي
انا : ٢٠٠ جنيه يا حجه
لميتا : ٢٠٠ مين يا حج انا عايزه ١٠
علي : ها يفضل معاكي ١٩٠ خلي الباقي معاكي اشتري حلاوه وله حاجه
لميتا : انتا شكلك بتهزر و ها تخرجني عن شعوري بص يا عسل انا باكل لوح شوكولاته سعره ٢٠٠ جنيه استرليني تمام و انتا عارف غير كده عايزه ١٠ الف جنيه مصري فقط لا غير
علي : كككك كم ليه
لميتا : اهو هو كده ها تدفع وله لا
علي : طب و ربنا لانا دافع خدي (طلع مفتاح صغير ) في درج المكتب اتفضلي هاتي الـ ٢٠٠
لميتا : و شاي المندوب
علي : اراكي توزعي من مال ابوكي
لميتا : اي نعم مال ابويا و دي حقيقه علميه مثبته بالجينات و تحاليل الف بي جي
علي : دي ان اي
لميتا : اه هو ده
علي : (هرش شويه ) فلوس التعليم طلعت فشنك تمام خلاص يا ضنايا
لميتا : جدع (راحت فتحت الدرج طلعت منه رزمه فلوس اخدتها و مشيت )
انا : مين دي
علي : بنتي بس من مراتي التالته
انا : اه تمام (و فتحت في الضحك )ههههههه البعبع راح البعبع جيه و علي الصمدي و كبير الصعيد هههههه يا جدع
علي : لما يبقي عندك زيها ها تفهم
انا : (حسيته بيعاير مش عارف ليه )
علي : المهم انا ها كلم مجدي المحمدي النهارده و اتفق معه يحط اسمك على القايمه بتعته بس خلي بالك مجدي مش بتاع تفاهم يعني اللي ها تبلغه انه داخل في الشحنه مينفعش يتغير نهائي سواء قبلها او بعدها يعني مدخل بترول مينفعش يفتح يلقيه اجهزه كهربائية ها يصادر الشحنه و تدفع عليها غرامه
انا : تمام
علي : في شويه محرمات في التجاره دي لا مخدرات وله رقيق ابيض وله سلاح
انا : اشمعنا السلاح
علي : السلاح ده السوق بتاعي انا و مفيش في مصر حتت سلاح بتدخل من بره عني فاهم
انا : فاهم طيب دلوقتي اتواصل معه ازي
علي : هو ها يعرف يوصلك و برده الصبح ها يوصلك رده
انا : طيب انا كده خلصت اسيبك انا شكلك مشغول النهارده
علي : (نظره نشوه ) النهارده هرتاح يا مازن يوم مهم جدا في حياتي صراع طويل ها ينتهي النهارده
انا : ربنا معاك
علي : (قام و مد ايده )دخولك البيت ده اعتراف مني انك من العيله
انا : و ده شرف ليا (سلمت عليه و برده اتكهربت ) ياخي شوف حل بقي في الكهربا دي
علي : هههههه قدمت على عداد ليك ههههه
انا : ههههه والله انتا فايق و رايق
علي : ايوه تعاله اوصلك
طلع معايا من الباب اللي دخلت منه و روحنا لي عربيتي بس قدام العربيه لقيت احمد وشه وارم و في جرح في وشه شكله واكل علقه محترمه حسيت ان في حاجه غلط و لكن جنبه كان سامح واقف و وشه مدمر
انا : ايه ده
علي : فعلا ايه ده
سامح : مفيش يا كبير كنت برحب بأحمد كويش
احمد : ترحيبك وشل يا شامح يا خبيبي
انا : لا بجد ايه ده
سامح : مفيش كنت بشوف اخر نتايج تدربنا شمان
احمد : بش ايه رأيك لشه فورمه شح
سامح : لالا مشاء الله عليخ
علي : سامح انتا وشك مدمر
سامح : لالا وله اي تدمير هما شويه خمدات على بليل هبقي كويش
انا : و ليه الغباوه يعني تعرفه بعض في العادي تسلمه على بعض تحضنه بعض تسأله عن بعض لكن ده غباء
سامح : معلش يا ماشن بتحشل شح
احمد : شح
انا : ها تعرف تسوق وله اسوق انا
احمد : شوف هبهرك
انا : الله يطمنك خلاص يا ابو سيف استنا تلفونك بكره
علي : حاضر
انا : يله سلام عليكم
ركبت العربيه مع احمد و اتحركنا لي القصر وصلت و لقيت كمال نايم على الارض و قدامه كرسي قاعده عليه تاشا لبسه بدله حريمي و فارده رجلها على ضهره بتقلب في تلفونها
احمد : حمدله على السلامه
تاشا : ههههههه مين خرتق وشك كده هههه
احمد : واحد صحبي
انا : عملتي ايه في كمال
تاشا : مفيش لكلك لكلك و انا ضغطي عالي
انا : قتلتيه
تاشا : لا مريح شويه
انا : يا جدعان مينفعش كده عيب ده راجل كبير برده اللعبه معه براحه
تاشا : ماشي
انا : يله انا داخل سلام
سبتهم و دخلت جوه القصر لقيت البنات قاعدين و معاهم سحر
حبيبه : ايه يا عم ها تقضيها مشاوير وله ايه
رنا : يابا اقعد مع اخواتك شويه
انا : اعمل ايه طيب بلم شغلي اللي وقع في غيابي
مرام : ليه ايه اللي حصل
انا : استاذ فاروق مدير المجموعه في غيابي توفه و من بعدها اختاره عضو منتدب فاشل دمر الدنيا كلها
رنا : و ها تعمل ايه
انا : هرجع ادير الامور دي بس في شويه معاملات ورقيه كتير في النص لزم اعملها و بعت لي صقر و محمود و يسري يرجعه الشغل تاني و قابلت ورد علشان ترجع تاني
رنا : طيب بقولك ايه ما تشوفلي شغل عندك
انا : تشتغلي ايه حتي انتي مش شغلك ماشي
رنا : لالا انا كنت بفكر اقفل البراند مش جايب همه لحد ما واحده صحبتي اقترحت انها تلم نصيبي
انا : اشمعنا كده
رنا : هيا شايفه انها ها تقدر تمشيه احسن مني خلاص يا ستي حلال عليكي شيلي شوف لنا شغلانه عندك بقي بفكر اشتغل مديره المجموعه
انا : و انا اخرط ملوخية صح
رنا : لا قمع باميا
حبيبه : ههههه فكره دي يا مازن
انا : اقمع باميا
حبيبه : لالا رنا تشتغل معاك خلي بالك بتقبض بالدولار
انا : اممممم الله يطمنك خلاص يا رنا تحضري معانا الاجتماع فرمان لي تعين رنا الخديوي يله كله رايح بس ها تشتغل في الحسابات ها تفهمي فيها
رنا : اومااااال مش سألتني اقولك انا
انا : شكلنا ها نلبس في حيطه خالو روما تحضر الغدا علشان الضيوف اللي جايه دي
قومت و متكلمتش مع سحر نهائي طلعت الاوضه فوق دخلت الحمام اخدت دش و طلعت لبست و بميل اجيب الشبشب من تحت السرير برفع وشي لقيت ادم جري على حضني
انا : ههههه في ايه يلاا
ادم : اصلك واحشني يا خالو
انا : انا كنت معاك امبارح
ادم : ده كلام بقولك واحشني
انا : اممممم عايز ايه
ادم : انا انا عايز لالا مكنش العشم يا خالي
انا : انجز
ادم : الصراحه عايز اشترك في نادي الخيل و مرام مش موافقه بتقولي مينفعش يا ادم علشان ممكن تقع من على الحصان تتكسر
انا : طيب هيا عندها حق
ادم : لا معندهاش اسمع مني بس انا عارف مصلحتي فين
انا : يابني لحسن تتعور
ادم : كل اصحابي مشتركين في نادي الخيل إما شوفت حد فيهم ضفره اتكسر حتي
انا : يابني خايفين عليك
ادم : اسمع مني بس يا خالي يا عسل و حاول تقنع مرام
انا : خلاص يا سيدي ها حاول معاها يله ننزل
ادم : يله يا كبير
اخدته و نزلنا تحت كان الشباب وصله دخلت اوضه السفره
انا : منورين يا جماعه
محمود : ده نورك يا كبير
يسري : الف حمدله على السلامه رجوعك يا اخويا
انا : الله يسلمك يا يسري منوره يا ورد
ورد : ده نورك يا مازن
انا : احب اعرفكم على اجدد اتنين معانا احمد و تاشا اجدد اتنين في الفريق و معانا رنا اختي
صقر : ها يا سيدي رجعت و رجعنا شغلنا ايه
انا : نفس شغلنا القديم مفيش جديد
صقر : ازي
انا : شوفه يا رجاله السوق في الدولار كان ليه ست اشخاص بيتحكمه فيه كنا مجرد لعبه في ايدهم نحط اسعار و نلعب عادي طول ما مفيش تضارب مصالح احنا تمام الناس دي مكناش نعرف بوجودها نهائي و احنا مجرد لعبه دلوقتي الست اشخاص دول طلعه من الصوره و السوق مفتوح ملهوش كبير اللي ها يتولي السوق ده هما صقر و محمود و معاهم رنا
صقر : ايه الهزار ده و رنا ملها
انا : رنا ها تتولا شغل الحسابات ارقام و بس طريق التشغل هيا هيا مفيش جديد خالص التسليم و الاستلام و التوزيع كله زي زمان رنا شغلتها تظبط الحسابات دي مش اكتر
صقر : اذا كان كده ماشي بس خلي بالك السوق بقي فيه حيتان جداد ناس كبرت جدا و توغلت في السوق
انا : علشان كده اول حاجه ها نعملها ها نتمطع نبين عضلاتنا نستعرض بس من غير غشوميه ها نعمل زي اللي اتعمل معانا احنا كنا لعبه و اتكشفت اللعبه لما بدأنا نخرج عن المسار و دلوقتي هما لعبه و ها تتكشف ها نوريهم ان لا مأسسه الخديوي لسه زي مهيا و ان مجلسنا ده هو اللي بيحكم السوق ده و بس احمد ها تعين فريق حراسه تحت صقر يتحرك معه دايما
صقر : مش محتاجه
انا : مش بمزاجك يا صقر اللعبه كبيره و كبيره اوي يا صحبي مينفعش تمشي عريان وله بطبنجه تسعه مللي اللعبه دلوقتي كبرت و كبرت اوي مينفعش ضهرنا يبقي مكشوف ابدا
صقر : (بديق ) ماشي
انا : ده لي مصلحتك محمود و صقر و رنا ملف العملة تحت ايدكم عايز شغل من نار اذن الصرف من المركزي بتعنا ها يرجع تاني لو مش بالزوق بالعافيه لما نبلع السوق عايز منكم حصيله كاش ٥٠٪ من عمليات البيع و الشراء تتورد احتياطي لينا
رنا : كتير يا مازن
انا : مش كتير عندنا احتياطي كبير هو اللي ها يخلينا نقدر نبلع السوق و لزم نحرقه
رنا : كده تكسير عضم
انا : عارف
يسري : و البن
انا : شوف يا يسري شغل البن ها يكمل عادي ها نضيف عليه مصنع تجفيف لي شغل الياميش دي التجاره الشرعيه في شق تاني و ليك حريه الاختيار لو حابب تدخل فيه او لا شوف يا سيدي انتا شغلك مع رنا و ورد غسيل أموال ها يعرضه بيع شويه حجات شغلتك تدخل تشتري و بأعلا سعر كده نضمن دخول فلوس في شكل سيوله شرعيه من اي مصدر تاني
يسري : بس دي مخاطره
انا : مش ملزم تقبلها نهائي تقدر ترفضها و شغلك زي مهو البن و المجففات بس يا تاخد الشغل كله بن و مجففات و غسيل اموال كمان
يسري : عندي رفاهيه الرفض اكيد
انا : ده حقك بس حدد قرارك يا كده و نكمل كلامنا يا تستلم مهماتك البن و المجفافات و تلحق تروح
هنا نزلت الصدمه على ورد و صقر و محمود هما عرفين يسري مهم بالنسبه ليا قد ايه معني كلامي ان يسري معزول من تقريب تلتين شغلنا
رنا : يسري تشتري القلم ده (ادته قلم )
يسري : ازي يعني
رنا : عادي عايزه ابيعه تشتريه
يسري : رنا انا مش فايق لي الهزار
رنا : يا سيدي امشي معايا تشتري
يسري : ايوه تبيعي
رنا : مليون دولار
يسري : ليه مليون دولار ليه
رنا : انا حره عايزه ابيعه بالسعر ده
ورد : بقولك يا يسري تبيع القلم ده بـ مليون و نص دولار
يسري : انته ها تهزره
ورد : يا سيدي سايرني يعني هيا جت عليا
يسري : ماشي
رنا : كده يبقي معاك كم
يسري : نص مليون
رنا : نسبه يسري في الغسيل كم
انا : ٢٠٪
رنا : يعني يسري كده عمل مكسب ١٠٠ الف دولار
انا : بالظبط
يسري : و الباقي
انا : الباقي بيتحط في حساب الشغل اللي انتا مسؤل عنه
ورد : هو ده غسيل الاموال هعرض حاجه لي البيع ها تاخد تمنها من عند رنا و تيجي تدفعه بالضعف كده حققنا غسيل الاموال غير طبعا شغل تاني تنزل تشتري عقارات اراضي تدخل استثمارات مختلفه و طبعا ليك نسبتك من الشغل المكسب
يسري : (سكت يفكر شويه الموضوع مفهوش اي مخاطره ها يبيع و يشتري بشكل وهمي غير كده بمكسب ) تمام و بعدين
انا : بس كده احمد ها يعين فريق حراسه تحت منك بشكل روتيني
انا : شغلي انا بقي ها يكون المجموعه الشرعيه انا و ورد شغل العقارات ها نرجع لي السوق و بقوه
محمود : اكيد مش ها تشتغل شرعي يا كبير
انا : طبعا لا كل ده غطاء لي شغل تاني اكبر منه سواء الدولار او غسيل الاموال او المجموعه بحد ذاتها
صقر : اللي هو
انا : الدهب ها نفتح مسبك دهب بشكل شرعي و قانوني بس ها نشتغل مع الدهابه
يسري : مين دول
انا : دول ناس بتطلع الجبل تطلع دهب من الارض خام بس ملهوش سعر ها يدخل المسبك تخلط و يتحط ليه سعر بعد كده
رنا : يبتاع
انا : صح بس مش هنا يتباع بره الدهب ها نجمعه من مصر و السودان ها ندخله من الحدود و الشغل ده اللي ها يعمله هما قبيله العابد افتكر ان الشيخ سلطان مش ها يرفض
ورد : اكيد ها يرفض طول ما معكش تذكره لي الحدود يا مازن متعرفش تدخل او تطلع حاجه و بابا مش ها يعرف يجبلك التذكره دي لزم تروح لي كبير السوق نفسه
صقر : مجدي المحمدي
انا : تؤ علي الصمدي اللي بالصدفه روحت زورته النهارده الصبح و ايد و اداني دعمه و مباركته شوفه احنا ضعاف و ضعاف جدا بلاش ننكر ده محتاجين ناس زي علي الصمدي و مجدي المحمدي و سيف الملكي نطلع على كتفهم
تاشا : بس الناس دي مش سهله يا ميزو و مش ها تسمح بوجودك طول ما يتشكل ليهم منافسه
انا : و مين قال اني منافس بالعكس انا صديق و صديق وفي جدا
تاشا : عقرب
انا : ده انا غلبان يا تاشا المهم انا اخدت اذن الحدود بكره ها يتأكد في بقي مصلحه اكبر يا جماعه مصلحه ممتازه
صقر : اكتر من كده
انا : بكتير يا اخويا المصلحه اللي بجد هيا الذهب الاسود و ده موضوع يطول شرحه و اللي ها يكون مسؤول عنه احمد و تاشا تمويل من مأسسه الخديوي و المكسب بالنص
احمد و تاشا بصه لي بعص اصل النسبه عاليه جدا غير كده احمد و تاشا جاين هنا شغل تأمين و بس
تاشا : ده هزار صح
انا : امممم لا جد شوفي يا ستي الاداره ليا انا التنفيذ ليكم التمويل ليا و نص المكسب ليكم
صقر : لا معلش فهمني انا مش فاهم اكتر منهم
انا : شوفه اكبر دوله مصدره لي النفط في العالم كله مين
صقر : السعودية
انا : بالظبط طب لو قتلتك انه لا مش السعوديه في اتنين اكبر من السعوديه بكتير
صقر : اللي هما مين اصل مستحيل منظمه اوبك لما روسيا دخلتها قريب و حبت تمشي كلمتها و تعمل نفسها زعيم على الخليج السعوديه في خلال ٤٨ ساعه خلتها تتأسف وضحت مين الكبير في المجال ده (و دي حقيقه يا عزيزي)
انا : الاكبر من السعودية هيا إيران و فنزويلا الدولتين دول محطوتين تحت العقوبات الامريكية و ٣٠٪ من انتاج النفط العالمي جي منهم تقدر تقولي ازي
ورد : بالوسطاء ممكن
تاشا : لا هيا مش ممكن ده اكيد روسيا واحده منهم بتشتري البرميل من إيران ممكن ٥٠ دولار ده لو سعره ١٠٠ و تبيعه هيا بالفرق ده غير الصين
احمد : و مصر كمان بتشتري من فنزويلا
محمود : ازي ده بيقول عقوبات يعني مصر متقدرش تقرب منها
احمد : (ضحك بتهكم ) انتا مش ها تتخيل حجم الحاجات اللي بتعملها الدوله و تتحرق العقوبات ديتها ايه إغلاق قناه السويس اسبوع لي الترميم و العالم كله يصوت بعدها و محدش ها يقدر يكلمك تنشر قواتك على حدود غزه و وقتها إسرائيل ها تصوت و الامريكان ها يرجعه ده شيء طبيعي جدا عندنا عرفين ازي نضغط امته و فين و ازي دي لعبت الدوله
انا : بالظبط احنا بقي عايزين ندخل في اللعبه دي
احمد : كده انتا مش عايز طقم حرس كده انتا عايز دوله تكون مقر عملياتك
انا : سهله
احمد : (هرش في دماغه بديق ) مازن مش كل حاجه حلها الفلوس
انا : بالعكس كل حاجه حلها الفلوس
صقر : ها تشتري دوله يعني يا ذكي
رنا : وسعت شويه يا مازن
يسري : صعبه شويه يا صحبي
تاشا : هو الصراحه مش صعبه خالص
احمد : بيقولك دوله كمله
تاشا : مش لزم دوله في حجم مصر لا ممكن دوله فاسده و تكون في حجم الفاتيكان مثلا مهي دوله بس اهم حاجه يكون ليها علم و باسبور و كمان مينا على البحر او المحيط
انا : بالظبط
صقر : فرصه انك تلقي دوله بالشكل ده و الوضع ده نسبه ضئيلة جدا
انا : نارانجوا دوله تطل على المحيط الاطلنطي دوله صغيره تعداد سكنها بسيط خالص فيها انقلاب عسكري
تاشا : دي مصلحه
انا : بالظبط و الميزه الاهم بقى مفيش دوله اوروبية ليها سفاره هناك وله حتي امريكا
احمد : دي ساحة لعب كبيره
انا : جدا تاشا تحبي تسافري امته تقابليهم و تتفقي معاهم
تاشا : (بصت لي احمد )
احمد : (حرك دماغه بتقل )
تاشا : ها حضر شنطتني
انا : السؤال الاهم ها تسافري بصفتك ايه
تاشا : بصفتي مندوب عنك
انا : تؤ متنفعش انا لسه مصفتش اللعبه مع الامريكان ها تسافري بصفتك سيده اعمال رايحه في اجتماع تدي قرض ليهم بقيمه مليار دولار
صقر : و ها تجيب الفلوس دي منين
انا : الفلوس موجوده انا ليا حساب بره فيه المبلغ ده من شغل قديم
محمود : طيب ما ممكن ميقدروش يدفعه القرض
انا : ده المطلوب
رنا : يعني انتا عايز تغرقهم في ديون علشان لما تطلب تاخد
محمود : ده نظام عسكري منقلب يعني لو مدفعوش دي بلطجه عجبك ماشي مش عجبك اشتكي
رنا : شوف يا محمود اي دوله فيها وضع زي ده لزم تكسب اعتراف الناس و محتاجه فلوس و الفلوس مش ها تيجي غير من مستثمرين معني ان امريكا و اوروبا وله الصين وله روسيا ليهم دراع جوه يعني الدوله دي لا تملك إلا موقعها اللي منتشر منه كتير بطول ساحل العاج محتاجين استثمارات علشان يعيشه علشان كده مش ها يسيبه مليار دولار
انا : بالظبط (بصيت ليهم شويه ) مالك يا صقر
صقر : بسمعك
ورد : مازن مش شايف ان اللعبه بقت حقيره شويه
انا : ههههه بنت عمك طلعت جريئه عنك شويه دي كلمه قليله يا ورد هيا حقيره جدا بس عايزك تطلعي كده من مثاليت قبيله العابد و تنزلي لي مستوي الناس العاديه احنا ها نوفر لي الناس دي شغل طول محنا شغالين فلوس مرتبات قوت يوم
صقر : ازي و في حرب
انا : طيب مسألتش نفسك الاول ايه سبب الحرب او سبب اي حرب في التاريخ
يسري : الفلوس
انا : الثروه يا يسري الثروة لما الموارد تقل و معاها يقل الدخل بالتالي يقل التعليم و العلم يعم الجهل و يموت الابتكار وقت ما يموت الابتكار تموت الدوله و معاها تقوم الحرب الان الموارد قليله بالنسبه لي العدد وقتها تقوم الحرب بجد لكن لما يكون في عمل شغل فلوس دخل جي خلاص مش ها تهتم اضربك ليه هو انا فاضي عايز اقوم اجيب قوت عيالي وله انتا ها تفكر تضربني برده لانا فاضي وله انتا فاضي و ايوه اللعبه أصبحت احقر و احقر عرفين ليه انا مكنتش قاعد الفتره اللي فاتت على شط في جزيره باخد تان و اشرب جوز هند لا انا كنت في مكان والله محد فيكم عنده القدره انه يتحمله ساعه ممكن نستثني تاشا و احمد من الحلفان الناس دي متدربه كويس ازي تتعامل مع ادوات التعذيب لكن انا و انته لا منعرفش شوفه الحل الوحيد لي البقاء هيا السلطه و النفوذ
صقر: الفلوس تجبهم
انا : انا عارف و انتا عارف حجم فلوسنا عامل ازي بس قولي حمتني
صقر : انتا اللي سلمت
انا : انا مسلمتش يا اتحرك يا يجيه لحد البيت هنا او ياخده حد منكم وسيلة ضغط عليا علشان اروحلهم الحكايه واضحه يا جماعه من الاخر ده اللي هشتغل فيه خايفين
صقر : خوف ايه اللي بتتكلم عنه
ورد : مش قصه خوف قصه مجازفه
رنا : لعبه كبيره اوي يا مازن
محمود : و مش مضمونه
يسري : ممكن تحصل مشكله
احمد : مفتكرش اقدر اقول كلمه بعد كل ده
انا : اللي ملوش قلب ملوش رزق دي تجاره و كبيره و مش مضمونه لان مفيش اي حاجه مضمونه اصلا انا عايزكم تقفه في ظهري لو حبين
محمود : انا في ضهرك يا كبير
صقر : يابني
انا : ايوه او لا
صقر : ماشي يا سيدي
ورد : (تنهدت ) طيب يا مازن موافقه
رنا : و انا حابه اللمه الحلوه دي
انا : روحنا في داهيه
الكل ضحك
انا : بس لزم نتفق على حاجه شغلنا سري للغاية مفيش فيه كلمه تطلع بره لحد ما نثبت رجلنا و نبقي حاجه نعرف نقف بيها قدام حد وصلت
الكل : وصلت
انا : نتغدا بقي لحسن جوعت
رنا قامت لي روما تجيب الاكل و رجعت قعدت معانا خمس دقايق و جابت روما الاكل حطته على السفره و هيا بتحط الطبق اللي قدامي حسيت بغصه في قلبي و كمان شميت ريحه مش حلوه
طلعت روما و بدأنا ناكل و خلصنا الاكل و طلعت معاهم بره اوصلهم
تاشا : اتحرك امته
انا : بكره اهم حاجه تتحركي و معاكي حراسه انتي سيده اعمال مش حارس خاص وله شخص عادي حراسه و طقم شيك ليدي في نفسك و كمان عربيه احدث مودل روز رايز
تاشا : اممممم طيب النهارده
انا : احمد النهارده تبدأ تعين فرق الحرس لي الكل
احمد : حصل
انا : تاشا انتي ها تباتي هنا الليله
تاشا : ابات فين عندكم مكان هههه
انا : اه عندنا
دخلت القصر مع رنا و عيني الاتنين ورمين اخد بوكسين في نفس الوقت و قعدت اليوم مع اخواتي و بعد العشا طلعت انام دخلت اوضتي و نمت و فعلا في حاجه بين احمد و تاشا
على الفجر روما قامت من نومه على صوت تلفون ردت
روما : الو
شخص : نفذي
روما : امته
شخص : دلوقتي حالا مازن مينفعش يطلع عليه نهار
روما : طريقه التنفيذ
شخص : تمثيل بالجثه على غرار البراتفا
روما : اوكي
قفلت المكالمه و طلعت من دولابها مسدس و حطت فيه مسوره كاتم لي الصوت و طلعت فوق راحت لي الاوضه بتعتي بهدوء تام و من غير اي صوت سحبت مخده حطتها على وشي و داست على الزناد ضربت نار و الدم متطاير في السرير
في مشهد اخر
في احد المعابد الفرعونيه
يجلس حراس مدينه الملوك و الملكات
حارس النار : دي مشكله ابن الخديوي بدأ يتطور
حارس الهواء : انهي واحد
و يدخل الاجتماع ده الوهج
الوهج : حارس الهواء عنده حق انهي واحد فيهم
حارس النار : مازن
الوهج : (سكتت بتأمل ) امممم مازن هارون الخديوي سليل الظلام الاصلي و اصحاب الاسم القديم ها يرجعه من تاني
حارس الارض : خلينا نبص لي الموضوع بنظره تانيه ايوه ها يرجعه بس لو بصينا لي التحالفات بتعتهم غير التاريخ بكتير ترابط الابطال في العصر ده مختلف كتير عن الماضي يعني بطل الاوركيل و بطل الحاشين بنهم تحالف كبير جدا و اصحاب البصيره بقي ليهم دور في الحرب دي
الحارسه : ده غير تواصل ابنا الاسم القديم بالابطال ده يدي رونق و شرعية لي الحرب
حارس النار : لا يختلط الزيت بالماء ولا تشتغل الماء بالنار و لا تحرق الارض
الوهج : عندك حق بس الارض تتحرق لما الهواء يجي و ينقل النار لي مكان تاني و المية اساسي لي التوازن و بعدها يجي
صوت من بعيد : الظلام
الكل انتبه لي القائل لي يكتشفه انه ابيهم الاب ادرا
الاب : ايه تفتكره ايه اللي ناقص النور يعني النور موجود بس نقيده لا و ده السر لزم الديره تكمل
حارس النار : اكتمال الدايره فيه خطوره
الاب : عارف بس قولي قوه الابطال بتظهر ازي في الازمات و وقت الشدائد مش علشان بتحفزهم لا علشان وقتها الابطال بيبصه حوليهم يشوفه مين المساند ليهم وقتها تظهر قوتهم قوتهم منهم فيهم
الوهج : يعني علشان كده الدايره بتكمل و دلوقتي
الاب : ايوه الان المرحله الاوله من الحرب بدأت خلاص (اخد نفس عميق )هههههه فظيع اللي اسمه علي الصمدي ده فظيع مخطط بارع بس نهايته شكلها بشعه مشكله الأذكياء ان ذكائهم يخونهم وقتها الازمه تبدأ ههههه
الوهج : النهايه شكلها ازي
الاب : اعتقد ان النهايه ها تيجي لما الذكي يخونه ذكائه و يقتله و المغرور يقتله غروره و القوي تخونه قوته و المسيطر تخونه سيطرته اصل الحياه يا ولادي مش دايما فوق وقت ما يحصل ده فعلا النهايه تيجي بس نهايه المرحله الاوله مرحله الابطال و بعدها تبدأ مرحله اهم و اعظم و اقوي و امتع
حارس النار : مرحله ايه
الاب : مرحله اصحاب الاسم القديم الاسم الملعون
حارسه : شكلك كده مش ها تلحق تفرح بالمرحله دي نهائي
الاب : فكره مات هههههه لا اصحاب الاسم مش بيموته حتي لو ماته السلسال مكمل
الوهج : في خطر (اختفت )
حارسة : خطر مخيف (اختفت )
الاب : (ينظر الاب لك نعم لك انتا يا عزيزي ) عزيزي القارء اللي تعب معانا عارف انك بدأت تزهق فاهم ده كويس بس المتعه لسه معادها مجاش لحظت كشف الاسرار بعيده اللي وقتها انا واثق انك ها تتصدم من كم الحقيقه و حجمها المرعب اطمن ها نمهد ليك حته حتة بس كشف ورق لسه بدري اوي عليه (يرفع الاب يده في استعراض ) و الان أعزائي و عزيزاتي السيدات و الساده نرفع الستار عن سليل الظلام صحاب الاسم القديم الوجهه الحقيقي لي مازن السراجي معنا و معكم لي متعتي الشخصيه مازن هارون الخديوي
يتبع .....
