الفصل الثامن
لا انصح احد بالمعادة و لكن إن اراد له منا كل صاعن و صاع
بدايه الفصل
المكان قصر نادر الخديوي
ايمان : يابني استهدا بالله
نادر : هو حد قال اني لاسع يا عمتي
ايمان : ايوه يعني ايه مش ها تحضر الفرح
نادر : هو حد عزمني علشان احضر
ايمان : و انتا محتاج عزومه اصلا يا نادر ده ابن عمك
نادر : ابن عمي انا قدامه و مفكرش يجي يزورني
شادي : يا عمتي مازن موجود و احنا موجودين و بعدين احنا مش مطلوب منا ناخد الخطوه الاولة بعد اللي عملته امه
ايمان : يابني افهم مازن غير امه
نادر : و احنا و هما مش شريف و هارون
ايمان : يا ولاد افهمه مش عايزكم تكسره فرحته كفايه حياته اللي عاشها انته عرفين يعني ايه يعيش عشرين سنه وسط اهل مش اهله وله ام امة وله اخوات اخواتة و هو عنده لحم بره
شادي : دي مش غلطتنا احنا دي غلطتهم هما لو كنا وقفنا في ضهر بعد وقت اللي حصل زمان كان زمانه وسطنا من زمان
ايمان : كانت خايفه
نادر : انا قولت اللي عندي
ايمان : كده طيب (قامت ) قوم يا زفت وصلني
نادر : الله زفت
ايمان : زفتين كمان قوم ياض
نادر: قايم خلاص انتي ها تضربي
اخدها نادر و مشيه ركبه جنبه منطقتش بكلمه ساكته لحد ما وصلها لي بيتها نزلت عند مدخل العمار و على النحيه التانيه في قهوه بلدي قام معلم القهوه راح لي عربيه نادر
المعلم : نادر باشا
نادر : اهلا يا معلم ناصر اخبارك
ناصر : بخير يا غالي معلش هتقل عليك تنزل تشرب معايا حاجه
نادر : خليها مره تانيه
ناصر : سامحني عايزك في موضوع مهم جدا
نادر : خير بخصوص ايه
ناصر : بخصوص الست ايمان
نادر : طيب
ركن عربيته و نزل منها قعد على القهوه مع المعلم ناصر طلب قهوه نادر و هو طلب لي نفسه قهوه و الشيشه
نادر : (داق البن و عجبه )
ناصر : عجبك صح
نادر : الصراحه ايوه
ناصر : ده شغل المعلم مازن ابن عمك مشاء الله عليه محدش كان يصدق ان الشاب اللي شغال صبي عند المعلم ابراهيم يبقي معلم كبير الله اكبر عليه
نادر : هو حضرتك منزلني علشان تكلمني عن ابن عمي
ناصر: لا الصراحه بس افتكرت ايام زمان بس صلي على النبي
نادر : عليه افضل الصلاة والسلام
ناصر : شوف انا راجل عندي ٦٥ سنه عندي عمارتين و القهوه البلدي دي و كفايه و معرض عربيات
نادر : ربنا يزيدك من نعيمه
ناصر : و عندي ولدين كاتب كل حاجه بأسمهم كل واحد فيهم عماره و اللي عايز مشروع فتحته ليه مش فاضل ليا حاجه في الدنيا من ملكها الزائل غير القهوه دي و الشقه الايجار القديم بتعتي و بس
نادر : تمام
ناصر : عشت في المنطقه دي من يوم ما وعيت على الدنيا اتربيت و كبرت فيها و الحمد لله قهوتي لا دخلها ديلر وله مدعي وله حتي مشبوه اسمي وسط المنطقه معروف و تقدر تسأل عني
نادر : والله اللي يسمعك يقول انك عايز تتقدم
ناصر : واعي و لماح زي ابوك الله يرحمه شوف انا طالب منكم النسب
نادر : نسب !! في مين انا اختي يعني متجوزه و حتي لو مش متجوزه صغيره على ولادك
ناصر : انا طالب النسب ليا انا مش لي ولادي انا طالب النسب في الست إيمان عايزها مراتي على سني الله و رسوله
نادر : (سكت يستوعب الكلام شويه نسب في مين و ازي)
ناصر : شوف انا مش طمعان في اي حاجه وله عايز من الست إيمان حاجه غير الونس
نادر : يا حج ناصر مش ملاحظ ان السن يعني غريب شويه
ناصر : لا مش غريب انا طالب شرع ربنا و عشمان انك تقبل و توصلني بالمعلم مازن كمان و توصيه يقبل الواحد بقي رجل جوه و رجل بره و مش عايز غير حد جنبه يونسه و ياخد بحسه يناوله الدوا و كبايه المايه لما يرقد
نادر : (مش عارف يقول ايه ) طيب سبني اكلمها و ارد عليك
ناصر : اللي تشوفه يا ابني
نادر : استأذن انا سلام عليكم
ناصر : و عليكم السلام و رحمه الله شرفت يابني
