الفصل الاول
استيقظ للواقع لا تسير الاشياء كما خطط لها في هذا العالم اللعين كلما طالت حياتك ادركت ان الاشياء الوحيد الموجوده حقا في هذا الواقع هي مجرد الالم و المعانات
القائل : اوتشيها مادارا
بدايه الفصل
بعد مرور اسبوع على اختفاء مازن الخديوي
المكان قصر الصمدي ستديل بالتحديد مكتب علي الصمدي
قاعد بيخلص شويه شغل ليه في مكتبه و تلفونه رن من رقم مسجل بأسم (السفير الامريكي في مصر ) و رد
علي : مساء الخير يا سيادت السفير
السفير : مستر علي اتمني اكون متصل في وقت مناسب
علي : خير يا سيادت السفير
السفير : في شخص امريكي الجنسيه موظف في السفاره هنا حابب يقابل حضرتك في اجتماع بس بشكل ودي
علي : طيب يشرفني بكره في المجموعه
السفير : مش ها ينفع الاجتماع ده يحصل في المجموعه
علي : خلاص يجي مكتبي و انتا عارف مكانه افتكر انك زورته قبل كده
سفير : يعني المقابله دي انا كنت طامع في كرمك انها تحصل في السفاره عندنا
علي : على ارضكم انسا عايز يجي ارضي لكن ارضكم لا
سفير : مستر علي حبين نوصل لي حل وسط
علي : دي الحلول اللي عندي
سفير : طيب ممكن يعني يجي يقابل حضرتك دلوقتي
علي : انا في القصر يشرف
سفير : هو ها يتحرك لي حضرتك دلوقتي
علي : ها نتظره لحد الساعه ١٢ بعد كده مش هقدر اقابله
سفير : قبل المعاد ده ها يكون عند حضرتك و اسفين لي ازعاجك
علي : مفيش مشكله
قفل المكالمه و بلغ قائد الحرس (سامح ) علشان يستعد لي الضيف و الساعه ١١ بالظبط سامح بلغ على الدخلي ان الضيف وصل و دخل به لي مكتب علي الصمدي و دخل شخص قصير و عريض ابيض البشره و شعره بني
سامح : مستر باترك
علي : اهلا و سهلا يا مستر باترك اتفضل
باترك : شكرا يا علي بيه و اسف على الازعاج في وقت زي ده
علي : وله يهمك اتفضل تشرب ايه
باترك : لا شكرا ملهوش داعي
علي : و ماله خير يا مستر باترك
باترك : (بص لي سامح )
علي : سامح بيحضر معايا كل اجتماعاتي خير
باترك : مستر علي حضرتك بزنس مان ليك علاقاتك و اتصالات الضخمه مستثمر قوي و شاطر و انا جي بالنيابه عن حكومتي معايا عرض
علي : (بص في الساعه ) معاك ساعه من دلوقتي
باترك : اوكي مستر علي احنا بندعو حضرتك لي الاستثمار في الولايات المتحدة بتسهيلات ضخمه منها تخصيص اراضي تخفيض جمارك و ضرائب منشائات و كمان دخل دعم لي المواد الخام و مواد التصنيع
علي : (سمعه لحد الاخر و مرجع ضهره لي وره بعدها عدل نفسه لي قدام لبس نظاره القرائه بتعته و هو مبتسم و فتح الملف اللي قدامه ) مستر باترك عرضك غريب جدا و مضحك كمان
باترك : ممكن اعرف السبب
علي : سيادت السفير لما طلبت منه انك تشرفني في المجموعه بكره رفض و قال ان الموضوع مهم قبلت بالمقابله و لكن بعد ما سمعت سبب المقابله مش عارف حاسس ان في سيب تاني
باترك : زي ايه
علي : معرفش اصلك لو ملحق تجاري او موظف في المكتب التجاري ممثل لي دولتك اقل حاجه في عرض زي ده ها تدخل عليا بخطه اسعار نسبه التسهيلات اللي ها خدها نوع العرض ايه بالظبط فين ملف العرض بتاعك لكن من الواضح انك جي في حاجه تانيه و الحاجه دي مهمه و مينفعش تتكلم فيها في وجود سامح صديقي علشان كده ها خلص بس الورقه دي و ارجعلك نتكلم بستفاضه
باترك : طيب ممكن سامح صديقك ينتظر بره لحد ما نخلص كلامنا
علي : لا عارف ليه علشان متجيش انتا تمشي كلامك عليا مين يقعد و مين يمشي و مين يسمع ايه (قفل الورق اللي قدامه و خلع النظاره ) مستر باترك اتمني تستثمر الساعه بتعتك صح علشان مش فاضل منها كتير
باترك : اوكي نتكلم على المكشوف زي ما بتقوله دلوقتي انتا بتمتلك بنك خاص خارج حدود دولتك في قبرص
علي : فل نفترض انه موجود و بعدين
باترك : نظام السرية قوي و كبير و مشفر و مليان تعقيدات ورقيه كتير احنا عايزينك ترفع السرية عن ست حسابات بنشتبة انهم متورطين في تجاره غير مشروعه
علي : فل نفترض ان كلامك صح عايز تعرف حسابات مين
باترك : مازن الخديوي
علي : مين مازن الخديوي
باترك : رجل أعمال مصري
علي : طيب انا همشي على افتراضك ان في فعلا حاجه زي دي و ان البنك ده موجود و اني بملكه الفكره في نظام البنك و اللي انا بعاني منها مع بنوك العالم كله هو عدم وجود سريه لي الحسابات يعني مجله فوربس قدرت تكتب تقرير عن ثروتي و انا مش حابب كده سر قوه البنك في سرية الحسابات
باترك : دي خدمه صغيره مش تابعة لي هيئة صحافيه نهائي خدمة من حضرتك لينا مقابلها خدمه بعدين
علي : (تلفونه وصلته رساله بص فيها و ابتسم بيأس ) قولي انتا تبع مين بالظبط يعني تبع المخابرات الامريكيه الأمن القومي الامريكي وله المباحث الفدرالية شوف مش مهم الاجابه نهائي وله انتا ها تعرف تعمل حاجه وله الجهاز اللي حطيته دلوقتي و شغلته دلوقتي ها يقدر يسرب ليك معلومه واحده من مكتبي حتي الجهاز اللي انتا شايله و عربيه المراقبه اللي واقفه على بعد اتنين كيلو من القصر مش سامعه نقاشنا اصلا مستر باترك ساوم يمكن اقتنع
باترك : و ماله نساوم ليك فلوس محجوزه في أمريكا صح
علي : اتنين مليار و ٦٠٠ مليون دولار مجمدين
باترك : نقدر نحررهم دلوقتي و بتلفون انا معايا صلاحيات مفتوحه
علي : اممم (اتعدل في قعدته ) هو عمل ايه بالظبط
باترك : شاكين انه متواطئ مع جماعات ارهابيه بتعمل في تجاره السلاح
علي : اللاسف مستر باترك مقدرش اساعدك
باترك : ليه انتا قولت البنك بتاعك
علي : لالا ثواني انا قولت فل نفترض الان فعلاً في احتماليه ان البنك يكون بتاعي انا مش تاجر عادي انا مأسسه اقتصاديه متعدده الجنسيات براس مال ضخم ليا استثمارات في كل حته في العالم و في كل حاجه مشروعه لكن بنك و في قبرص لا معنديش
باترك : و لما معندكش قاعد عمال تسأل و تستفسر ليه
علي : فضول مش اكتر يعني ههههه مستر باترك كانت اتمني اساعدك و اكسب صديق في السي اي اية بس للاسف مقدرش اساعدك شرفتني
باترك : تمام يبقي الحل القضائي
علي : يا باشا براحتك اثبت اني صاحب البنك و بعدها ابقي ارفع قضيه عليا
باترك : ها نثبت
على : ربنا معاكم سامح وصله
اخده سامح و مشي
علي : مش عارف انا الواد ده غار على فين امه بتتصل تسأل عليه كتير و تسألني عنه مش عارف اقولها ايه مش عارف انا ايه الحوار ده
