الفصل الثالث
وسط معركة الحياة يا عزيزي كلنا ممكن نخسر و كلنا ممكن نكسب رهان قوي و المجازفة اقوي بكتير الحسبة دايما مختلفة و متغيرة و النجاح مش دايما مضمون
بدايه الفصل
اتفتحت بوابة و نقلتنا كلنا لي مكان تاني و المكان ده هو الجبل الشرقي في ارض الوادي كان زابوزا موجود وسط فرقة عسكرية من رجالة البيت
مريت من البوابة غصب عني البوابة اتفتحت تحت رجلي علشان تنقلني لي ارتفاع اتنين متر عن الارض
واقف و مش باصص لحد لسة شايف احداث المعركة قدامي امتة و فين و ازي سؤال محيرني
زابوزا : يا زعيم
انا : (ساكت )
زابوزا : انا اسف بس كان لزم اتصرف و اخرجكم
بدأ الظلام يخرج مني بشكل عشوائي نبضات مأذية من الظلام بدأت تخبط في الكل محدش سلم منها نادر حاول يمتص غضبي و لكن كان اكبر بكتير من طاقة استعابة بس تدخلت ياسمين بسحر النور علشان توقف النبضات دي و هيا بتقرب مني خطوه بخطوه لحد ما وقفت قدامي
انا : ( باصص في الارض )
ياسمين : مازن يا زعيم
انا : ( رفعت وشي في وشها و هيا شافت وش لونه اسود و عيون حمراء زي الجمر و حولين عيني سواد قاتم )
ياسمين : ( قلبها اتقبض من الخوف المنظر بشع لأي حد بلعت ريقها بصعوبه من الصدمة و رمشت بعينها مرتين ) ممكن تهدا شوية علشان تعرف تتصرف
رجعت ابدأ اسيطر على نفسي بشكل جزئي سبتهم و روحت لي واحد من كهوف الجبل في طريقي شوفت اتنين من الشباب بيقربه نحية الحرس الملكي و نحية ياسمين
انا : محدش يقرب منهم دول ضيوفي
شاب : بس يا زعيم دول من مملكة الوادي اعدائنا
انا : لو حد قرب منهم هفعصة زي الصرصار الحرس الملكي يفضل يأدي وظيفتة بشكل طبيعي حماية الملك و الاميرة من اي خطر الملك و الواصية عليه و الحرس يتعاملة معاملة السفراء الدبلوماسين فاهمين
كملت مشي لحد ما دخلت لي كهف مظلم و وصلت لي اخره خلعت الدرع بتاعي و حطيته قدامي و قعدت على الارض قدامي الدرع و الخنجر اللي اضرب في ضهري
