الفصل الحادي عشر
انة الامر صعب جدا ان يحارب الانسان شعورة
بدايه الفصل
ظلام ظلاااام دامس حاسس انة بيبلعني حاسس اني بخسر جزء مني حاسس ان بقع حاسس بحزن
ممير : ههههههه اية رأيك في احساس الظلمة
انا : انتا خاين
ممير : تؤتؤتؤ انا مش خاين انا ممير حارس الظلام دي طبيعتي عجبتك القوة
انا : قوة غشيمة قوة مخيفة قوه مكوهه
ممير : ههههههه هيا دي القوة بالظبط وصفها الدقيق و الاكيد انها غشيمة مخيفة و مكوهه بس الكرهة ده طول مهيا بتستخدم ضدك لكن لو في ايدك تؤ دي قوة لي حفظ ماء الوجهة هههههه غريب ابن ادم غريب
انا : متحاولش تبرر اللي عملتة
ممير : انا مش محتاج ابرر يا ميزو الفكرة ان القوة مخادعة انتا طمعت فيها علشان كدة خدعتك لما تنطق اسمي انتا بتعترف بيا قائد عليك وقت ما انا انطق اسمك يبقي انا اعترفت بك هيا دي القوة يا صديقي خدعة ظل على الحيط لي شخص مخيف
انا : خرجني من هنا
ممير : لا لسة مخلصتش تسلية عليك
حسيت ان في حد معانا حد موجود حاضر و كان ماجين
ماجين : ممير
ممير : اطلع براها يابن ابويا
ماجين : اللي بتعملة غلط و اكبر غلط ارجع عن اللي في دماغك
ممير : (بغضب ) لالالالا مش هرجع نهائي نهائي مش هسمح باللي حصل زمان يتكرر تاني مش هدي الأمان لي حد و يتغدر بيا تاني اعيش محبوس و لوحدي من تاني
ماجين : محدش ها يأذيك
ممير : محدش يقدر يأذيني محدش يجرأ انة يأذيني انا ممير ملك ممالك الجن السبعة حارس الظلام حاكم المملكة المخفية صاحب اقدم الاسماء المجهولة انا ممير
ماجين : صدقني انا مش سعيد باللي هعملة دلوقتي يا اخويا بس انتا اللي اخترت
ممير : تقدر تقف جنبي و لكن انتا عايز تقف ضدي تبقي الحرب
ماجين : (تنهد بشقاء ) اقسمت عليك بأسم الله الاعظم ان ترحل
بدأ ماجين يتلو مجموعة من الاقسام اللي بدأت تسلسل ممير بسلاسل حارقة و مأذية لية بشكل كبير كان واضح علية في صراخة لحد مختفة
انا : هو راح فين
ماجين : مفتكرش ان دي حاجه تهمك
انا : كنت سبتني اقنعة
ماجين : الوحوش مش بتتغير يا مازن الوحوش وحوش
انا : مين اللي قال كدة
ماجين : جدك اعظم ساحر في التاريخ الحديث
انا : غلطان الوحوش من اصلها كائنات عادية ليها اصل و ليها مكانة
ماجين : النقاش في البند ده ملهوش داعي نقاش خسران لا البشر هيتغيرة ولة الوحوش هتتغير يا مازن لما تحب تخرج هتلقي نفسك برة لوحدك
اختفة ماجين
بعد شوية فوقت في اوضة نومي على سريري و جنبي ورد و اخواتي
ورد : مازن انتا كويس
انا : (بغضب ) انا كويس
مرام : مالك يا مازن
انا : معرفش و بعد اذنكم اخرجه بره عايز اقعد لوحدي
حبيبة : في اية
انا: مفيش اتفضلة كلكم برة
خرجه كلهم برة و انا بدأت دماغي تصدع لحد ما ظهرت قدامي حارسة المدينة
انا : انتي اية اللي جابك ها جاية لية من وقت ما ظهرتي في حياتي و كل شوية اكتشف لعنة جديدة عايزة مني اية
حارسة : مش عايزة منك حاجة يا مازن
انا : مش عايزة حاجة يبقي تجاوبيني و بصراحة مين غدر بممير
حارسة : مش هتحب تعرف
انا : لا عايز اعرف حقي اعرف
حارسة : اللي غدرة بممير كتير و كتير اوي يا مازن اولهم ابوة و آخرهم اعز حد على قلبة ممير عايش بعقدة ذنب ان يوم ما انحبس اتحبس هو و اخوة ممير عايش بالذنب يا مازن ذنب ميخصوش نهائي وله هو سبب فية نهائي
انا : و ابوة يغدر بة لية
حارسة : علشان غار من قوتة غار من تفردة غار من كونة فريد من نوعة دي اول خيانة و التانية انا مقدرش احكيلك عليها مازن اللي انتا فية ده مش حاجة غريبة ده نصيبك من الدنيا حاول تتقبل مصيرك يا كدة يا مصيرك هيفرمك
انا : مصير مزعوم ملهوش اي اساس من الصحة
حارسة : قالها قبلك صاحب المصير المزعوم و لكن رد علية صاحبة و هو بيشرب الفنجان و قالة تقبل مصيرك يا مصيرك هيفرمك سلام يا مازن و حاول تقرا الكتب اللي في مكتب جدك هتساعدك شوية سلام يا صاحب الاسم القديم
اختفت الحارسة و كل ظهور ليها تسبني في حيرة اكتر و اكتر الكتب اللي في المكتب بس ممير قالي مينفعش اقراها بس ثواني هو ينفع اثق في ممير بعد اللي عملة اكيد لا
خرجت برة الاوضة لقيت ورد قاعد و زعلانة
انا : مالك يا ورد مكشرة لية
ورد : ينفع تتخانق مع ابن عمك يا مازن ينفع
انا : (ترجمت بسرعة ) اه شدينا شوية بس الموضوع تطور معلش يا حياتي عارف نكدت عليكي صح
ورد : حصل خير
انا : طيب اعملي حسابك نتغدا النهاردة مع بعض علشان الفجر نسافر اشطا
ورد : اشطا
قعدت مع ورد شوية و بعدها نزلنا روحنا المطعم تحت و جت عمتي ايمان قعدت معانا باين عليها مشغولة في حاجه حاولت اسألها بس مجتش سكة قولت اسبها تفك براحتها و بعدها طلعت انا و ورد حضرنا شنطنا و غيرنا هدومنا و نزلنا ودعنا الكل و طلعنا على المطار اتحركنا على سويسرا و نلف أوروبا كلها في اليوم العادي انا قاعد مع ورد بنخرج و نتفسح تشتري حجات و كدة بس في نفس الوقت بخلص شغلي كلة الفلوس كترت في مكان واحد و عندنا مثل فلاحي يقولك لو البيض في طبق واحد و وقع تزعل علية لكن لو اتفرق و وقعت بيضه يفضل بردة معاك اللي يكفيك
بدأت اوزع الفلوس على املاك في اوروبا اشتريت قصر اثري في فرنسا اشتريت نادي رياضي كم مزرعة مواشي في نيوزيلندا اكتر من محفظة عقارية برة مصر و في اكتر من دولة في اوروبا و في نفس الوقت مقضيها مع ورد و رجعنا مصر بعد شهر استقبلوني سحر و اخواتي
فوقت لي الشغل المتأخر الشحنات من الغاز و البترول المتعطلة و شغل العقارات اللي وقف حبة و الدنيا مشيت معايا شوية بشوية
بعد ست شهور
بقرأ كالعادة في كتب جدي عمار و قريت حكاية حكاية مثيرة جدا اسمع يا سيدي
الحكاية بتقول :
في احد العصور المظلمة وجدو السحر و الساحرة او زي ما اطلقة علية وقتها سحر و لكن هو مكنش سحر خالص يا عزيزي لا مأسس العائلة الاساسي اسمة اربيل بريطاني عاش في فترة و حقبة قديمة اقدم من عصر الاسرة الحاكمة في انجلترا و في يوم المدينة كلها اتجمعت علشان تشوف الكنيسة هتقتل الشيطان الصغير ازي ولد صغير عاش بقالة مده طويلة في شكل ولد صغير حاولة يقتلوة اكتر من مرة و بأكتر من طريقة بس مقدروش و لكن المرة دي هيتحط في تابوت حديد و يترمي في البحر و يخلصة من لعنتة بشكل نهائي شوفتة ايوة شافة شاف الشيطان الصغير و هو مسحوب بالحبال المربوطة في الاحصنة بس الوش الطفولي دة مستحيل يكون شيطان او قاتل او ابن شيطان لت دة ولد عادي خالص ايوة مثير لي الاهتمام انة مش بيموت ولة بيكبر و لكن يظل طفل رموة في البحر و اربيل راح اتجاة الماية عايز يتفرج و في لحظة بدأ الجو يتغير و يخرج من رحم السماء كائن غريب مجنح و ضخم يفتح بوقة علشان يطلع نار تحرق كل المتفرجين و لكن اربيل يعيش ايوة يعيش و لكن بعد ما فقد ساق من سيقانة و يبدأ اربيل رحلتة في اكتشف الظاهره الغريبة دي اية الكائن ده و مين الشيطان الصغير و ازي عايش بيوصل لي المعرف اللي متقدرش يا عزيزي القارء الحالي انك تعرفها مش دلوقتي حتي المعرفة دي مجهولة عن صديقنا مازن
اربيل يتجوز و يخلف ولد واحد بس و سماة مرلين اللي علمة كل العلم اللي عندة و مرلين يبدع في العلم اللي ورثة و يزيدة و بدأ يكشفة لي الناس اللي قالة علية ساحر مش عالم و لكن ملك انجلترا الملك ارثر احتظن مرلين و عملة المستشار بتاعة و من مرلين بدأ نسل العلماء لي علوم الطاقة و العلوم الروحية و الكميائية و الفزيائية و اللي كلهم اطلق عليهم (ساحرا)
قفل مازن كاتب من الكتب بعد ما خلص و بدأ يدون ملاحظات و شال كل حاجة مكانها و خرج برة طلع اوضة نومة لي مراتة و شم ريحة غريبة عرفها من اول مرة
انا : يا ورد
ورد : ايه يا ميزو
انا : تاني يا ورد تاني مش قولنا نبطل الحركة دي بقي
ورد : يا مازن
انا : مازن اية بقي حرام عليكي يا شيخة حد يدخل اوضة نومة يشم ريحة زي دي بردة
ورد : ريحة ايه يا مازن انتا فاكرة حشيش دي حاجة كدة علشان تعدل المزاج مش اكتر
انا : وضعي اية لما امي ولة اخواتي يدخلة الاوضة دلوقتي يابنتي ارحميني بقي نفسي اشم ريحة نسوان
ورد : نسوان لية هو انا ريحتي واحشة
انا ؛ لا بس ريحتك سيري لك يا ورد هتفضحيني
سمعت صوت جوه الاوضة دخلت لي جوة شوية لقيت سحر و مرام و حبيبة قاعدين قدام التلفزيون في اوضتي و كل واحدة ماسكة طبق في سيري لك
انا : احية
سحر : اية يا حبيبي تعالة كل معانا
انا : حرام حرام و ربنا اوعي انتي و هيا انا نازل
حبيبة : استنا يا ميزو دي ورد عملة سيري لك تحفة
انا : و اية الصنعة في السيري لك يا عنيا
حبيبة : نوتيلا و موز فوق الوش تعالة
انا : انا سايبها و ماشي يلة سلام
اخدت كوتشي و نزلت تحت لبستة و طلعت برة اخدت عربيتي و اتحركت لوحدي روحت لي مكتب وسط البلد دخلت المكتب و طلعت لي الدور التاني و دخلت قعدت على الكاميرات لحد ما بدأ الموظفين يمشة و قعدت اخلص شوية ورق عندي و جت الزيارة اللي منتظرها دخل واحد لبس بدلة شيك و بالطو و مش مصري ملامحة اوروبية وصلة السكيورتي
شخص : مستر مازن اتشرفت بالمقابلة
انا : الشرف ليا يا
شخص : رافايل
انا : مستر رفايل اتفضل
رافايل : شكرا
انا : تشرب اية
رافايل : شكرا انا جي معايا دعوة بسيطة خالص
انا : بلغتني في التلفون خير و دعوة من مين (ولعت سجارة)
رافايل : مستر مازن ادارة الاتحاد بتطلب من حضرتك انك تقابل مندوب خاص بيها لي التفاوض على اسس العمل معانا
انا : الاتحاد يااااة و انتة اية فكركم بيا بعد المدة دي كلها
رافايل : مستر مازن الاتحاد مش بينسة نهائي بس بيختار الوقت المناسب علشان تواصل مع العناصر الخاصة به
انا : اممممم قولي كدة لية اقابل المندوب دة ممكن تبعتة الرسالة مع امي
رافايل : من قواعد العمل عندنا ان اي عضو لما نحب نبلغة رسالة او تعليمات جديدة بتكون عن طريق مندوب من الدايرة المغلقة لينا و ميكونش يجمعة مع الشخص ده علاقة قوية دي ام و ابنها
انا : امممممم طيب المكان و الزمان
رافايل : المكان روما الزمان بعد سبع ايام من النهاردة
انا : شروط المقابلة
رافايل : على ارضنا و بدون سلاح هيوصلك المكان التحديد يوم وصلك روما
انا : موافق
رافايل : اتفقنا و سعيد بالتعرف عليك مستر مازن
انا : انا اسعد
رافايل : بلغ سلامي لي الهانم بعد اذنك
مشي رافايل و انا قعدت افكر في المقابلة دي و شكلة اية المندوب دة و اية القواعد الغريبة دي بس لو المندوب جي برسالة تهديد بالقتل او تحذير مينفعش يكون من اهلك ولة تجمعك بة اي صلة او مشاعر او اي علاقة
قومت قفلت المكتب و نزلت تحت قفلت الباب الرئيسي و بصيت ورايا لقيت سليم واقف و ساند على عربيتة
انا : اية واحشتك
سليم : جدا
انا : خير يا سولي
سليم : مفيش يا ميزو قولت اسلم عليك انتا عامل اية
انا : بخير يا حبيبي قولي جي في اية
سليم : مفيش وصلتني معلومة كدة ان جاتلك دعوة من الاتحاد انك تقابلهم برة مصر
انا : يخصك في اية
سليم : يخصني في كتير ميزو الاتحاد ملهوش رجل جوه مصر
انا : سحر موجودة
سليم : سحر بتعمل نوع من انواع التوازن موجودة ايوة و لكن بتقدم تضحيات لينا صفقات عمولات معلومات حجات كتير اوي
انا : هههههه طيب و بعدين
سليم : تعاله معايا
دخلنا الزقاق و كان فية عربية تانية واقفة اتفتح شنطة العربية لقيت رافايل فيها مربوط
سليم : اعترف بالمطلوب منة من غير اي خدش خلي بالك الاتحاد عارف ان رافايل ممنوع من دخول مصر و احنا اللي منعين دة عرفين اللي ها يحصل لو دخل و عرفين اننا لو قفشنة هينطق بسرعة
انا : قصدك اية
سليم : اللي فهمتة (طلع مسدسة و ضرب رافايل في دماغة طلقة ) حرص يا ميزو من اللي بتتعامل معاهم انتا متوصي عليك بس لو خرجت برة الصف هتزعل و هتزعل اوي مفيش حاجه هتمنعنا نهائي اننا نزعلك لا اللي موصلي عليك ولة سحر هانم ولة نادر ابن عمك ولة حتي نسبك بقبيلة العابد من الاخر كدة لو خرجت عن الصف هتحصل الاخ دوناتلو ده باي يا ميزو (رايح يركب العربية )
انا: ههههههه
سليم : بتضحك على اية
انا : سليم انا مش بتهدد ولة محسوب عليك علشان تأمرني سليم خلينا عدلين مع بعض تهديد زي دة لو حصل تاني صدقني مش هقبل انك تعيش بعدها و بلغ اللي موصي عليا اني قولت الكلام دة و اشتكيني لية ماشي
سبتة و مشيت ولة يفرق عندي
ركب سليم العربية و كان موجود فيها واحد حليق الشعر و الزقن لبس بدلة سوداء و تحتها قميص اسود بدلتة بيفوح من سناياها ريحة الموت و اسمة نوح
سليم : سمعت
نوح : عارف الواد دة عجبني اوي اكتر من نادر
سليم : يا جدع ازي بقي
نوح : نادر عارف الحكاية و بيتصرف على اساسها لكن مازن مش عارف حاجه و يتحرك بقوة علشان يوصل و مش فرقة عندة يتعارك مع مين مستعد للجميع بس مش ها يفضل محافظ علي استعداده دة للنهاية
سليم : اشمعنا
نوح : القدر يا صديقي لزم يدوق لفتة هيا الدنيا كدة خلاص مازن دخل في مرحلة المساومات و المفاجأت خلاص دخل اللعبة بجد هههههه هههههه و لسة لما يروح اخر الاسبوع يقابل مندوب الاتحاد هههههه والله سامح القرش كان شيطان اكتر مني هههههه
سليم : انتا لبس كدة ليه
نوح : عندي ماتش تصفيات النهاردة و انتا عارف احب احضر ماتشات التصفيات بطقم الحداد مالك اتحرك
مالك : حصل
عندي انا رجعت البيت و طلعت اوضة نومي غيرت و دخلت السرير و اخدت ورد في حضني و نمت
صحيت تاني يوم على ادم الواد مشاء الله بدأ صوتة يخشن و بقي راجل كبير
ادم : خالي يا خالي
انا : ادم صباح الخير
ادم : اصحي علشان تفطر
انا : فين ورد
ادم : قالتلي اطلع اصحيك يلة
انا : طيب هغسل وشي و انزل
ادم : ماشي
خرج ادم من الاوضة و انا قومت غسلت وشي و نزلت تحت لقتهم بيحضرة السفرة و صقر لابس بدلتة و قاعد
انا : صباح الخير يا ابو شاهين
صقر : صباح النور صاحي متأخر يعني
انا : مفيش بس صاحي جسمي مكسر والله
صقر : تلقية دور برد
انا : فين رنا
صقر : مع طنط في المطبخ
انا : طيب
جوه المطبخ
رنا : لا انا لزم اقول لي مازن يشوف حل معة
ورد : ايوة الموضوع دة مينفعش تسكتي علية
حبيبة : لزم تسألية الاول لحسن تكوني ظلمة ولة حاجه
مرام : اكيد مظلوم
ورد : و ممكن لا
حبيبة : انتي معة ولة معاها
ورد : انا مع الحق ابن عمي و مينفعش يتسكت لية
رنا : ردي عليا يا ماما
سحر : ارد اقول اية حتي انتي جوزك صاحب مجموعة مكاتب صرافة بيتعامل مع كل فئات البشر طبيعي يكون بيتعامل مع ستات
رنا : لدرجة انها تتصل علية بليل
سحر : البزنس مفهوش بالنهار و بليل عادي
رنا : لا في ازي تكلمة الساعه واحدة بليل و هو يطلع يرد عليها برة اية في سر بنهم يعني
ورد : مثلا
مرام : ممكن يكون مأخدش بالة
رنا : مأخدش بالة مني دي مصيبة لوحدها
سحر : رنا بلاش تخربي بيتك يا حببتي صقر مش بصباص لو بصباص مكنش اتجوزك اصلا و انتي يا ورد اهدي شوية ها اهدي
ورد : متغاظة من الجزمة
رنا : الله الله الله بتشتمي جوزي لية دلوقتي
ورد : قصدي الفردة التانية
رنا : مهو اخويا بردة
مرام : لا ملكيش حق يا ورد دة مازن بيعملك كل حاجة عايزها
ورد : عرفة بس لية لما تجيلة مكالمة يقوم يتكلم بعيد بردة بيخبي اسرار عليا يعني
سحر : يقطع النكد على الصبح يا جدعان افهمه طبيعة شغلهم بتحتم ان يكون في اسرار و مينفعش الستات تعرفها الان بصراحه الستات لتاتة و انتة بنات هبلة واحد منكم تتكلم في كوافير ولة نادي تضيع الدينا يعني
رنا : محنا ياما حضرنا اجتماعات كان فيها تجارة عملة و غسيل اموال و صفقات غاز و بترول متهربة عمرنا متكلمنا
ورد : ايوة دة كفاية صفقات الشريكات و المشاريع اللي من الباطن و الدهب اللي كنا بنهربة برة مصر
مرام : اية دة
حبيبة : انا اول مرة اسمع الكلام دة
مرام : و انا
سحر : (ها تتجلط ) و ربنا لو امين شرطة سألكم لا تحبسة الاتنين و ياخدة اعدام كمان والله الستات ما يتبل في بوقها فولة ابدا جتكم القرف اعملة الفطار بسرعة
كملة تحضير الفطار و حطوة على السفرة و احنا قعدنا نفطر عادي خالص رنا محبتش توضح اي حاجة او شكوكها من نحية صقر الانها مش عايزني ادخل نهائي
فطرت و طلعت فوق اخدت دش و لبست بدلتي و نزلت اتحركت انا و صقر في العربية مع احمد و تاشا
انا : احمد هنقدر نتكلم في العربية
احمد : ثواني (داس على زرار في العربية ) تقدر تتكلم
انا : امبارح الاتحاد بعت ليا مرسال
تاشا : و عايزين اية
صقر : هما مش نسية ولة اية
احمد : الناس دي مش بتنسة خالص يا صقر و مازن مطالبش بالكرسي بتاعة و مكانة بقي فوضة زيادة عن اللزوم برتفا و الكيان و اكتر من دولة بدأت تدخل و تلعب في السوق دة الزباين موجودين و شبكة الاتحاد منصوبة و مواردة موجودة بس مفيش اي حد يشغلها مصلحة ليهم
انا : بالظبط و هو دة المطلوب انة يحصل كون انهم طلبوني يبقي الوضع وصل لي المرحلة المطلوبة
صقر : و بعدين
انا : بعد ست ايام لزم اكون في روما علشان اقابل المندوب بتاعهم برة مصر و نتفق على الشغل المكان و الزمان هعرفهم وقت موصل و المفروض اني لوحدي
احمد : فهمت
انا : اهم حاجة يا تاشا تكوني محضرة ملف تحريات كامل عن جنوب افريقيا السوق و الشغل و المعاملات هناك و كمان تحضري نارانجوا تكون مقر توزيع لينا و مقر عمليات لي شغل السلاح
تاشا : هسافر الفجر
انا : تمام صقر تروح تشوف الوضع هناك عامل ازي ماشي
صقر : احجزي ليا كرسي
تاشا : حصل
كملنا الطريق لي المجموعة دخلت المجموعة و طلعت لي مكتبي لقيت السكرتيرة بتقولي في ضيف جوة دخلت المكتب و لقيت نادر موجود
انا : اهلا يا نادر اخبارك اية
نادر : بخير انتا عامل اية
انا : الحمد لله اتفضل اقعد
نادر : شكرا
انا : (قعدت ) تشرب اية
نادر : ممكن قهوه
انا : مظبوط
نادر : سادة
انا : ماشي
طلبت قهوتي و قهوة سادة لية و جابها البوفية
انا : خير يا سيدي اية سر الزيارة دي
نادر : عايز اتكلم معاك شوية ينفع هنا ولة نتحرك
انا : (مسكت تلفوني و دوست على كم حاجه كدة و رجعتة تاني جيبي ) نقدر دلوقتي
نادر : شوف يا مازن انا جي اتكلم معاك بخصوص الاتحاد
انا : سليم بعتك
نادر : سليم ميقدرش يبعتني في حتة
انا : خلاص اللي مشغل سليم
نادر : ملناش دعوة بدة و مش هو كمان انا بتكلم عن الاتحاد
انا : مالة الاتحاد
نادر : بلاش تتعامل معة
انا : اشمعنا
نادر : الاتحاد مش المكان السهل ولة الناس السهله اننا نتعامل معاها الاتحاد ورة اسرار كتير انتا متعرفهاش نهائي لزم تفهمهم الاول
انا : امممم طيب (ولعت سجارة ) شوف يا نادر تجارة الاتحاد انا محتاجها و قدامي سكتين ليها يا الكيان يا الاتحاد و الكيان مش هيديني اللي انا عايزة علشان انا مش من العيلة و لكن الاتحاد هيديني اللي انا عايزة و انتا كمان ليك نصيب فية دي تجارة عيلة مش تجارة فردية
نادر : متلزمنيش تجارة الاتحاد
انا : يا جدع قول كلام غير دة ههههه نادر انا مش مختوم على قفايا انا عارف انك بتشتغل مع الاتحاد من بعيد خالص في تجارة السلاح نادر التجارة دي حق شرعي بالوراثة يابن عمي ورثنا و ورثنا دم لزم ناخدة
نادر : عرفت منين اني بتاجر مع الاتحاد
انا : عارف يابن عمي ميزة انك تتعلم السحر اية انك تقدر تعرف و تفهم اكتر تشوف اللي محدش غيرك شايفة و تعرف اللي محدش غيرك يعرفة و تسمع اللي محدش غيرك يسمعة انتا اتعلمت السحر مع الوقت لكن انا اتزرع فيا السحر و حارس الظلام من يوم ولادتي
نادر : انتا كدة بتلعب بسلاح خطر قوة انتا متعلمهاش ولة تعلم أسرارها اخر مرة كنت هتنهينا كلنا
انا : و مالة محدش بيتعلم ببلاش و انا اتعلمت اسمع كرسي سحر و الكرسي بتاعي دة ارث عائلي الكرسي بتاعي كان لينا لحد ما اخدة سامح القرش و انا رجعتة بأيدي نصيبك انتا و اخواتك هيوصلكم لحد عندكم تحب تاخدة بضاعة ولة فلوس
نادر : مازن احنا عايزين نتفق مينفعش انا و انتا في وش الاتحاد لزم حد فينا يدارة
انا : يبقي اسحب انتا من الصورة تجارة الاتحاد انا محتاجها و مفتكرش اننا هنختلف على حاجة زي دي ولة اية
نادر : انا بقول كدة بردة
انا : يبقي اتفقنا يابن عمي هروح معادي و ارجع و نقعد مع بعض نتفق نصيبكم يوصلكم ازي كاش ولة بضاعة
نادر : اتفقنا
انا : شرفت يا نادر
نادر : شكرا
قام نادر و طلع برة المكتب نزل تحت ركب عربيتة و كان معة نفس الراجل اللي كان مع سليم امبارح (نوح)
نادر : مازن مش ها يغير رأية
نوح : يا حرام لية
نادر : شايفة حقة بعد اللي شافة
نوح : تؤتؤتؤ كدة طيب
نادر : مش عارف لية يا نوح حاسس لا سمح الله يعني ان دة كان المقصود بالزيارة
نوح : لالالالا ازي تؤ كدة تشك في عمو نوح حبيبك
نادر : نووووح
نوح : هههههه نادر دة شغل و انتا عملتة و ده تمنة الملف اللي طلبتة (طلع ملف )
نادر : (اخد الملف ) دي كل حاجة
نوح : هتدور ورايا يعني يا صحبي حتي عيب في حقي
نادر : نوح يا حبيبي انا بعد صوابع ايدي بعد مبسلم عليك
نوح : محبتهاش منك ايوة يا سيدي دي كل حاجة بس ثواني انتا هتدير الملف ده
نادر : ايوة
نوح : يبقي الشريكات دي هتفلس بكرة
نادر : افندم
نوح : اية دي الحقيقة نادر انتا تدير بس ملكش دعوة بالحسابات و الاقتصاد و الجو دة مش بتاعك
نادر : حاولت اتعلمة بس بردة على قدي
نوح : و لو قعدت سنين عمرك مش هتعرف بردة جمع المال دة موهبة يابني و انتا مش موهوب فيها
نادر : طيب انصحني يا نوح اعمل اية اكمل دراسة
نوح : مهما اتعلمت الحمار ميعرفش غير اخضر برسيم و بس لكن في غيرك يعرف فيها
نادر : لالا مش هسيبها لحد غريب يدير
نوح : مش مطلوب يدير سياسة المطلوب يدير اقتصاد
نادر : ايوه مين ممكن اثق اني احط فلوس تحت ايدة
نوح : (بص لي مبني المجموعة و ابتسم ) حلوة المجموعة دي و مديرها اقتصادي شاطر اوي اوي يا نادر تصدق قدر يصفي حسابة اللي برة مصر اللي فية السيولة في اكتر من حاجة و كلهم ناجحين شاطر و شاطر اوي كمان تحب اوصلك فين الشركة ولة الوكالة (بص لي نادر لقة ساكت ) البيت احسن اطلع على بيت نادر الخديوي يا مالك
عندي انا قعدت اخلص شوية ورق مهم عندي امضائات و بدأ اجتماع مجلس الادارة و كان حاضر فية الكل و طلع ورد و رنا من المعادلة يا عزيزي
امير : هيا دي المشاكل اللي عندي المعدات عايزة تطور بشكل كبير علشان الشغل اللي جي
يسري : شغل اية دة
امير : الحكومة اتفقت مع حكومة ليبيا انها تاخد حق تنقيب لي ابار نفط و غاز في البحر المتوسط فوق ١٥٠ بير الشركة الحكومية ممكن تشيل حوالي ٣٠٪ من الابار لكن الباقي علينا احنا و شريكات تانية مقاولات من الباطن بس علشان ندخل محتاجين اسطول شحن شرعي و كمان نحدث المعدات بتعتنا
صقر : كل دة ضغط كبير و مبالغ تقيلة يا امير احنا علشان نجيب اسطول شحن شرعي اقل اسطول هيجي هيكون من الصين يا من الهند و الاتنين مش هيدخلة شحن جوة البحر الاحمر ولة المتوسط في شركتين بلعين البحرين شركة العطار و شركة الحوت
احمد : احنا بنتكلم في كم كدة تقريباً
امير : ٣ مليار دولار
يسري : مستحيل احنا معناش المبلغ دة و علشان يكون معانا محتاجين نسيل كل الممتلكات اللي جوة مصر بأكملها احمد معاك دولار بالحجم دة
احمد : معايا فوق المبلغ دة احنا معانا سيولة فوق ٤٠ مليار دولار في السوق اقدر اللمهم بس علشان يدخلة البنك الفلوس دي هتنقص مش اقل من ١٠ او ١٥ مليار و الصراحة يا باش مهندس امير دي خسارة كبيرة اوي علشان نعوضها من الشغل بتاعك اللي هياخد شهور علشان ندخل حتي وضع التجريبي لي الابار دي
صقر : و لو قولنا على القد ٣ مليار بس هنحتاج نحط ضعف المبلغ دة علشان يوصل ٣ مقفول وقتها هنحتاج مش اقل من سنتين او ثلاثة علشان نرد المبلغ من شغلك و دة لود كبير عليا
يسري : يا كدة يا نجيب من برة (و بص ليا )
انا : للمرة المليون هقولكم ملكمش دعوة باللي برة دة نهائي اللي برة دة برة كل الحسابات نقطة التانية اللي برة ما بنصدق نطلعة برة مش نرجعة تاني و بكمية زي دي تلفت النظر امير عايز الفلوس دي في خلال قد اية
امير : في خلال شهر
انا : طيب لو مبلغ زي دة دخل في خلال ٣٠ يوم كلنا هنشرف في ابو زعبل
يسري : طيب اية الحلول اللي عندنا
امير : مازن الصفقة دي هتحط شركة التنقيب في حتة تانية خالص نقلة بجد و اسم بجد و شرعي لينا
انا : هدبرها
صقر : ازي يا مازن دي قصة كبيرة
انا : هناخد قرض
صقر : مفيش بنك هيديك المبلغ دة لا جوة وله برة مصر و كمان الوقت مهم
انا : احنا مش هناخد من بنك هناخد قرض من مأسسة اقتصادية زيها زينا بس هيا اكبر بكتير منا
صقر : و دة ازي
انا : هتشوف دلوقتي (مسكت تلفوني و طلعت رقم و اتصلت علية و رد ) باشا ...... انا بردة من وقت الفرح و مسمعش عنك حاجة خالص ...... لا ازعل منك بجد دة انا ابن اخوك بردة........ ههههههه عارف .... صحيح كنت عايز معاد النهاردة ...... شغل كالعادة ........ تمام نتغدا مع بعض النهاردة ..... اتفقنا ..... ماشي هجبلك معايا حاجة حلوة ههههههه ...... اوعا تشتم عيب ..... طيب اتفقنا سلام (قفلت المكالمة ) يسري حضر اربعة كيلو بن بص عايز عصارة خبرة السنين كلها تطلع فيهم
يسري : مش فاهم
انا : مش لزم تفهم
يسري : طيب ماشي
انا : نقفل الكلام في الموضوع دة الفلوس هتدبر خلينا في الباقي عندنا اية تاني
محمود : عايزين فلوس مصري كتير
انا : مصري اشمعنا
محمود : بدأ يدخل السوق مبالغ ضخمة جدا دولارات و يرور استرليني بكميات كبيرة لو احتوينها كدة نضمن ميطلعش لينا منافس لي حوالي خمس سنين قدام
انا : للدرجة دي
صقر : فعلا يا مازن نص السيولة اللي معانا ١٥ مليار دولار و دة من الدولار بس
انا : طيب و دي بتتوزع عن طريق اية
محمود : شبكة طويلة
انا : اهههه قلتلي طيب نتقل عليها لحد ما الشبكة دي تبان ملامحها الاول و نعرف مين اللي مسرح الناس دي
صقر : انا شايف كدة نتقل لحد ما نعرف مين صاحب الخميرة دي
انا : تمام اية تاني
صقر : دي خريطة الاسعار اللي معمولة لي المشروع الجديد و خطة الاقساط كمان
انا : تمام (فتحت الملف و بصيت على كم حاجة كدة و قفلتة ) تمام اعتمد بس عايزين نغير حاجة صغيرة خالص
صقر : اية هيا
انا : طبعا انتة متابعين اللي حصل في الأسبوع اللي فات في سوق العقارات خمس شريكات قسطت لس الناس و رفعت الشيكات في اوقات بدري عن طريق بنود في العقود بتعتهم الثقه انخفضت جدا في فكرة التقسيط مع الشريكات
صقر : حقيقي كفاية شركة نيفادا دي كانت عملاق و عملت حركة زي دي
انا : عندك حق دلوقتي الثقة اتجهت لي الشريكات اللي بتقسط مع البنوك احنا عندنا نظام تقسيط مع البنوك صح
محمود : ايوة
انا : هنعمم النظام على كل المشاريع بند و البند التاني عايزين نعممها مع بنوك اجنبية بنظام اشتري و قسط و احنا ندير و نأجر عن طريق شركة التسوق العقاري
صقر : هيا دي خطوة كبيرة بس احنا في غنا عنها دلوقتي
انا : بالعكس احنا عايزين مصدر دولاري سريع مش زي الشغل التاني الشغل التاني الفلوس بتتحرق فية في دورة سريعة بس تكلفتها اكبر احنا عايزين نتفادة التكلفة الكبير عن طريق ان العملية تاخد وقتها دة يحصل لما نقدر نوفر النقد الاجنبي عن طريق شرعي بره البلد
صقر : امممم
محمود : هيا دي فكرة ممتازة جدا يا مازن خصوصاً اننا بالطريقة دي هنقدر نخفف ضغط الطلب عن السوق بتاعنا الدولار سعره رفع جدا و دي مشكلة هتزل منا اهلنا
انا : انا بقول كدة بردة انا هعتمد النظام دة مع البنوك هنا و هدخل في اجتماعات مع البنوك برة نحاول نعتمدة
صقر : تمام
انا : ها في حاجة تاني
يسري : انا تمام
محمود : و انا
صقر : و انا
امير : حاول تدبر الفلوس بدري شوية يا مازن عايزن نلحق
انا : في خلال اسبوع الفلوس هتبقي عندك
امير : طيب
انا : يلة اتحركة
قامة مشية و انا قومت دخلت المكتب بتاعي اكمل شغلي عادي جدا لحد الساعة ٢ الضهر قومت اخدت حاجتي و نزلت ركبت مع احمد و اتحركنا لي مجموعة الكيان الاقتصادية دخلت من البوابة و طلعت مع السكرتارية لحد الدور الاخير لقيت في وشي سامح
سامح : منور
انا : باشا واحشني
سامح : و انتا كمان عامل اية
انا : بخير الحمد لله
سامح : جي لية بقي
انا : عايز فلوس و فلوس كتير اوي كمان و عايزها في صورة قرض
سامح : امممممم طيب يا سيدي هدخلك لي علي تقعد تتكلم معة و تتفقة بس خلي بالك المعاد دة انا اخدتة بالعافية
انا : عارف علشان كدة كلمتك
سامح : فين حلاوتي
انا : (اديتة البن )
سامح : حلوتك تعالة
روحنا لي المكتب فتح الباب دخل و بعدها نادم عليا ودخلت و شوفت علي الصمدي اية دة ده شبة ابوة جدا بس باين علية لائيم مش زي ابوة ابوة كان دغري لكن ده زي الحرباية بـ ١٠٠ لون و موثقتش في نضارتة دي
سامح : اعرفك يا علي مازن
علي : اهلا و سهلا يا مازن بية
انا : اهلا بيك يا علي بية
علي : اتفضل منورنا
انا : دة نورك
قعدنا
علي : تشرب اية
انا : قهوه مظبوطة
علي : تمام (رفع سماعة الدخلي على البوفية ) اتنين قهوه مضبوط عندي
سامح : مازن كان عايزك في موضوع مهم يا علي
علي : خير يا باشا
انا : كل خير احنا دخلين مشروع كبير و كبير اوي كمان و حبين ناخد دعم مادي من الكيان
علي :دعم مادي و مالة بس احنا بنتكلم في حسبة كم كدة تقريبا
انا : معيش رقم تقريبي معايا رقم فعلي
علي : جميل دة يسهل علينا كم
انا : ١٠ مليار دولار
علي : (بص ليا شوية و بص في الورق اللي قدامة قفل الملف و رجع ضهره لي ورة ) مش شايف انة ملبغ كبير شوية
انا : تؤ كبير اوي مش شوية
علي : امممم طيب ممكن اعرف هتحتاج مبلغ زي دة لي اية
انا : طبعا لي حساب شركة تنقيب الغاز
علي : و المقابل
انا : اللي تحددة
علي : احنا مش بناخد فوايد ولة حبين ندخل معاكم شركاء بس ممكن نعمل حاجة اللطف من كدة
انا : اللي هيا
علي : طبعا مبلغ زي دة م لي مرتبات اكيد دة لي معدات
انا : تقريباً
علي : طيب انا هديك المعدات اللي تحتجها ايجار انا هشتريها و انتا تأجرها
انا : ههه طيب اقبل لية بالعرض دة
علي : لنفس السبب اللي ممكن اقبل علشان اسلفك فلوس
انا : تؤ متنفعش
علي : كدة يبقي انتا مش واضح في جزء من كلامك فهمني اكتر انتا عايز الفلوس دي لي اية
انا : عايز اشتري ٢٠٪ من اسطول الكيان البحري
عم الصمت في المكان الطلب غريب جدا
علي : (فضل باصص ليا شوية و ضحك )هههههه ازي بقي جي تاخد قرض و كمان تشتري ربع اسطول شحن بحري من اضخم الاساطيل في العالم
انا : شوف انا محتاج اسطول نقل بحري انا هاخد القرض و ادفعه لي الكيان تمن لي السفن و اسدد ليك براحتي اسهل عليا
علي : و اوافق لية
انا : عربون صداقة و محبة خلي بالك لو الهانم هنا او الباشا كنت اخدت اللي انا عايزة عادي بس اديني بتعرف عليك
علي : امممم طيب طلبك صعب و يكاد يكون مستحيل الكيان مش بيبيع املاك
انا : طيب هو انا ممكن اخدها إيجار
علي : ايجار سهله لكن بيع صعبة الكيان مش بيبيع بس اهم حاجة حق الادارة ليك و لكن الملكية لينا
انا : اكيد هخلي الموظفين عندي يتراصلة معاكم علشان التقيم و العقود و كمان السعر
علي : تمام اتفقنا شرفتنا يا مازن بية
انا : الشرف ليا يا علي بية بعد اذنك
علي : اتفضل
روحت لي الباب و خارج برة و ورايا سامح و هو ماشي بيكلم نفسة
انا : اية كبرت و خرفت ولة اية
سامح : ولاا اظبط و بعدين انتا جي تأجر ولة تشتري ولة تاخد قرض
انا :جي أجر
سامح : طيب طلبت قرض لية من الاول
انا : علشان امول صفقة الشراء
سامح : و انتا كنت هتشتري
انا : لا
سامح : طيب جبت سيرة الشراء لية
انا : شوف علشان اوصل لي الايجار محتاج ارمي عرض بالشراء في الأول و الاخر البزنس مينفعش تكشف فية نواياك يا عمي لزم تفضل مداري دايما محدش ينفع يفهم ولة يعرف انتا عايز اية علشان لو عرف و فهم يبدأ يساوم فهمت
سامح : (بص ليا و ابتسم ) اية رأيك في علي
انا : مينفعش مكان ابوة يا سامح مستحيل لو دخلت دخلة زي دي على ابوة مش هتاكل معة ابدا لكن علية كلت و شربت كمان
سامح : لسة بيتعلم
انا : مستحيل يوصلة التجارة مهارة حل المشكلات و مهارة التفاوض مهارة المساومة و دة فرق كبير بين الاتنين يا عمي
سامح : بكرة تتفرج علية
انا : بكرة يا اشوفة زي ابوة زي الكبير يا اشوفة بيضيع زي الصغير يلة اسيبك انا و اللحق اروح
سامح : ماشي يابن الخديوي
مشيت و سامح رجع لي ذكرا قديمة جدا ذكرا اول تفاوض حضرة مع المأسس علي الصمدي بابا ياغا اللي اتبع فية نفس الاسلوب ساوم على حاجة و في لحظة غير الحاجة دي لي حاجة تانية خالص و ابتسم
نزلت ركبت مع احمد و رجعنا على القصر دخلت جوه شميت ريحة الطبيخ عرفت ان ورد في المطبخ دخلت بتسحب لحد المطبخ لقتها واقفه حضنتها
ورد : اية دة يا مازن
انا : ريحة الطبخ جابتني من المجموعة جري
ورد : بجد الريحة حلوة
انا : جدا
ورد : طب دوق
انا : هاتي بوسة الاول
ورد : بس عيب
انا : اخد بوسة و بعدها ادوق
ورد : (باستني من خدي ) تمام كدة
انا : لا مش عايزها من خدي
ورد : انتا قليل الادب اوي على فكرة
انا : هو في احسن من قلة الادب يا بت هاتي بوسة
حبيبة : احم
انا : اية ده انتي هنا من امتة
حبيبة : من ساعت ريحة الطبخ ها اتلم شوية اتلم
انا : بت انتي مش بيجيلك عرسان لية ها لية
حبيبة : قاعدة على قلبك
انا : ماشي يا حبيبة هطلع اغير هدومي الغدا قدامة كتير
ورد : معة ساعة
انا : طيب خلصة و انا في المكتب
ورد : طيب
طلعت غيرت هدومي و نزلت تحت دخلت مكتب جدي عمار روحت نحية المكتبة حركت كتاب اتفتح ورة باب سري دخلت جوه و قفلت ورايا و نزلت سلم لي تحت سلم معمول من الحجار و طول الطريق لي تحت في شموع متعلقة على الحيط كل منزل اكتر تولع لي تحت لحد ما وصلت لي صالة كبيره فيها منلقد نار ولعت اول مدخلت لي صالة كبيرة جدا معمولة من الصخور و الحيطان منقوش عليها باللغة المصرية القديمة هيرغليفي مشيت في الصالة لي الحتة الضلمة اللي منورتش و اولها عمودين كبار مرسوم عليها نقوش قديمة اول مقربت حاجة خبطت في حاجز بيني و بين الدخول حاجز منيع بيتي و بين ممير
انا : لسة عايز تخرج
ممير : حبسك ليا انتا و ماجين هتدفعة تمنة غالي اوي اوي
انا : انتا اية مشكلتك معايا
ممير : مشكلتي مع جدك هو اللي غدر بيا و هنتقم منة فيك
انا : و جدي عملك اية
ممير : عاهدتة على الامان مقابل القوة غدر بيا
انا : انا غير عمار
ممير : (سكت شوية و بدأ يضحك )ههههه لطيف يا مازن لطيف و سازج بعد كل اللي قريتة و اتعلمتة و عرفتة و القوة اللي اكتسبتها و اللي خلتك تقدر تنقل سجني لي هنا متخيل اني لسة بتكلم عن عمار ههههه لسة قدامك كتير و كتير اوي
انا : لو مكنش عمار هيكون مين
ممير : حد اكبر من عمار بكتير عمار بكل قوتة و جباروتة و مكرة و ذكائة قدامة مجرد شبل لسة بيتعلم الزئير بتكلم عن اذكي و اقوي و امكر ساحر في العصور كلها الساحر اللي قدر يتلاعب بالرهبان كلهم الساحر اللي قدر يتلاعب بواقع الرهبان انهم امتلكة قوة ماجين و ممير لي عشرين سنة و هما ممتلكوش اي شئ غير الوهم تخيل معايا عشرين سنة بيستاض فيهم زي العصافير و هما بره عشهم متخيلين انهم يمتلكة القوة و هما صراصير موهومين اللي عبا الهوا في قزايز حرفيا
انا : مين دة
ممير : مش مهم تعرفة
انا : طيب متقولش هو مين بس لزم تفهم اني غيرهم كلهم غير اي حد انتا اتعاملت معة من بيت الخديوي
ممير : عندك حق انتا مختلف سازج يا مازن سازج
انا : براحتك قول عليا سازج زي متحب بس بكرة تفهم خليك مكانك بقي لحد متعقل
سبتة و طلعت لي فوق و هو قرب من الحاجز و حط ايدة علية و عدا منة لحد ما خرج من الحاجز و ابتسم
ممير : ههههههه سازج ممير محدش يقدر يحبسة ههههه
