الفصل العاشر
لقد خلقنا لي مكانن كبير و لكن لسنا على استعداد له حالياً
بدايه الفصل
شامم ريحة الدم بتفوح منهم ازي و لية شايف نية القتل و طلب الدم في عين كل واحد منهم شايف الموت في عنيهم و محدش بيتحرك حوليا الكل ثابت و نظرتي ليهم ثابتة مش خايف منهم ولة من اطيافهم نهائي الغريب انهم اتحجمة في لحظة الاطياف اللي كان ضخمة بدأت تصغر و تصغر تتضائل في حضورة حضور مخيف و مهيب مرعب لي حارس الظلام اول مرة في حياتي احس بوجودة بالقوة دي حاسس بغضبة شايف سخطة من الخيانة بس ثواني هيا فعلا خيانة و خيانة لي اية
علشان اشوف في عنيهم الثقة و الاطمئنان و كمان الاحترام و الخوف الغير مبرر تغير الاحداث كان اكبر مما اتخيل
علشان ترجع كل حاجه لي وضعها الطبيعي الفرح بيكمل و محدش بيحس بحاجة و بحس بأيد حنونة على كتفي ايد دافية و قوية حاسس انها بتحضني
علشان يدخل القاعة عمي منصور ده واحد من اصحابي ايام شغلي في الحسين و الازهر
منصور : الف مبروك يا مازن يابني الف مبروك
انا : عم منصور الله يبارك فيك قدرت تيجي
منصور : و هو ينفع افوت فرحك ده انتا في مقام ابني
انا : تسلملي يا عمي اتفضل ارتاح
راح عم منصور قعد على تربيزة و بعد شوية انضم لية سيف الملكي
سيف : انتا بتعمل اية هنا
منصور : جي اجامل مازن
سيف : و انتا اية علاقتك بمازن
منصور : صديق
سيف : صديق ؟
منصور : اية حرام يبقي ليا صديق
سيف :اول مرة اعرف ان الاب لية اصحاب من البشر
منصور : مانتا صحبي و عادي يا سيف صحيح اخبار علي اية
سيف : بخير
منصور : لا مش علي الصغير الكبير
سيف : افتكر انك عارف اكتر مني
منصور : و اعرف منين انا مالي يابني بقولك اية روح اقعد جنب امك الست فريال ميصحش تقعد جنبي و تسبها عيب
عند الحرس
احمد رفع المسدس في وش صدام و ضرب بالنار بس مصابتش الهدف اللي جي من وره صدام لا اللي صاب الهدف كانت جين بمسدسها قربت منهم
جين : اية يا ولاد بتلعبة لوحدكم
احمد : ده الهدف بتاعي على فكرة
جين : متبقاش عيل و تقفش
احمد : كدة طيب بلاش انتي تزعلي
جين : (لبسة فستان مفتوح من الجنب لحد وسطها و حطت المسدس في الجراب بتاعة اللي ملفوف حولين رجلها و خبتة بالفستان ) بقولك اية البوفية هيفتح يلة ناكل
احمد : فين تاشا
جين : بتدور عليك بس انا غطيت عليك و قلتلها انك روحت الحمام
احمد : طيب يلة
لفة وشهم و مشين
صدام : و هو العقرب بتحمية نسوان بردة
جين : (هتلف تديلة طلقة في نص دماغه )
احمد : (مسك ايدها ) امسحيها فيا و حيات امك مش عايزين مشاكل
جين : علشان خطرك بس يلة
صدام : على فكرة نشانك مش حلو
احمد : يابني اسكت معلش يا جين معلش ابننا و غلط
جين : الله مطولك يا روح
نرجع عندي انا
مش فاهم هما لية رجعة في كلامهم و لكن بقول يمكن خافة من حضور حارس الظلام
كملت الفرح و خلاص هيخلص كل الناس ماشية هتروح و عم منصور جية بارك و مشي
و هو طالع من القرية تظهر قدامة فريال الملكي
الاب : (ابتسم بثقة ) رائعة قوت الغرفن صح
فريال : مخيفة
الاب : اسد بجناح عقاب و ديل عقرب تشكيلة غريبة كل ضربة جناح منة بترجعلك لي ورة الف سنة تتفرج و ترجع اكبر كائن كان بيشكل خطر على مخططاتي و اكتر كائن حكيم و خدم مخططاتي
فريال : حكيم ازي
الاب :في اختيارة لي الاشخاص اختار اشخاص قوية ذكية قليلة الكلام تعرف و متتكلمش
فريال : تفتكر ده المقياس
الاب : في العالم بتعنا ده و اللعبة اللي بنلعبها دي مش كل حاجه ينفع تتقال
فريال : عايزة اقابلك في القاهره حدد معاد
الاب : احدد معاد اية
فريال : معاد لقاء
الاب : معاكي ههههه لا طبعا
فريال : اشمعنا
الاب : علشان القاكي جاية و في ايدك غادة العدوي اكيد لا خليها مفاجأة احسن علشان كرامتي اتفقنا
فريال : (ابتسمت نص ابتسامة ) اتفقنا
الاب : سلام
اتفتحت بوابة عدا منها الاب و اختفت بعدية
نرجع لي الفرح
ورد : ( قاعدة جنبي و مكسوفة )
انا : انتي مكسوفة لية
ورد : مش عارفة حاسة ان الناس كلها بتبص عليا
انا : و اية المشكلة انتي عروسة يا وردتي
ورد : (بكسوف ابتسمت برقة ) طيب
على الجنب التاني كان صقر و رنا قاعدين
صقر : كفاية تصوير انتي و اصحابك عايز اقعد معاكي شوية
رنا : لا يا عسل معطلكش انا عملة الفرح اصلا علشان اتصور
صقر : افندم
رنا : زي مسمعت كدة انتا خلاص بقيت في خلقتي دنيا و اخرة سبني افك مع اصحابي شوية
صقر : (بص نحيتنا لقانا قاعدين قعدة شاعرية جدا ) انا هروح النحية التانية يا ست انتي النحية دي نكد
رنا : تروح فين لو قومت من الكوشة هغزك و السلاح في جنب اهو
صقر : الله احنا فينا من كدة
رنا : اذا كان عجبك
صقر : و هو لو مكنش عجبني هقعد القعدة دي لية يا بنت الخديوي
رنا : (اتثبت يا عزيزي ) ماشي يا شيخ العرب
كمل الفرح و بعدها رجعنا الشاليهات الفرح خلصت دخلت انا و ورد الشالية و شلتها لحد الاوضة فوق و اخدت هدومي و طلعت البس برة نزلت تحت غيرت هدومي في الصالة و سمعت صوت اغاني جي من اوضة تحت السلم اتمشيت براحة و فتحت الباب لقيت الوضع كالاتي حارس الظلام لبس جلابية خليجي و عقال و شماغ و قاعد متربع على الارض و قدامة شيشة و قدامة مازا و فشار و تسالي و خمرا و واحدة لبسة جلابية مقلمة بترقص ؟؟؟؟؟
انا : الله يخربيتك بتعمل اية هنا
حارس الظلام : اية بروق على نفسي
الست : يلهوي انسي (و اختفت)
حارس الظلام : كدة تبوظ الليلة
انا : ليلة اية و مين دي و هيا اية اصلا
حارس الظلام : دي دي عفريتة بعتوها علشان يربطوك على مراتك بس عيب عليك شقطها و انتا بوظت الليلة
انا : و لو كنت امور شوية كنت عملت فينا اية ياض انتا
حارس الظلام : انا وسيم خلي بالك
انا :الله يخربيتك اوعا يلاا خليني اطلع لي عروستي اوعا
سبتة و طلعت برة لقيتة واقف على السلم و ماسك في ايدة فشار كتير
انا : انتا بتعمل اية
حارس الظلام : جي معاك
انا : ولااا فكك و اظبط كدة
حارس الظلام : هتفرج بس و مش نعمل صوت
انا : هضربك
حارس الظلام : طيب خلاص هاروح اشوف البت دي راحت فين
انا : لو ظهرت في اوضة نومي هزعلك
حارس الظلام : خلاص ياعم البيوت اسرار بردة
انا : جدع
حارس الظلام : (طلع من جيبة شريط برشام ) امسك كنت شايلة ليا بس انا ليلتي باظت حلال عليك
انا : (اخدت الشريط و رميتة على الارض ) وطي
حارس الظلام :و حيات امك
انا : وطي خد الشريط و اختفي من وشي
حارس الظلام : لا مضمنكش اطلع الاول
انا : اموت و اعرف انتا عفريت ازي و جايب نسوان
حارس الظلام : لا مانا مش مصلح اجتماعي
سبتة و طلعت فوق و هو ابتسم و مشي و طلعت قفلت باب اوضتي انا و عروستي
نروح لي مشهد تاني فوق صخرة قدام البحر ظهر حارس الظلام و قعد و ظهر جنبة ماجين و قعد جنبة
ماجين : طردك
ممير : ايوة
ماجين : انتا اللي زوتها شوية جايب نسوان
ممير : و الله مجبت هيا اللي جت لوحدها
ماجين : ههههه مرزق من يومك يابو السلكان الجو حلو النهاردة
ممير : الهوا حلو بس في عاصفة جاية و كبيرة
ماجين : يا سيدي خلينا نتسلا شوية تشرب معايا
ممير : هتشرب اية
ماجين : بيرا
ممير : يابني احنا مبنسكرش
ماجين : عارف بس اهو تسلية (ظهرت تالات البيرا جنبة عزم على اخوه و شربة مع بعض ) فاكر اول مرة دخلنا نشرب بيرا فيها
ممير : اكيد كان في القرون الوسطي لما دخلنا الخمارة و شربنا و عملنا نفسنا سكرانين
ماجين : ايوة ههههه و انتا وسعت منك و مديت ايدك يا كلب
ممير : مش سكران اعمل اية ههههه
ماجين : هههههه
ممير : بس اللي حصل النهاردة مينفعش تسكت علية مع نادر
ماجين : اشمعنا
ممير : عزومتة لي عيلة الخديوي في ليلة زي دي انتا عارف انها مش هتعدي هما لزم يختبروة علشان يعرفة اذا كان خديوي بجد ولة لا
ماجين : و انتا ظهرت و لجمتهم
ممير : بس كان ممكن حد يتطاول اكتر من كدة
ماجين : كنت هتحرقة هو و الخادم بتاعه
ممير : لو كان اذا ورد كانت هتبقي مشكلة خلي نادر يخف و صدقني مازن مش عايز يضرة نهائي
ماجين : و هو يعرف يضرة
ممير : (ابتسم بستخفاف ) الواد ده اوسخ من جدة قولي صحيح هو نادر لسة فاكر ان عمار كان اقوي ساحر
ماجين : ايوة و يستحسن يفضل في دماغة الصورة دي لو عرف كبير السحرة اللي بجد هتبقي مشكلة خليها ماشية ما مخطط ليها
ممير : ماشي همشي بتخطيطك مع العلم اني قائد الجيوش و انتصرت عليك في المبارزة
ماجين : سبتك بمزاجي اوعة تنسا دة
ممير : بطل نخع هههه
ماجين : ههههه عارف وحشتني قعدتي معاك
ممير : و انا كمان
ماجين : صحيح الراجل الاهطل جية النهاردة حضر الفرح شوفتة
ممير : شوفتة بس مرضتش اعلق علية علاقتة بمازن قديمة و هو معرفش ان ده اب المعمرين
ماجين : بس غريبة العلاقة دي
ممير : لا مش غريبة هو علية حاجات غريبة على طول مش يلة نروح
ماجين : مش لما تفتح الباب
ممير : عندك حق
فرد ممير كف ايدة على شكل سيف يد و قطع نسيج بين العالمين لي عالم الظلام ويعدة منة َ يقغل وراهم
تاني يوم
صحيت من النوم و بصيت جنبي لقيت ورد نايمة زي الملايكة فضلت باصص ليها شوية و بعدها قومت دخلت الحمام اخد دش و غيرت هدومي و طلعت ليها برة اصحيها
انا : ورد وردتي اصحي
ورد : (فتحت عنيها و ابتسمت ) صباح الخير
انا : صباح الورد يلة قومي خدي دش و فوقي علشان نفطر
ورد : ماشي
قامت ورد و انا نزلت تحت طلبت الفطار
في الجنينة الكبيرة
كانت سحر و البنات قاعدين يفطرة و هما قاعدين جالهم شريف و راح لي ادم
شريف : صباح الخير
الكل : صباح النور
ادم : اية صاحي بدري لية
شريف : زهقت من النوم
مرام : بابا و ماما صحية و عرفين انك هنا ولة لا
شريف : اه يا طنط عرفين
سحر : اية مفيش صباح الخير ليا ولة ايه
شريف : صباح الخير يا تيتة
سحر : تيتة !!! ههههه لا يا حبيبي انا اسمي سحر مش تيتة مش بحب تيتة دي خالص
شريف : ازي مينفعش
سحر : (نكشت شعرة ) زي مبقولك
شريف : ( ادايق من نكش شعرة )
سحر : ههههه ابوك بردة مكنش يحب حد ينكش شعرة فطرت
شريف : لا
سحر : طيب اقعد افطر و بعدها اللعبة براحتكم يلة اقعد
قعد شريف يفطر معاهم و سحر مهتمة به جدا اول ما لمحت ابوة و اعمامة جاين خدت جنب منة
نادر : انتا هنا و انا قالب عليك الدنيا
شريف : عادي يا بابا بفطر مع سحر عمتو مرام و عمتو حبيبة
فريدة : مش تستأذن الاول
مرام : محصلش حاجه يا جماعة اهو بخير
شرين : و بعدين رجالتنا في كل حتة يا جماعة
حبيبة : اقعدة افطرة طيب
قعدة معاهم و الويتر زود الفطار و قعدة يفطرة
ادم : انا خلصت
شريف : و انا كمان
فريدة : خلصت اية كمل اكلك
شريف : لا انا شبعت يلة يا ادم
ادم : يلة
شرين : هتروحة فين
ادم : البحر
شادي : (بص لي واحد من الحرس ) ماشي
طلعة يجرة لي البحر و وراهم الحارس اللي بص لية شادي
حبيبة : هيا فين عمتو
شرين : لسة نايمة تعبت جامد امبارح
نيلي : من كتر الرقص دي رقصت رقص
سحر : طول عمرها تحب الفرفشة مشفتوهاش يوم فرح شريف كانت لسة صغيرة و مش محجبة كانت لبسة فسان احلا من فستان ميادة كانت غيرانة منها و هيا ولة على بالها و قالت ليها اية انا ايمان الخديوي لزم ابقي شيك
شرين : و ماما قالتلها اية
سحر : ههه امك قالتلها يعني انتي بنت الخديوي و انا بنت الغسالة يعني هههههه هارون مبقاش عارف يعمل اية يشوف الضيوف و اصحابهم ولة يضرب اللي كان بيعسكوها ولة اللي كانة بيعكسوني ولة يضرب اللي عايزين يتقدمة ليها هههههه مبقاش فاهم حاجة
مرام : ( تلفونها رن من رقم العيادة ) بعد اذنكم يا جماعة ( قامت ترد بعيد )
حبيبة : ( وصلتها رسالة ) البنات صحيت اروح ارخم عليهم شوية تيجي معايا يا نيلي انتي و فريدة
فريدة : تمام
نيلي : يلة
احمد : (بص في تلفونة ) هقوم اشحن تلفوني لحسن هيفصل
بدأت القاعدة تصفصف على قعدة تانية بين سحر و ولاد ميادة قعدة صفة لا مفتكرش دي قاعدة حساب
سحر : ( سابت الاكل و ولعت سجارة و شاورت لي الويتر ) قهوه سادة
ويتر : تمام
سحر : ها تتكلمة انتة ولة اتكلم انا
شرين : في اية يا عمتي في طردك لينا زمان
نادر : شرين احنا قولنا اية
شرين : لا انا من حقي افهم
سحر : هههههه طيب هسألك سؤال يا شيري هو المنديل بعد ما تمسحي فية ايدك بروح فين
شرين : الزبالة طبعاً
سحر : طيب كويس بعد وفاة شريف الخديوي راح بلاغ لي عناصر الامن ان في شقة ساكن فيها ناس مشبوها شوية و بعد التحريات و المراقبة اكتشفة انهم عناصر اجنبية نفذت مخطط اغتيال ضابط مخابرات سابق اسمة شريف الخديوي كدة قضية شريف اتقفلت صح منديل و اترما في الزبالة صح
شادي : اكيد
سحر : اشمعنا المنديل التاني السكري القمارتي الاوسخ من اللي فاتة و ممكن يهلفط و يتكلم و يزعل اللي بعتوه مترماش في الزبالة هو كمان
شرين : منك نستفيد نورينا
سحر : علشان اخويا كان متساب وسيلة تقضي على اللي فاضل من عيلة الخديوي مازن ميت لو امة حاولت ترفع دماغها اول حاجة لزم تنطحها هيا قاتل جوزها و ابنها اخوها قتلتي خلاص اتحبسي اي حد عايز يرفع راسة في العيلة دي كان لزم يخبط رشاد وقت ما يخبط رشاد يطير علشان محدش يقوم تاني الانة هيتعمل عبرة و فعلا بعد اللي عملة مازن مع رشاد مازن اتحبس بس برة مصر عايزني اسيب اخوكي يقتلة يحصل ابوة
ويتر : (جاب القهوه ) اتفضلي يا هانم
سحر : شكرا (حط القهوه قدمها و مشي )
شرين : كان في حلول تانية كتير غير القتل
سحر : كلها بتصب في مصلحتهم مكنش ينفع اسمح ليكم انكم تعطلة اللي بعملة لو كان في رد حتي لو صغير من نادر على رشاد كان هيبقي في رد فعل غشيم يكسر التخين اطلع اجري اجيب ابني جنبي اخبية في حضني و اللاسف تفقدة في حادث بشع الييم و تبقي نكبة جديدة تعدي على عائلة الخديوي
شادي : مش كل الامور كدة
سحر : لا كلها كدة اخوك اهو بيقيف الاخبار على المقاس و عارف شغل الميدي ازي قادر انة يطلع الجاني ضحية في لحظة صح
نادر : (بيسمع و ساكت )
سحر : انتا عارف اني صح
شادي : مفكرتيش تزوريها هيا بين الحياة و الموت
سحر : الامور مش زي مانتا شايفها يا شادي اصل بالصدفة يعني امك تروح مستشفي الصمدي في وقت موجود فية اكبر دكاترة العالم الدكتور احمد وود في زيارة لي مستشفي هو مدخلها من خمس سنين يا راجل دي الدنيا ديقة اوي زي مقولت الامور مش زي مانتا شايفها و عمرك مهتحب ميادة اكتر مني بينك و بنها اية امك علاقة تكافل فرد بيحتاج لي فرد تاني خالص كل اللي بيربطة به انها امة لكن انا وضعي مختلف خالص علاقة صداقة عمرها من عمرك دلوقتي مش ها تخاف عليها اكتر مني يا شادي
نادر : هههههه صدقتك انا كدة صح
ماجين : (اللاسف مش بتكذب )
سحر : مش طالب منك تصدقني نهائي انتا حر (بصت في تلفونها )
نص ساعة و دخلت انا و ورد عليهم
انا : صباح الخير
ورد : صباح الخير
سحر : اية دة اية اللي نزلكم
انا : عادي
مرام : (خلصت تلفونها ) اية ده الواد ده بيعمل اية هنا
انا : الله
رجعت حبيبة و معاها فريدة و نيلي
حبيبة : مازن حصلت حاجه نزلته لية
انا : في اية يا جدعان نزل اقعد معاكم
ورد : دي مقابلة عرسان بردة
انا : معلش يا وردتي اصلهم عالم ناشفة شوية طب اطلبة شربات طيب والله يا جماعة هموت على قهوه اقعدي يا ورد اقعدي
قعدت انا و ورد
مرام : عارف ايمان لو شافتك هتعمل اية
انا : مناحة طبعا بس هيا فين
سحر : لسة مصحتش
انا : ( لقيت القهوه بتاعت نادر و انا قاعد جنبة ولعت سجارة و اخدتها )
نادر : دي قهوتي
انا : ماشي
نادر : بتعتي
انا :مقولنا ماشي خلاص اية بشربها اطفحها يعني
حبيبة : هههههه
انا : عرفين يا جماعة ايه احلا حاجة في الدنيا
نادر : التناحة
انا : ايوة صح عرفتها ازي هههههه
مرام : طبعا مش هنشوف لا صقر و لة رنا اكيد رنا هتموت و تنزل بس صقر منعها شديد صقر
رنا : محدش يجيب في سيرتي و انا مش موجودة
صقر : الحمد لله مطلعتش هبلة لوحدها مازن هنا
انا : انتا مالك و مالي طيب
صقر : يعني يعيبة عليا لوحدي
ورد : يعيبة لية هو حد لية عندنا حاجة
انا : ايوة كده دي الزوجة الصالحة ولة بلاش
دخل علينا احمد جري جي من ضهري و مش شايفني
احمد : سحر هانم مازن لسة نايم
انا : انا هنا يعما
احمد : اية ده طيب مش مهم خد بص على الصور دي
انا : صور اية يا جدع انتا بقت فيديوهات دلوقتي
احمد : ام دماغك الشمال بتاعت المرهقين دي فكك منها بص في الصور
انا: طيب ورينا لو حاجه حلوة نعديها (بصيت في الصور ) ليلة امة سودا اسود من لون البلك
صقر : في اية يابني انتا
انا : المهندس المتخلف مش راصص الحديد صح في صابة المشروع الجديد
صقر : يا جدع خضتني
انا : احمد اتصل عليهم انفخهم و لو متنفخوش هات انفخم
احمد : طيب اللحقة قبل الصابة
مشي احمد
شرين : و انتا عرفت منين انها غلط
انا : هو انا سباك انا اشتغلت حداد مسلح مدة في الثانوية
نيلي : اية الوظيفة دي عمري مسمعت عنها
انا : شوفي يا ست الكل انا شغلتي اقطع حديد السقف و ارصة و اربطة و اتأكد انة سليم علشان يتحط علية اسمنت و تتقفل الصابة انا بقي بتابع الشغل ده بنفسي الاني فاهم فية
نيلي : اههههه اوكي بس غريبة اشتغلت شغلانة زي دي لية
انا : علشان كنت في فترة الثانوية و محتاج فلوس علشان الدروس و كدة صحيح يا صقر
صقر : عايز اية مش انتا و اختك عليا
رنا : و ملها اختة إنشاء الله (و اتكت يا عزيزي )
انا : البس
صقر : اختة احبها و هو يطلع عيني بعدها ينفع يرضيكي
رنا : (سكتت )
انا : يا ابن اللعيبة حلوة دي
نادر : (شاور لي الويتر ) هات واحد قهوة
ويتر : اوكي
انا : خليهم اتنين مظبوط من البن بتاعي
ويتر : (بيشبة عليا الغبي ) اه اوكي تمام ( و مشي )
الكل ضحك على الموقف
انا : ولاا يا صقر الواد دة يترفد ماشي
صقر : هههههه ده انا هزودة هههههه
انا : ماشي يا واطي
شرين : و صاحب القوية جية و صاحب القرية راح و في الاخر محدش يعرفك
انا : اصلة جديد
ورد : جديد اية انتا اول مرة تدخل القرية دي اصلا
انا : انتي معايا ولة معاهم
ورد : انا مع الحق
انا : بقولكم اية احنا النهاردة ناخد اليخت و نطلع نلف به في البحر
سحر : ياخت اية
انا : يخت عادي
سحر : بتاع مين يعني
انا : ها أجره يا سحر اكيد بتاعي
ورد : انتا عندك يخت
انا : لا هستلفة من نجيب سويرس
نيلي : انتا تعرفة
انا : حبيبي نجيب
فريدة : و انا كمان اعرفة
نيلي : ده من امتة
فريدة : من زمان يا بنتي تاخدي رقمة
نيلي : رقم نجيب سويرس ماشي اهو اقعد ارخم علية بليل ارن و اقفل هههههه قولي
فريدة : ٠١٢
نيلي : و بعد كدة
فريدة : لا هو كدة بس
نيلي : ( بتتصل ) ده رقم خدمة عملاء اورنج
فريدة : اطلبي تكلمي نجيب سويرس هيرد عليكي عدل قليلة من طرفي
نيلي : طيب
شادي : انتي بتعملي اية دي بتشتغلك
نيلي : كده يا فريدة ماشي كنت هموت و اتصور معة
فريدة : معلش هبقي اديكي الرقم اول ما ترجع
انا : ربنا ما يحرمكم
فريدة : من اية
انا : من بعض ( رجعت ضهري لي ورة و بكلم نادر ) مراتك شكل ايدها تقيلة
نادر : اسأل شريف
انا : وشة باين علية صحيح فين ادم
مرام : راح علي البحر مع شريف
انا : طيب كويس خلية يغير جو قبل ترجعة لي الدراسة
ورد : هو احنا مش هنرجع وله اية
انا : لا يا باشا هنسافر نقضي شهر عسل و نرجع
صقر : بقولك اية تبدل الاماكن تسافرة مكانا و نسافر مكانكم
انا : لا مش عايز اشوفك لانتا ولة رنا شهر كامل
رنا : كدة يا مازن ماشي يا اخويا
انا : جنب جوزك يلة
تلفوني رن من رقم غريب مردتش
سحر : مين
انا : رقم غريب مش برد على الارقام دي
ورد : لية ممكن يكون شغل ولة حاجه
انا : يتحرق الشغل انا واخد اجازة (رن تاني ) مين الرخم دة بقي
ورد : رد بس رد
انا : مش هرد انا ( و كنسلت )
رنا : والله فقري و بتقطع برزقك
انا : ياستي انا راضي
ورد : ( تلفونها رن و ردت ) الو .....(بدأت معالم وشها تتغير ) مازن خد رد
انا : مين الرخم ده (اخدت التلفون و رديت ) الو مين
شخص : اية يا عم عملين نتصل عليك مش بترد لية
انا : و انتا بتتصل عليا و مردتش ده ميوحيش ليك بحاجة
شخص : حاجه اية
انا : ممكن مش عايز ارد مثلا الانك بتتصل في وقت غير مناسب
شخص : وقت غير مناسب يا جدع ده انتا قاعد مع المدام الجديدة و اهلك
انا : (بدأت اشك ) اممممم و عايز اية
شخص : معايا حد عايز يسلم عليك يا ميزو (سكت شوية و بعدها سمعت صوت ادم ) خالو يا خالو اللحقني يا خالو
قومت و بعدت شوية عنهم
انا : متقلقش ياض انتا اجمد
ادم : خطفوني يا خالو انا و شريف
انا : متقلقش اطمن و طمن شريف انا هرجعكم
صوت ادم اختفة و كلمني الشخص ده : قولي يا مازن اية سعر ادم ابن اختك عندك
انا : عمرك
شخص : تؤتؤ إجابة خاطئة يا ميزو تمن ادم هو حارس
انا : حارس مين
شخص : تديني حارس الظلام اديلك ادم و بلغ نادر كمان يسلمني ماجين اديلة ابنة يلة باي
قفل السكة في وشي و انا اخدت نفس عميق بحاول اسيطر به على غضبي ابتسمت و رجعت تاني ليهم
انا : خدي التلفون يا ورد
مرام : في اية
انا : مفيش شغل جاي ليا بقولك يا نادر
نادر : خير
انا : عايزك في كلمتين على جنب
شادي : لية
انا : عايزة في شغل
نادر : طيب تعالة
اخدت نادر و روحنا على جنب
انا : في مشكلة
نادر : مشكلة اية
انا : ادم و شريف اتخطفة من شوية اللي خطفهم عايزني اسلم حارس الظلام و ماجين الاتنين
نادر : ( بدأت معالم الغضب تظهر علية و لكن تمالك اعصابة) كانة على البحر اخر مرة
اخدتة و روحنا عند البحر طبعا مفيش رجل اصلا في القرية بشكل كبير الان القرية لسة متمش افتتحها بشكل رسمي و لكن لقينا الامن مخبوط على دماغة و مفيش حد على البحر نهائي
انا : يعني اية ( طلعت تلفوني و كلمت احمد ) احمد
احمد : خير يا مازن
انا : تعالة دلوقتي عند الشط انتا و تاشا و جين بسرعة
احمد : انا جي
قفلت مع احمد
نادر : ماجين يا ماجين
ظهر ماجين
ماجين : عايز اية يا نادر
نادر : شريف اتخطف
ماجين : اتخطف ازي
نادر : معرفش
ماجين : مين هما دول
نادر : هو في غيرهم عايزك انتا و اخوك
ماجين : حارس اصحي و تعالة ده لسة نايم
انا : حارس
حارس الظلام : (ظهر قدامي ) في اية
انا : ادم و شريف اتخطفة
حارس الظلام : طيب عايز اية
انا : اعرفلي مكانهم فين
حارس الظلام : حبيبي مليون مرة هقولك انا مبعرفش الغيب
انا : يعني اية بقولك رجع العيال
حارس الظلام : هدور عليهم حاضر
انا : تلقيهم فاهم
حارس الظلام : طيب ماشي
اختفة حارس الظلام من قدامي
نادر : ماجين
ماجين : (بصص ليا من ضهري و مركز اوي )
نادر : بكلمك على فكرة
ماجين : اية
نادر : مركز مع مازن لية
ماجين : مش عارف واقف هادي بس من برة و خلاص لكن من جوة في ظلمة كبيرة
نادر : خلينا في المهم دور على شريف
ماجين : هو لسة بيلبس التميمة بتعتة
نادر : ايوة
ظهر حارس الظلام و في ايدة خاتم
حارس الظلام : ماجين امسك
ماجين : دي تميمة شريف
حارس الظلام : احنا مش بنتعامل مع اهداف بسيطة خالص الناس دي فاهمة هيا خطفة مين
ماجين : الكلاب اللاسف يا نادر وسيلة الوصول لي شريف اتقطعت
نادر : لا بقولك اية تلقي ابني فاهم
ماجين : متقلقش هلقية
اختفة ماجين و حارس الظلام وصل احمد و تاشا و جين
احمد : اية اللي حصل
انا : حضرتكم نايمين على ودنكم لما طفلين يتخطفة من على البحر ادم و شريف اسبكم في اماكنكم ازي
جين : ازي يتخطفة البر كلة متحزم مستحيل يقدرة يدخله
انا : مش قصتي علشان هما دخلة خلاص
تاشا : (طلعت تلفونها و اتصلت ) الو يا سلمي .... ادم اتخطف من القرية دوري في الكاميرات دخلة منين و خرجة منين .... ماشي و ردي عليا (قفلت السكة ) سلمي هتقلب الكاميرات و متقلقوش القرية مفهاش بقعة عمياء نهائي مكان مدخلة و خرجة هنعرف راحة فين
انا : و حضرتكم كنتم فين من قبلها
جين : مازن انتا اللي قولت خدة اجازة لحد ما نرجع ده كلامك اهدا شوية علشان نعرف نتحرك
فضلت ساكت و دماغي بتودي و تجيب قلقان على ادم لو حصلة حاجة مرام هتروح فيها دي عايشة علشانة و مش هتسامحني نهائي
في احد الشاليهات
ايمان الخديوي نايمة على سريرها و بتحلم
الحلم
ايمان قاعدة في جنينة و معاها شريف و هارون
ايمان : ههههه واحشني يا هارون كل دي غيبة يا غالي
هارون : انتي مشغولة عني ياختي مشغولة مع مازن و نادر
ايمان : حاجة من ريحتكم يا غالين
شريف : نادر عامل اية يا ايمان
ايمان : هو في زي نادر راجل ملوي هدومة راجل بحق و حقيقي شبهك
هارون : و مازن
ايمان : مازن بقي عريس خلاص اتجوز بنت زي القمر بنت دين و اصول و تربية و قريب هيجيب هارون الصغير
هارون : (ابتسم بحزن )
ايمان : حزين لية يا اخويا
هارون : كان حلمي افرح به و بالبنات كان حلمي افرح بفرحهم و نجاحهم و شغلهم كان حلمي هما
ايمان : و ربك اراد خلاص اختارك ارضا بختيارة و قول يا رب انتا في دار الحق و احنا في دار الباطل قول يا رب
هارون : يا رب
فجأة بيختفي هارون و شريف و المكان نفسة بيختلف الزرع الاخضر بيدبل بسرعة و الشمس بتختفي و تغيم و البرق و الرعد شداد ايمان بتقوم من مكانها و تبص وراها تلقي واحد لابس عبلية صغيري و متكي على عكاز يلتفت ليها وشة مجعد و اقرع و عينة مخيبة
شخص : واحشتيني يا ايمان
ايمان : ابويا (بلعت ريقها بخوف ) خير يابا
يوسف : مستقبلنا بيضيع يا بنتي شريف و ادم هيروحة يا ايمان
ايمان : يروحة فين يابا العيال بخير
يوسف : (راح لي ايمان بلهفه ) بلغي مازن انة خبيث مش طيب بلغي مازن انة عقرب مش هو اللي عقرب بلغي مازن انة قادر يبلعة مش هو اللي يحتضنة بلغي مازن ان اسمة ممير بلغي مازن يوم ميحس ان الدنيا بتجري منه و هو مش داري يقرا اية الكرسي بلغية بلغية يا ايمان بلغية
بتفوق ايمان من الحلم الجميل اللي اتحول لي كابوس و هيا مخضوضة و عرقانة كائنها لسة خارجة من مارثون
في البحر
يخت كبير ماشي في البحر علية حراسة مشددة و شخص معه تلفون
شخص : تحت امرك انا نفذت الاوامر...... عارف بس الموضوع مش هيعدي ..... لا حصنت اليخت بموارد البحر ..... فاهم ..... مستحيل يعرف احنا فين هو لسة مش على العهد ...... تمام هنفذ الاوامر
على بعد كم كيلو واقف حارس الظلام و باصص لي اليخت اللي متجمع حولية خمسين من مرادة البحر اقوي انواع الجان هما المرادة عدد كبير و مخيف لي اي حد
رجع حارس الظلام لي الشط و وقف بعيد قدام عيني و انا مشيت لية
انا : لقيتهم
حارس الظلام : اللاسف ايوة
انا : عايشين صح
حارس الظلام : ايوة يا مازن عايشين لحد دلوقتي
انا : قولي مكانهم فين اللحقهم
حارس الظلام : رجالتك مش هتقدر الان اللي خطفهم مكنش ناس عادية دول سحره
انا : طيب يلة نلحقهم
حارس الظلام : مش هفيدك في الحرب دي لانا ولة نادر ولة ماجين
انا : لية
حارس الظلام : الاني لانا ولة انتا على العهد يا مازن علشان كدة انا مش بكامل قوتي و انتا كمان ضعيف
انا : لو نطقت العهد هقدر عليهم
حارس الظلام : تقدر بس انا خايف عليك
انا : مش مهم انا
حارس الظلام : ( اداني ضهره و ابتسم بخبث ) ماشي يا مازن العهد مينفعش هنا وسط الناس
انا : فين
حارس الظلام : في ارضنا
الرمالة تحتي بدأت تتحرك علشان تبلعني لي تحت و حارس الظلام اللتفت ليا و بص ورايا شايف ماجين و نادر جاين جري عايزين يمنعة و لكن خلاص فات الاوان
وقعت في الحفرة مش عارف انا بقع بقالي قد اية و لكن عمال انزل لتحت لتحت و الظلام حوليا حاسس انة بيبلعني لي تحت بيسحبني لي تحت لحد ما وقفت على حاجة صالبة و سامع اصوات ضحك و كلام طشاش
صوت : وصل اخيرا وصل
صوت٢ : ده الملك الجديد
صوت ٣ : ده الموعود ده الموعود ازي
صوت : انتا متقدروش تتخيلة القيمة بتعتة ده اللي على ايده هتتفتح الابواب و هنبقي احرار احرار ههههههه
صوت٣ : ده ضعيف
صوت : و ده المطلوب
ظهر قدامي طيف ضخم باصص ليا من فوق
طيف : انتا هو زعيم السحرة الجديد
انا : انا مازن هارون يوسف الخديوي
طيف : امممم حفيد الزعيم هل تظن انك قوي بما يكفي لكي تتملكنا هل تظن انك صاحب قدرة لكي تتحكم بنا
انا : انا عايز القوة
طيف : هههههه انطق بأسمي و اتملك قوتي
انا : انتا مين
الاطياف : ممير مالك الظلام ممير ممير ممير
طيف : انطق اسمي و اتملك قوتي
انا : اسمك ممير
بدأت تعلا الصياحات و الاصوات و الهتافات و شايف الظلام بيغلفني من برة و يتجمع حوليا و بيتخللني حاسس بالالم حاسس بالقوة حاسس بالخوف عايز اصيح بثقة و عايز ابكي بخوف
علشان المراسم تنتهي وانا لابس درع الحرب درع حارس الظلام ممير المصنوع من ضمادات كتير ملفوفة حولين جسمي و صولجان فرعوني في ايدي ( ده الصولجان اللي اخدة حارس الظلام من مقبرة سيف الملكي بعد ظهوه و الصولجان يرجع لي مسبب الرعب و مدمر الحضارات من الاصل سلاح لا يمتلكة إلا الظلام ) انطق اسم ممير علشان يتكسر قبر عمار الديب و يخرج منة ظلام دامس وكبير شر مخيف و يتلحق بالبعد الرابع بعد الظلام
اخرج من بعد الظلام على البحر واقف على الماية و قدامي يخت و حوالية حراس مخيفين و ضخام نوع من الجان المارد اغمض عيني علشان اشوف اللي جوة اليخت الظلام مالية شايف الاتنين شريف و ادم مربوطين في الارض و محبوسين في اوضة ضلمة علشان انطق بكلمة واحده نامة ينام الاتنين
و اطلع من وسط الظلام اشيلهم و اختفي تاني و اطلع على الشط
نادر : ( بياخد مني شريف و ادم و يبعد عني ) مازن فوق يا مازن
ماجين : متحولش هو بعيد و بعيد خالص
نادر : فوق يا مازن متخلوش يسيطر عليك
ماجين : ممير
انا : (انتبهت لية )
ماجين : اللي بتعملة لية عواقب كبيرة و مدمرة مش عايز اللجأ لي كدة
انا : (عدلت راسي بستهزاء ) بتخاف من الموت
ماجين : بقولك اعقل و سيبة
انا : هههههه انا حر يابن ابويا
اختفيت من المكان علشان اظهر قدام اليخت طافي في الهوا بفتح درعاتي كائني ماسك اليخت من قدام و من ورة و بغضب و معة اليخت يضغط في بعضة اتفعص باللي علية من بشر يتحولة كلهم لي صفيحة يتحول لي كورة مدورة بعد منفجر و اتطبق كلة في بعضة
و لكن يظهر الاب قدامي و يقرب مني و في ودني يقول اللهم اني اعوز بكلمات الله التامات من شر ما خلق
بقع من طولي مغما عليا و كل حاجة ترجع لي طبيعتها لبسي شكلي كل شيء طبيعي و يختفي الصولجان
الاب ماسكني من هدومي علشان مقعش في الماية و ينتقل لي الشط المكان اللي فية نادر و ماجين
نادر : رجعتة
الاب : بصعوبة مين سابة وصل لي المرحلة دي
نادر : حاولت امنعة بس مقدرتش
الاب : (بص لي ادم و شريف و هما نايمين ) خدهم رجعهم علشان ترجع تاخد الافندي دة متقلقش مش هيفتكرة حاجة لما يصحة رجعهم يا نادر
نادر : الاول قولي اية ده
الاب : ده دلوقتي يمتلك ممير ملك الظلام ملك ملوك الجان زعيم السحرة اقوي ساحر في التاريخ اقوي من جدة كمان
نادر : و الحل اية هو مش متمكن من نفسة
الاب : اللاسف اتعدينا الموضوع ده دلوقتي احنا في مرحلة التجربة الحية سبها على الله ابن عمك قوي و هيقدر يسيطر علية
نادر : اتمني
شال نادر شريف و ادم و مشي و ظهر ماجين
الاب : غبي
ماجين : انا مالي
الاب : ممنعتش اخوك لية
ماجين : انتا عارف كويس اوي اني مقدرش امنعة نهائي يا اقتلة يا اسيبة و انا مش هقتل اخويا
الاب : بس مازن يموت عادي صح
ماجين : انا ميخصنيش مازن اللي يخصني ممير
الاب : احذر لو الزعيم مات هتستنا سنين و سنين تاني لحد ما يظهر حد زية و في نفس الوقت زي نادر وقتها محدش هيدفع ثمن الانتظار غيرك انتا و بس
نزل الاب على ركبتة و حط كف ايدة على جبهتي و بدأ يتمتم بكلام مش مفهوم كان مبهم لدرجة ان ماجين بردة مش فاهمه و هنا ايقن ماجين ان الاب يستخدم سحر قوي سحر علشان يعملة هيهدر كم كبير من الطاقة بتعتة على الفاضي و لكن اللي حصل العكس الاب نقل جزء لا يتعدا الواحد من عشرة من قوتة ليا
علشان يرجع نادر
الاب : ماجين امشي
ماجين : انا واقف عادي
الاب : (يمسح الاب ايدة على الهوا اتجاة ماجين علشان تتفتح بوابة تنقلة ) انا محبتش ماجين يسمع كلامي ليك
نادر : كلام اية
الاب : بلاش تثق في الظلام يا نادر ولة تثق في الكلام اللي قريتة في الكتب الظلام بطبعة متغير منحرف ملهوش اساس ولة واقع محدش امتلك قوتة و عدا بسلام قوة البعد الرابع غريبة و عجيبة محدش يقدر يفهمها ظلام عندة استعداد يبلع كل حاجة و اي حاجة و عندة استعداد يبني اي حاجة و يعمر اي حاجة احذر يا نادر الظلام مش صادق ولة عمرة عرف معني الصدق
نادر : قريت دة في مكتبة جدي عمار زعيم السحرة الاقوي اللي قدر يفهم الظلام
الاب : ههههه حتي دي الظلام عرف يغيرها
نادر :هيا اية
الاب : عمار مكنش اقوي ساحر حصل في تاريخة ولة هو صاحب المكتبة اصلا
نادر : عارف العلم يخصك انتا و منحتة لية
الاب : انا ممنحتش المكتبة لي عمار نهائي
نادر : منحتها لي مين
الاب : (سكت يفكر شوية و رد ) خليها بعدين لما مازن يفوق و نتقابل و نقعد قعدة صراحة احكلكم عن التاريخ القديم يا اصحاب الاسم القديم
الكاميرا بتقرب ليا اكتر و معاها الصورة تبقي سودة و المكان اسود في اسود مستضم بالقاع و في مشاعل نار لونها ازرق قاتم
بفتح عنيا و ابص يمين و شمالي لقيت عرش مصنوع من الكرستال و علية حارس الظلام ممير لبس زي قديم و حاطت رجل على رجل و متكئ على دراعة و مبتسم
انا : (بغضب ) انتا عملت اية
ممير : معلش بلعتك اهلا بيك في الظلام يا مازن هههههههههههه
يتبع......
اتمني يعجبكم
الجزء صغير انا عارف بس معلش الوقت دايق في الاجازة هنزل جزء اطول و احداثة اكتر
اتمني يعجبكم و اتمني تدعولي يلة اشوفكم بعد عشرين يوم
سلاااام
