نظر لها عفرتو سائلاً إياها بتوتر
" يكونش ده سرسوب هوا "
ردته حانقه بتوتر
" سرسوب هوا هيفتح الباب وهيقفله إيه فاكرها شقة بحري ، وبعدين هوا إيه اللى فى الصيف اللى بقدرة قادر يفتح الباب ويقفله "
" يمكن رياح الخماسين مش إحنا فى الربيع بردوا "
قالت بصراخ مكتوم
" إنت جاي تراجع فصول السنه دلوقتي "
توجهت إلى باب غرفتها تفتحه بينما سألها
" بتعملي ايه "
التفتت له بسرعه أفزعته قائلة بنبره حانقه
" هروح أشوف مين دخل بيتنا لو مكنش يضايقك "
خرجت من غرفتها وأغلقت الباب خلفها ثواني وعادت وهي تفنح الباب مدخله رأسها فقد قائلة وهى تحمحم
" عفرتو يعني لو لقيتني بصرخ إبقى إلحقني "
أومأ لها بينما هي خرجت وهى تنظر حولها وتمشى بكل هدوء وحذر توجهت إلى المطبخ لم ترى أي أحد وتبعها غرفة والدتها ثم صالة المنزل نظرت حولها وهى تدقق النظر بينما لم تجد أحد تنفست براحه وما كادت تبتسم وهى تلتفت حتى فزعت وهى تهرع للخلف صارخه
بينما وقفتها والدتها التى قالت لها بحنق
" بس بسس أنا أمك يا بت الهبله "
بينما عند عفرتو شمر أكمامه قائلاً بدرامه وهو يخرج من الغرفة
" جايلك يا ألاااء "
وضعت يدها على قلبها وتنفست براحه قائلة بصوت مبحوح
" خضتيني يا زوزو حرام عليكي "
" حرمة عليكي عشتك أجبلك طاسة الخضه يا قلب أمك وخدي تعالي هنا يومين بره البيت ليه إنشاء الله ومشروع ايه اللى طلع فجأة كده بت إنتي أنا مش مرتحالك قلبي بيقولي إنك عامله مصيبه و..."
بينما وسط حديث والدتها ظهر عفرتو فى الخلف مما جعلها تفتح عيناها بفزع وهى تشاور له برأسها أن يعود حيثما جاء
" إيه يا بت إنتي بتنشلي ولا إيه؟ "
نظرت إلى والدتها ثم قالت وهى مازالت تنظر للخلف من حين لآخر راسمه بسمه على شفتيها مهزوزه
" هااا...مصيبة إيه بس يا زوزو ربنا ما يجيب مصايب..يعني هو أنا أعمل الصح مش عاجب وأعمل الغلط بردوا مش عاجب "
ردتها حانقه
" لا عاجب يختي وأنا أكره بس يا رب تفضلي على كده "
بينما الآخر عاد للخلف بهدوء وهو يعود إلى الغرفة ولكن عندما التفت أوقع تلك المزهريه مما جعل ألاء تشهق بفزع ثم وبردة فعل سريعه إحتضنت والدتها قائلة بحراره مصطنع
YOU ARE READING
مصباح ألاء الديـن
Adventureمغامره سوف نخوضها معاً لعدة أيام سنبتعد عن الواقع قليلاً فاستعدوا يا رفاق وأربطوا أحزمتكم جيداً لنقلع معاً إلى عالم آخر ملئ بالخيال والمغامرات
