كانت ألاء آتيه من المطبخ وهي تحمل صينيه موضوع فوقها كوب من العصير بينما تيبس جسدها وهي تنظر إلى والدتها التى آمرتها للتو بأن تتحدث إلى البوليس وتمسك عفرتو هكذا تهاوت الصينيه من يدها ومعها تهاوى جسدها على الأرضيه..
ألاء ألاء
فتحت عيناها بفزع شاهقه وهى تنهض بنصفها العلوي من فوق الفراش
عقد حاجبيه بقلق ناظرا لها وهو يجلس بجانبها مرتبا على ظهرها بحنان قائلا :- حبيبتي إهدى مفيش حاجه أنا جنبك
نظرت له وصوت تنفسها قد هدأ ابتلعت ريقها سائلة بصوت مبحوح :- ماما عرفت
أومأ لها برأسه قائلا لها :- متقلقيش أنا حكيتلها كل حاجه
نظرت له بإرتياب ثم ردته مسرعه :- وايه اللى حصل
هز كتفه قائلا لها وهو يبعد خصلاتها من فوق عيناها :- سيبك من اللى حصل خلاص عدى يا لولو أنا اتكلمت معاها وفهمتها هي زعقت شوية بس ده من خوفها أنا هديتها
تنفست الصعداء سانده رأسها على كفها قائلة بإرتياح :- متعرفش يا عفرتو أنا كنت قلقانه من ردت فعلها قد ايه
رفعت رأسها ثم نظرت له وهى تقوم من فوق الفراش قائلة :- أنا هطلع أشوفها
نظر لها عاقدا حاجبيه قائما من الفراش ممسكا ذراعها يوقفها قائلا بإستفهام :- عفرتو مين وتطلعي فين ؟؟
ابتسمت بإستنكار ناظره له وهى تضربه بخفه فوق صدره :- جرى اي يا عفرتو انت لحقت تنسى ولا اي مكنوش يومين يعني ينسوك انك كنت عفريت ..
!! عقد حاجبيه أكثر ثم قال مستنكراً :- كنت عفريت
تأففت قائلة :- بلاش هزار بقا يا عفرتو وسيبني أطلع اشوف ماما
أوقفها ثانية وهو يقول لها وقد بدأ يقلق من كلامها :- تشوفي ماما فين يا ألاء
نظرت له بإمتعاض وأجابت :- اي يا عفرتو في اي مالك
أشار على نفسه قائلا :- أنا اللى مالي مامتك اي اللى هيجيبها بره يا ألاء
قالت له وهى تهز كتفها :- مش بيتها هتبقى موجوده فين يعني
قال لها بإستدراك :- حبيبتي هو بيتنا أكيد بيتها أنا مش قصدي بس إحنا دلوقتي نص الليل اي اللى هيجيب مامتك فى وقت زي ده
رجعت خطوتين للوراء بأعين ثابته فوقه ثم قالت بعدم فهم :- نص الليل إزاي انت جايلنا العصر
سألها بجهل :- جيلكوا فين
أجابت وهي تشرح له :- جايلنا هو مش انت جاي تطلب ايدي بردوا
صمتت ثم صرخت بوجهه وهى ترفع صابعها أمام وجهه :- ولا تكونش دي تمثيليه علشان تخلع وتروح للسنيورة لا بقولك اي
قاطعها قائلا وقد بدأ يشعر بأن رأسه سينفجر :- اخلع اي يا حبيبتي إحنا متجوزين أساسا
صرخت بهلع وهي تلطم صارخه :- أحيه اتجوزتني عرفي
صرخ بوجهها مقاطعا إياها :- عرفي اي يا مجنونه انتي
قالت بنبره مرتفعه وهى تنظر له :- اومال اي فهمني إذا مكنش عرفي اتجوزتني فى الكام ساعه دول من غير فرح ولا معازيم
نفخ بضيق ثم أمسكها وأجلسها فوق الفراش ثم توجه إلى الخزانه وهو يخرج شئ ما بينما هي قالت وهى تتابعه :- انت رايح فين فهمني انت بتجيب اي
أعطى لها هذا الغلاف الكبير الذي نظرت له عاقده حاجبيها رفعت نظرها له قائلة :- ده اي ده
جلس بجانبها قائلا وهو يشرح لها :- بصي أنا مش عارف اي اللى حصلك ولا فيكي اي بس حبيبتي إحنا متجوزين بقالنا 3 سنين
قالت بصدمه :- 3 سنين إزاي أنا لسه مغم عليا هو الزمن بيجرى بس مش أول كدا
فتح الغلاف وهو يريها الصور :- ودي صور فرحنا يا ألاء
نظرت وهي لا تفهم شئ ثم نظرت له وللصور وهي تقلب صوره تلى الأخرى نظرت إلى تلك الفتاه ثم نظرت له بينما هو ابتسم قائلا لها :- ديه بيلا بنتنا
مررت أصابعها فوق وجه الفتاه الجميل ثم نظرت له بينما قالت :- عفرتو أنا مش فاهمه حاجه
قال لها :- عفرتو مين يا ألاء أنا عمر
أحاط وجهها بكفيه ثم قال وقد بدأ القلق يداعب قلبه :- ألاء حبيبتي متقلقنيش عليكي انتي كويسه انتي بجد مش فاكره
..
YOU ARE READING
مصباح ألاء الديـن
Adventureمغامره سوف نخوضها معاً لعدة أيام سنبتعد عن الواقع قليلاً فاستعدوا يا رفاق وأربطوا أحزمتكم جيداً لنقلع معاً إلى عالم آخر ملئ بالخيال والمغامرات
