ذنوب قيد الغُفران

p2

تمرة:ماكو غيرچ تمد ايدها بالبيت وشيطانة

رمقتني بنضرة باردة نترت ايدي منها وكعدت طرف الچرباية الطم على رجلي بحيرة دخلت للحمام وگلبت الغرفة ادور عليها طلعت مبلل شعرها ينگط خلت رجل على رجل وضلت تأشر على الجنطة

-دوري هنا وو هنا هم

-غفرااان

-اييي خريان خريان شتردين مني ?روحي طالعة ومالي خلكج مو بس اني بالبيت روحي اسئلي العلوية بنتج

-شعليها مُهرة ?

-مو چنتِ وياها بالغرفة ?

عگدت حاجبي واتقربت منها بتساؤل حسيت بيها زلف لسانها
كمتت شفتي ونزلت على صوت التلفون باوعت للشاشة جانت مُهرة تخابر

-الو يمة

-مُهرة شوفي جنطتج حبيبتي

-اي ليش دگيت عليچ لگيت كلادتج بجنطتي من رتبتها وتفاجئت شجابها

-يصير خير .....غلقت الخط التفت عليها بملامح قبيحة وجهه نگلب وكرهت وجودها بالبيت صار اليل ورتبت الفراش
صفنت وقررت ازوجها شفت سرمد غاط بالنوم صرت ورا ضهرة وضليت اهز بكتفة بيدي

-نايم?

-يعني مگعدتني من نومتي حتى تفززيني هيج وتكليلي نايم?

-سرمد غفران طلعت عن الطريق اليوم ...قاطعني

-شخبصتيني بغفران الابنية بعدها صغيرة

-مو سبب فساد البنات هسة بسبب هاي الحجاية

مخلية كلادتي بجنطة اختها حتى تتاذة

التفتلي بتعجب عدلت كعدتة وعصر عيونة

-شوكت ?

-اليوم.....اني بعد ماتحمل شوف صديقك ابنة صخام ياخذها وافتك منها

******
غفران:فزيت من نومتي عطشانة باوعت للساعة 1:11

ماطلعت من الغرفة وماكلت شي من الظهر تحسباً خاف انكتل وانخبز من امي فتحت الباب ومشيت على اطراف اصابيعي دخلت للمطبخ وفتحت الثلاجة لكيت تفاحة اخدتها مسحتها بطرف كتفي وعضيت وحدة وصلت الغرفة اهلي وسمعت نقاشهم قربت اذني شوية حتى يتوضح عندي الصوت

-انت فكر بالموضوع حتى لو اكبر منها ب 15سنة يربيها على ايدة اني لو بيدي انطيها ولااريدها ولا اريد شوفتها القذرة

غصيت بالتفاحة وصعدت بسرعة الكلام ضل مثل الطلق الحر زاد كرهي وحسيت نغزة بكلبي نعصرت وطحت من الالم عركت والنفس عاند ريتي بلعت ريگ وسحلت نفسي اطلع الحباية من حلاه روحي بلعتها بدون مي الحد ما طفة كلشي بعيني وغفيت بعد ماعاناه من التفكير والخوف
فزيت قبل لايدگ المنبه بدلت وطلعت حتى اسيل مامريت عليها طبكت سيارة سودة وصارت تمشي وراية انتبهت ووكفت يم الجام نزل الجام وانتبهت عليه نفسة الشفتة ذاك اليوم