ذنوب قيد الغُفران

p10

مُغرم بإرتفاع حاجبك حينما تغار
و زاوية فمك حينما تضحك ..
و خدر صوتك قبل أن تنـام

ذنوب قيد الغفران

للكاتبة اية

حساب الانستا :h0.r6

******
اسيل:العوض والجبر اللهي يجي على شكل انسان والله عوضني بي ماتوقعت بيوم يدگ گلبي الشخص غير ابوية تربيت بين رحمة الله ودفو حضن بيبي مرت الايام وجان اخر امتحان الي سلمت ورقتي وطلعت اثناء مااتمشى نسيت دفتري ورجعت موطبعي اتسمع عدلت طرف شالي وماحركت ساكن جان صوت المدرسة واضح وتحجي بحركة وتتوعد وعرفتها هي نفسها الزلغت خدي ب اضفرها

-عبالج ماعرفها اسمها وحتى بيتها خليتهم يلحكون التك تُك ويندلون حتى بيتها

-شعرفتي عنها ? وليش هيج سوت?

-اسمها غفران سرمد وبيتهم قريب على ***

وسعت عيوني والهوى عاند ريتي ايدي وكلبي نفس الرعشة

- الحيوانة خلت حتى اثر بس الضاهر شغلتها هاي وحتى من سئلت عليها سمعتها زبالة واهلها مزوجيها ببلاش الواحد اكبر منها ب15سنة مدري شكد

-لتوصخين السانج بيها هو الرخيص هيج يلة نرجع للادارة ورانة تصحيح

درت ضهري وسويت نفسي اعدل بحذائي رمقتني بنضرة قرف ضلت تفر بيدها وراحت اخذت الدفتر وكعدت شوي على رحلة لازمة كلبي

اسيل:ليش هيج سويتي بية غفران والله عاندت الناس وتمسكت بيج اخذتي حقي بيدج تجرحيني وداوين جروحي

غصيت بعبرتي وشريط الذكريات مر ماجنت استوعب ليش جازفت وليش اذت الي اذاني مسحت وجهي بتعب وطلعت استلم الجهاز لكيت مُلاذ داك علية هواية داز رسالة

-اني بالباب جبت وياي اكل الج

ابتسمت وضميت الجهاز بالجنطة طلعت جان حاضن ايدة ومنتجي على السيارة اتقربت نحوة انتبهلي عبالك طالعة من معركة القاعة نار والمبردة تبخ جمر وجهي انطبخ طبخ صار كبالي عدلي شالي واني اباوع يمنة يسرة مستحية

مُلاذ: مو شعر ذهب صابغتة ?

اسيل: مُلاذ مايصير لو كايلي اني اعدل شالي

مُلاذ: خطيبتي بوية شوفي

أشر على ايدة لابس الحلقة ماردت اناقشة بشي هزيت راسي مبتسمة وصعدت الطريق كلة اراجع بالدرجات صف السيارة وطلع لفة ووياها ببسي

مُلاذ:اكلي بابا ملاحضج اني ترى لانوم ولا اكل

فعلاً جنت هيج انام اربع ساعات واقرة 12ساعة ماحس بروحي مخطوبة ابد اخذت عضة وهو منتبهلي مخلي ايدة على خدة

مُلاذ: يابعد تعبي يابوية

اسيل:مُلاذ ?

مُلاذ: عمرة