ذنوب قيد الغُفران

p5

أبتوِت گلبَي حبّل بيـٰدج ..
وشكِثر لعبة حبّل بيهّن لعبتي !

- عبد الحسين الحلفي

ذنوب قيد الغفران

******
اباوع للشاشة مستغرب الاستاذة ترزل بيها وهي رجفة صوتها رجت اذني رج فركت وجهي بنفاذ صبر اريد افتهم السالفة

مُلاذ: نعم اني خطيبها خير?

-شنو خطيبها واسيل تگول ماعرفة تضحكون علينة على العموم يجي ولي امرها ويصير خير

غلقت الجهاز بوجهي بقاموس الفشار كلة مابقيت سبة ماسبيت غفران بيها جنت متاكد وراها سالفة طلبت اجازة زمنية وطلعت ركض عيني على الساعة الحد ماوصلت للثانوية ودخلت للادارة فوراً الموقف الشفتها بي فضلت الموت على انو يصير لقائي بيها بهيچ طريقة تذب حسرة وتقلم بأضافرها عيونها وارمة ومبين اثر حمار بوجها المديرة مخلية رجل على رجل الحد مااستاذنت عدلت كعدتها

-السلام عليكم

-اعتقد هذا الوقت مو للمراجعين تعال على الاحد الجاي من صبح عيني

-اني خطيب اسيل

نزت على صوتي تهز براسها ناكرة

اسيل:لا ست والله ماعرفة موخطيبي شوفي ايدي فارغة ووجهي تارسة الشعر المخطوبة مولازم بيدها حلقة وحافة وجهه?

-لعد هذا البيدي منو جابة الجنطتج ابوية?

-ست اني من يوم يومي ولامرة سويت شي مخالف فدوة العينج ساعديني والله بريئة وحق صيامي هذا

-استغفر الله ربي عقلي وكف زين ليش انت تگول خطيبها?

ماگدرت بعد احجي حرف لساني نربط حكيت گفة شعري وبديت احجي بدون تفكير في سبيل تطلع ومتوقعت الراح يصير

-نعم اني موخطيبها وماعرفها اتفقت وي اقرب صديقة الها اسمها غفران

وجه اسيل ضل ينطي الوان وتعصر بيدها طلبت المديرة يجيبون غفران صح ماعندي دليل بس تسويها زفرت وضليت اطك باصابيعي جابوها وهي تلعلع بس شافتني تبسمرت بمكانها وضلت تبلع بريگها ومملحگة

-غفران انتِ تعرفين هذا الولد ?

-لااست و و احم وين اعرفة

-الولد يگول انتِ شريكة وياه وخليتي الجهاز بجنطة صديقتج

انفجرت بالبجي والتوسل ضلت تشبگ ب اسيل وروحها رايحة

-دخيلج اسيل اني يطلع مني هيچ باوعيلي

طفرت عليها المدرية عصرت فكها وخزرتها

-صوتتچ

طلعت تلفوني وشوفتها المحادثة وكلشي عيني على اسيل ماحركت ساكن ترجف وحلكها ميبس ضلت تباوع بالوجوه وكلها حيرة اتوضح كلشي وبرأتها فتشو غفران وطلعو الجهاز منها وانفضحت فضيحة شفت الانكسار بعيون اسيل دمعة مطاحت منها انرسمت الخيبة وطلعت تلم بروحها وغفران تتوسل بس تريدها تحجي وياها ضحيت بحبي وصرت اقذر انسان حتى اطلعها طلع حقها واني الخسرت حبي الربيتة سنين بوجهي للجامع جان اذان الضهر توضيت واول مرة تنزل دمعتي على بنية