ذنوب قيد الغُفران

p11

يگول الها :
لا تخسريني صعب تلكين هيج
واحد يحبج مثل حبه لهله
يشهد الله من الهوا يمعوده اغار
طبعي لو حبيت احب بمرجله 🖤

ذنوب قيد الغفران

للكاتبة اية

حساب الانستا :h0.r6

لااتنسون متابعة الحساب والتعليق على الفقرات والتصويت مُهم بناتي 🤎

******
مُلاذ: بملامح باهتة اباوع للمراية عيوني دم اتصل عليها متجاوب انهيار عصبي عندي كسرت كلشي اشوفة كدامي صارت عقيق كبالي شبكتني تهدي بية طحت من طولي ايدي ترجف

-ماقتلتها مم ماقتلتها سويت كلشي بيدي عقيق

-هدي ياروح عقيق هذا امر الله وقضاء وقدر ربك انطيها مجال فاقدة الابنية

(العودة للماضي)

همس بأذني تغيرت ملامحي وخفت لا اسيل تسئلني ليش هيج نخطف لوني كلمات ضلت بكلبي

الجدة بهمس: اني بسببك هسة ماكدر حتى اصلي مسوي نفسك جريم والناس مخدوعة بيك على جثتي اسيل الك

بوخت وكمت منها انطيتها العلاج وجيكت ضغطها مرتفع كلت يمكن تعبانة شربتها العلاج كالبه وجهه وراصة على ايدي بلعت ريكي ومسحت جبيني اصرت اسيل وكتها ردت احجي اني موطبعي اضم اصغر الامور بس ردت الفرصة احجيلها طلعت بوجهي للدوام وصلت كالب خلقتي حتى بيدق ماسلمت علي عكد حاجبة لحكني بدلت ملابسي ولزمني من كتفي

بيدق: اتنفس اشش شبيك نسيت تتنفس دكعد لك من شوكت مُلاذ يجي بدون مايبتسم ويسلم وملگاه حلو ?

كعدت مسحت على كلبي طلبت منة كلاص مي والدوخة ملازمتني يوم كامل قبل الدوام بسبب التفكير ماشفت النوم ابتليت بالتفكير المفرط اكل بروحي الحد ما انهار شربت المي ايدي ترجف انتبهلي قلقان

مُلاذ: بيدق شتعرف بية اني مواخوك ومستحيل ااذي نملة

بيدق: بدون شك خويي بدون شك بس قاطعتة

مُلاذ: جدتها نكتتني نكت تكلي على جثتي تاخذها والله موقصدي ادعمها ياناس

قطع حديثنة انذار الطوارئ كمت افترت بية الدنيا بس ماردت اخلي الولد يقلقون علية الطوارئ تغص بحالة ايذاء النفس شباب وبنات بعمر الورد بيهم لحكنة عليهم وبيهم الي ماتو بالطريق ساعتين عدل وحالتي سائت كعدت اتنفس شوية ضغطي علك 16 ماكمت اشوف بعد طفت عيني وطحت من طولي بس اسمع عياط بيدق

-مُلاذ انت ويايي افتح عينك تعالووو يميي هنا شيلوو ويايي

اكلب بعيني غواش ماتتوضح الرؤية استسلمت واغمى علية
فتحت عيني لكيتها بصفي تدعي قلصت عيني المغذي بيدي. انتبهت علية لزمت ايدي واني ماعت روحي سنحت