ذنوب قيد الغُفران

p9

‏الچنت آدنّي بـ عُمري من يتدنه ،
خلآني فآرغ مني مو بس منه

ذنوب قيد الغُفران

بقلمي انا الكاتبة اية

لاتنسون التعليق والتصويت واضافة الحساب

حسابي ع الانستا حتى تعرفون اوقات النشر

h0.r6

********
اسيل: صفير بأذني صار الدنيا فترت بية رجلي ماحملتني كعدت على حيلي

-بس اريد استوعب ب بس بس

-ندعمت بالسيارة الصبح وهي هسة بالمستشفى الي يداوم بيها مُلاذ

سديت الخط بوجها منفعلة افرك بصدري

-ياحلال المشاكل حلها ياالله ياامحمد بحق لااله الا الله

كمت ماعرف شحجي امتمت والكلمة كوة انطقها ماكدر اطلع خطوة بدون محرم ولا عندي الجرأة واخاف هيج تلوعت روحي الوقت كلة الوب بيدي القران واقرة اي سورة تطلع كدامي ندك الباب وفزيت على اثر صوتة جان ابوية كمت متفرفحة فتحت وحضنتة ابجي واشهك

عامر: اام امي وين اسيل

اسيل:بالمستشفى ال*** اخذني بابا الله يخليك انجن اذا ابقى

عامر:حضري روحج يلة

هزيت راسي ب قبول ركضت الغرفتي لبست شالي وعباتي اباوع الابوية عيونة دم ويصفن بالفضاء ندهتة -جاهزة
طلعنة وجانت زوجتة وياه تكلب بعينها عكدت حاجبي شبيها ? الطريق كلة ادعي واتوسل ب ال بيت النبوة علمتني بيبي ماجزع فقط على سيد الشهداء ولاغيرة يستحق البكاء اذا صارت مصيبة ندعي الله يفرجها عنة ونحمدة ونشكرة وصلنة للمستشفى واستقبلنة ولد سمين استغربت شلون عرفنة سلم على ابوية ودلانة على بيبي واني ارعش دخلنة وجان المنضر ماينسى ركض ابوية مثل الطفل يبجي ويشهك

عامر:ولج يمة بية ولابيج ياحيل حيلي يايمة

ضل يبوس بيدها مجبسين رجليها وايدها اليمين بس النفس يصعد وينزل اني الصدمة احتلتني شكد روحي متفرفحة عليها بس الخوف دب بكلبي اخاف اكعد بصفها اخاف الجم جروحها دخل الدكتور وطلب منة نطلع حتى ترتاح وفعلاً طلعنة كعدت بصف ابوية افرك بيدة

عامر:كون الله ياخذني ببدالها اني ماسوة شي بدونها اسيل

اسيل:كول يالله بوية كول ياالله لاتدعي على روحك حرام قضاء وقدر لا اعتراض على حكم الله

زوجة ابوية ولايمها تلعب بالتلفزيون مخلية رجل على رجل لابسة جبة وكانت ضابة على جسمها طالع نص شعرها الاصفر كركمي تفر بحلكها وكلش. لعبت روحي الناس تمر تباوع عليها وهي توزع ابتسامات بالهواء زفرت ودرت وجهي عنها بنفاذ صبر حسيت بوالدي تخربطت احوالة وداخ كلش تجيتة واخذتة جيك ضغطة هابط اثناء ماخليت ايدة على كتفي نززني صوت مُلاذ انتبهت ونزلت عيني ابتعدت جرة مني وخلاه يرتاح على الكرسي