ﭑحتار ﭑصد ليا درب
كل الدروب دروبج
شفايتلي وردة مطرزة
والمع بطارف ثوبج 🖤
ذنوب قيد الغفران
بقلم الكاتبة اية
حساب الانستا: h0.r6
لتنسون التصويت دادة مُهم ♥️
****
اركض وعيوني تجدح حقد غل كره كلشي ممكن الانسان يحس بي اباوع عليها وضحكة شگت حلگي خليت الوصلة بخصري وضليت اركص جرتني امي من بين الحشود واني اصفگ واگول (گولات) نترت ايدي منها خازرتها بدون وعي وجهي شوب واحس عصرة بگلبي
غفران:هايي الرادهااا وهايي التمناههااا ابن الشيخخخ البنت شوارعععع جبناها
خلت امييي ايدها بحلگي عصرتة عصر واني مارفلي جفن دفعتها طاحت على النسوان يگومنها
غفران:عيونييي كل الهلاا يابةةةة اهلا وسهلااا يابةةة هاتمرةة موجنتي تكولين علية تربية شوارع واضفر اسيل اشرف منيي ???
بعدني ممكملة كلامي وزادت النغزات بگلبي حسيت بغواش وصعدت للغرفة والحجي صار علية بفلس جسمي ضل يرجف ضليت ادور على العلاج عيوني طلعت من مكانها مالكيتها صعدت امي خلت الحباية بطرف شفتي وشربتني مي و ذبت على وجهي هم ضليت اكلب بعيني اسمع بس صوتها يبتعد وبعدين يتوضح
تمرة:لوما خطبتج اليوم جان خليتج تتعفنين بين اربع حيطان يلة صحصحي اريد اخلص من جهرتج بسرعة يلة
ضلت تكرر الكلام وتضرب بخدودي عتت ايدي ولبستني الشال والجبة رتبت وجهي ونزلتني جوة الوجوه تتمايز شكلي الهمس والكص صار بفلس اجرت تكسي جانت حاجزة صالون وفستان رجع وضعي طبيعي ودرت وجهي عنها اباوع للجامة ارسم قلوب مكسورة واضحك انتبه السايق وامي تكرص بيدي وصلنة واستلمتني الماكيرة لبست فستاني لونة اوف وايت جانت تسريحتي طبيعية والمكياج هم مقوسة حلكي اباوع على المراية لزمتني امي من حنكي وتهز براسها
-امم ينطلع بيچ موتسويلچ بچية وتخربين المكياج
-منو يدري احتمال انتِ اليخرب مكياجج اليوم
-ايي ابجي واسجد لله دموع فرح ههههه
-تؤ تؤ
قربت شفتي ل أذانها وانفاسي الدائفة تلفح ضليت اتمايز وجهه بخبث
-قرابين الشيطان تحققت اليوم ست تمرة
نزت مرتعبة. اتلاشت ضحكتها وخلت ايدها على گلبها وودخلت الغرفة التبديل ضليت اهز بكرسي يمين وشمال اكلب بعيني واطكط باصابيعي نكتت فستاني ورحت دكيت. الباب عليها
-تمرتي الساعة 2:00خطيبي منتضرني زحمة
طلعت وجهه متليص وتشهگ تتنفس بصعوبة وتمسح بوجهه جرتني من ايدي ودخلتني الغرفة عصرت فكي ووسعت عيونها
أنت تقرأ
ذنوب قيد الغُفران
ChickLitبين رداء الزهراء ومخالب الشيطان حرب بين النور والظلام كيف ستكون النهاية ?
