ذنوب قيد الغُفران

p4

هي وين العافيه وهـجرك ثكيلل ..
وحيلي چن بيت العناكب راخي حيل !

اسم الله بابا

الجو كان مُظلم مشفت ملامحة لان وكعت النضارة مني غواش واقلص بعيني حتى تبين بس عبس ضليت ادور بالكاع التفت اقترب وكلبي شوي ويطلع من مكانة نزعت حذائي وردت اشمرة علي واركض حتى لو اندعم بس مايلمسني احد

مُلاذ: صارت بية قنادر خلف الله عليج اسيل

اتلاطم بداخلي منين يعرف اسمي صخام الصخمج

اسيل: لتقترب لك ...منين تعرف اسمي ?

مُلاذ:سويت خيرة وقطوني بخمس الاف ضل الشيخ يكلب بعينة جنة ملبوس وكلي اسمج

اسيل:مسوي نفسك مهرج احجي لك الم عليك الناس والله

مدايدة وبيهن النضارة جريتها منة بقوة ولبستهن حاضن ايدة وحاني راسة مقلص عينة ويتمايز ملامحي كانو مو اول مرة يشوفني

مُلاذ:  عيونج بوية

اسيل:متحرش قليل ادب بعرضك ان شاء الله

انصدم من ردة فعلي وضل يمسح وجهه وطلع التلفون اني عرفت راح ينطيني رقمة ومن هاي كلاواتهم حتى حذائي مالبستة طكيتها بركضة چني بيب بيب يناديني واني مامهتمة والعباية صارت عبالك بدلة دكيت الباب والنفس مقطوع فتحت بيبي واستلمتني ضليت منزلة راسي وابد مجاوبتها حالتي حالة والهث دخلت للحمام وخليت ملابسي متروسة طين وتراب انتبهت على جرحي محاوطة الزراگ احس كلبي ينبض برجلي من الالم سبحت وعقمت جرحي اتذكرت حذائي ودفتر مذكراتي خرطت العافية واخرط بخدودي حسيت حكة بجسمي نكلب احمر زلغت جسمي من الحك والدم ترس اضافري وسعت عيوني مرعوبة

-بيبيييي الحكيليي بيبييي

نزلت ابجي وجسمي ينهش بية اتلكتني ادك على صدرها

-دخيلك ياعلي ولجج يمة اسيل شبيي جسمجج

-ماعرف ماعرف بيبي الحكيلي راح اموت

-يلةةة يلة البسيي خلي نروح

-وينن بهل ليل ويننن

-معليججج

عاطت بية وفعلاً صعدت عبايتي بالغسالة انتضرتها كوة علية حتى تنشف وجسمي قطع حمرة عبالك مزرف انتبهت ممشطت شعري ومررت المشط على شعري المبلل كل خصلة اطيح روحي جانت وياها تطلع الدنيا ضلمت بعيني بعد ماعرف على شنو اصيح والطم شعري يطيح بيدي بس الزمة صرخت صرخة رجيت البيت رج

-ولجج يمةةة شعرييييي

بقت بيبي مثل الصنم بمكانها لبست ملابسي وركض اعثر بحيرتي والافكار سيطرت على افكاري المستشفى تغص بالحالات كوة لكينة دكتور اشرحلة حالتي ايدي ترجف واضم بوجهي من الناس عقد حاجبة الدكتور وضل يحك بحنكة