ذنوب قيد الغُفران

p13

ولا چنك هذاك انتَ العرفني وسولف البية
وگدر يوصل غمج روحي ويماشيني اعلة فد نية
ولا چنك حبيب الروح ، چنك منجبر بية !

ذنوب قيد الغفران

للكاتبة اية

لاتنسون التصويت مُهم بناتي 🌕

حسابي الانستا انشر بي اسئلتكم بخصوص وقت الرواية

h0.r6

*******
مُلاذ: هذا اليهز بيدة وهاي التشاور بالثانية هيج الناس تموت على قال والقلت صرت بنص گلبي وعقلي رجعت للبيت مادخلت للغرفة خليتها براحتها كل يوم تسمعني كلام يهز بدني هز مستعد انسجن طول العمر بس مااسمع منها كلمة (القاتل) رجعت للدوام مثل عادتي الصبح ب8متعود اصلي الفجر بالدوام دخلت لكيتها نايمة كعدت بصفها شميت خصلة شعرها وطلعت ملابسي من الكنتور خليتهن بهدوء في سبيل ماتكعد دخلت سبحت وطلعت فرشت بالكاع طلعت التلفون واتذكرت ابحث عن نتيجتها صح متأخر بس مانطتني مجال حتى احجي وياها بحثت طاحت ايدي دقائق قليلة ودك كلبي طفرت من مكاني من شفت معدلها 98.88 من كل عقلي فززتها من النوم شبكتها بكل قوتي

-شفت نتيجت بابا الف مبروك بت روحي اسيلتي

بطرف اصابعها وخرت ايدي ضليت مصنم مانطيت ردة فعل لمت شعرها ورا ضهرها

-ماكو شي جديد بتعبي هذا وبعدين منو سمحلك تتقربلي هيچ ميكفيك السويتة بية ?

-اسيل?

-همم

-عود انتِ نفسها الروحي تعلگت بيها نفسها الانتضر ساعة ساعة دقيقة حتى تكبرين واخليج بحضني انتِ نفسه?

عدلت كعدتها عاكدة حاجبها ماعجبها كلامي جرت المخدة ودارت ضهرها عني واني دمي نشف بعروكي ماتحملت سبيت ابو اليوم الحبيت بي حالف مامد ايدي عليها وخرت المخدة وجريتها التصق جسمها بصدري

- وحق ربجج يااسيل ادوسي على كلبيي بالقندرة وانعل ابو الحب اليخليجج تعامليني هيج ولج رجلج رجلجج كلمة حلوة منج ماشفتتت هيجج اتجازة

-اووووه تعيرني انت تعيرنييي كل شوي رجلج ورجلج منو طلب منك تحبني منووو طلب منكك تتقدملي منو طلب منكك تكتل روحك عليةة وخرر ايدكك مني

دكت عقيق الباب وخرت ايدي منها واني حيل ماضل بية اخذت سويج والتلفون وفتحت الباب صارت بوجهي عقيق جرتني عصرت عيوني

عقيق:صلو على محمد حبيبي شبيك ياستار اصواتكم طالعة
ترى عرسان بعدكم