ساره بجمود:معلش يا خالتو انا مش بفكر فى الموضوع ده دلوقتى وكمان انا عاوزه اكمل دراستي وطبعا ابن حضرتك مش هيستحمل مصاريف الدراسه..انا بعتذر انا مش موافقه عن ازنكم (ودخلت غرفتها)
سماح وهى ترفع حاجبها:يا عنى يا ام ساره
نهى بحرج:متخديش على كلامها دى بت هبله..بصى سبينا يومين وهنرد عليك والى فى الخير يقدمه ربنا
سماح وهى تنظر إلى حسن:يلا يا حسن نستأذن احنا
نهى:خليك شويه
سماح:ربنا يخليك يلا العوافى
نهى:الله يعافيكى..شرفتى الشويه دول
قفلت الباب وندهت على ساره
ساره:نعم يا ماما
نهى:ايه إلى انتى قولتيه ده
ساره:ايه إلى قولته..دى الحقيقه
نهى:ماله مش عجبك فى ايه
سعيد:مش عارف..دلع بنات
ساره وهى تنظر له:ملكش دعوه..يا ماما شخص سمج رخم انا مش متقبلاه غير أنه ابن خالتى وبس وكمان انا لسه صغيره على الموضوع ده
نهى:هو ايه إلى لسه صغيره امال امتى انشاء الله لما يكون عندك ٥٠ سنه
ساره:ماما دى حياتى وانا حره فيها ونصيبى هييجى لحد عندى عن ازنك(ودخلت غرفتها)
دخل محمد على صوتهم:ايه فى ايه يا نهى
حكت له نهى كل شئ
محمد:سبيها براحتها
نهى بعصبيه:انت عاوز تشلنى يا راجل إسراء بنت خالتها متجوزه وهى فى سنها ومكملتش ال٢٦سنه ومخلفه عيلين وكانت بتكمل دراستها وهى متجوزه..ايه المشكله لو اتخطبت بس
محمد:ام سعيد قصره دى حياتها وملناش دعوه بحد وهى حره ونصيبها هييجى لحد عندها
نهى:ماشى يا محمد تعالى معاها يعنى هى إلى صح وانا إلى غلط..انا كل إلى شغلنى عاوزه اطمن عليها عاوزه افرح بيها زى اى ام مش من حقى يعنى
محمد:ام سعيد صلى على النبى كده وادخلى نامى انا جاى تعبان من كتر اللف
نهى بعصبية:انت مقعدش ليه ونزلت
محمد:انا وانتى عارفين أن عينيها يدب فيها رصاصه معلش يعنى.. واختك فظيعه هتقعد تحسد فى إلى جبونا
نهى بضحكه:والله عندك حق
سعيد وهو يخرج من المطبخ:الله عليك يا حج اوعااا بقى
محمد:اتكتم يلا
سعيد بضحكه:حاضر يا ابو سعيد
_______________
بعد مرور يومين (فى الجامعه)
ساره بضحكه:بس يا ستى ده كل إلى حصل..امى بقى من ساعتها وهى مش ضيقانى
هنا بضحك:يالهوى..دى لو امى اوعا كانت رامتنى من الشباك
ساره بزهق:والله يا بنتى لو شوفتيه قمه سماجه ماشيه على الارض..يلا نسكت احسن بدل مناخد سيئات
هنا بضحك:والله عندك حق يلا ندخل المحاضره احسن بدل ما نتهزق
ساره:يلا
ودخلوا المحاضره
كانت تتحدث ساره وهنا حتى جاءت لهم بنت متصنعه الجمال بكل ما فيها
البنت:قومى يا حبيبتي من هنا ده مكانى
ساره وهى تنظر لهنا وتقوم:يوم باين من اوله استعنا على الشقى بالله..اى يا حبيبتي انا مزاجى اقعد هنا عجبك ولا مش عجبك
البنت:انت ازاى تكلمينى بالاسلوب السوقى ده
ساره وهى ترفع حاجبها:اسلوب ايه..يلا غورى من هنا احنا مش فى حضانه يا ماما
ضحكوا جميع من بالقاعه
البنت وهى تتجه إلى ناحيه اخرى:والله اوريكى يا اسمك ايه انتى
ساره:ساره محمد فاروق عاوزه الاسم خماسى يا قلب امك
هنا وهى تمسكها من معصمها:اقعدى بقى
ساره وهى تجلس:بت مستفزه حرقت دمى اللاهى يحرق دمها
هنا:اسكتى بقى الراجل داخل
دخل رجل فى سن الخمسين اول ما دخل جرت عليه الفتاه الجميع نظر إليها بإستغراب
الفتاه:بابى البنت دى(وهى تشاور على ساره) شتمتنى وخلت القاعه تضحك عليا
الرجل بغضب:ايه..(وهو يشاور لساره)قومى يا انسه اطلعى بره ومتحضريش محاضرات ليا تانى
قامت ساره مسكت يديها هنا
هنا:دكتور انا هطلع معاها
الرجل:وانت كمان متحضريش محاضرات ليا تانى ادام متمسكه اوى بصحبتك
خرجوا..وجلست الفتاه بجانب صديقتها
صديقيتها:احسن تستاهل باباكى جامد
الفتاه بإبتسامه خبيثه:عيب عليك محدش يقدر يقول لنيهال على لأ
بالخارج
ساره بتريقه:بابى نينينيني
هنا بضحكه:بس يا بت اسكتى عاوزه ايه تانى
ساره:يا ستى الواحد يقعد فى الجنينه شويه
هنا:يلا بينا ونجيب حاجه ساقعه
وهم يتمشون دخل شاب وسيم فى مقتبل العمر بشرته قمحيه حاد الملامح شعره طويل يدخل ببدلته الانيقه ويرتدى نظارته جميع الفتيات ينظرون له بإنبهار والشباب ينظرون له بحقد
هنا وهى تخبط على كتف ساره وهى تعطى المال للبائع
هنا:بت يا ساره بصى بصى كده
ساره وهى تلتفت بخنق:ايييييه
هنا:بصى إلى هناك ده
ساره وهى تنظر له بدون اى ريأكشن:ايوه ماله يعنى عادى
هنا بغيظ:ده عادى..امال ايه إلى مش عادى عند حضرتك
ساره:ايوه يعنى عاوزه ايه
هنا وهى تضربها وتزقها:امشى امشى يا ساره غاويه فقر امشيييي
وهم يجلسون فى حديقه الجامعه كانوا يشربون المياه الغازيه(حاجه ساقعه)
جاى لهم الشاب وهو يخلع نظارته:لو سمحتوا يا آنسات
ساره وهى تنظر له بملل:اممم اتفضل
الشاب باستغراب وهو يرفع حاجبه:انا كنت عاوز اسأل على مكتب مدير الجامعه
ساره بلامبلاه:يعنى انت جاى لحد هنا تسأل عندك الف واحده بتبحلق فيك روح اسألهم جاى تسألنا احنا اشمعنا
الشاب بإستغراب:انتى ازاى بتتكلمى كده
هنا بإحراج وخجل:متأسفين يا استاذ(وهى تنظر لساره بغيظ وساره تشرب المشروب)اصل ساره طول عمرها كده عفويه
الشاب بعدم اهتمام:وانا مالى انا..عاوز اجابه للسؤال
هنا:ايوه بص يا استاذ هتمشى كده وهتدخل هناك هتلاقى المكتب فى وشك
الشاب وهو يلبس نظارته وينظر إلى ساره التى تشرب المياه الغازيه بعدم اهتمام:شكرا
هنا:العفو (فى سرها)يا قمر
وجلست بجانب ساره
هنا:بت انتى غبيه..حد يرد كده على العسل ده
ساره:يا ستى..بلا قرف
هنا:طب يلا من هنا يابت
بعد انتهاء اليوم الجامعى
ساره:ياااااه اخيرا اليوم خلص
هنا:اه بجد متعب اوى
هنا وهى تنظر للناحيه الأخرى:بت يا ساره الحقى الواد الحليوه بيركب حته عربيه
ساره:هنا امشى وانت ساكته وانا مالى انا يغور فى داهيه..بطلى بحلقه فى الناس وغضى بصرك
هنا بزهق:ده انتى بت خنيقه
______________________
استغفرك ربى واتوب اليك 🤍
أنت تقرأ
جواز صالونات
Romanceلما يكون فى فكره معينه فى دماغك..وتقرر انك عمرك ما هتتجوز بالطريقه دى وان عمرك ما تكون كده..بس يشاء القدر ويتغير كل حاجه..والى كنت خايف منه يطلع احلى حاجه شوفتها فى حياتك..والى بتتمناه يحصل قدامك بدون اى ترتيب🤍
