جواز صالونات

الفصل السادس

وفى يوم من الايام
‏ساره بزعيق:انا مش موافقه ومش عاوزه بقى الله هو غصب يا عالم
‏نهى وهى تمسكها من زراعها:بصى يا بت انت انتى هتقبلى العريس وهتتخطبى..يأما لا انت بنتى ولا اعرفك وانت حره يا ساره
‏وتركتها وذهبت..وساره تبكى بعنف فى غرفتها..قامت بالاتصال بهنا
‏ساره بعياط:الوووو يا هنا
‏هنا بخضه:مالك يا ساره فى ايه
‏ساره بعياط وشهقات متتاليه:مماما..عاوزه تجوزنى واحد جاى بكره وققالت لى لو مجوزتوش لأنتى بنتى ولا اعرفك
‏هنا بدموع:طب هتعملى ايه يا ساره
‏ساره بدموع:مش عارفه..انا تعبت اوى اوى يا هنا..انا بفكر اهرب
هنا بلهفه:لا يا ساره أياكى تعملى كده مينفعش..هتروحى لمين يا ساره لا يحبيبتى استهدى بالله كده..ويمكن إلى تخاف منه مفيش احسن منه
ساره ببكاء وشهقات:انا مش عارفه اعمل ايه..استغفر الله يا رب انا زهقت بقى
هنا بيأس وآسف على صديقتها:خلاص يا ساره معلش ريحى امك وبعد كده فركشى الخطوبه بأى حجه
ساره وهى تمسح دموعها:انا شكلى هعمل كده واجى على نفسى عشان ربنا ميزعلش منى
هنا:ايوه يا حبيبتى..يلا استهدى بالله ونامى والصباح رباح
ساره:ماشى تصبحى على خير
هنا:وانت من اهله
وضعت ساره الهاتف بجانبها ثم نامت نوم عميق
____________
عند سليم
سليم وهو ينام احسن بنغزه فى قلبه شديده وقلبه يؤلمه حتى هدأ تدرجا خرج خارج غرفته كان بالخارج يسكن الهدوء..دخل غرفته مره اخرى ثم نام
___________
عند ساره..ظلت نائمه وهى تقطع فى نومها ولا تريد الخروج حتى أتى الليل
سعيد:ساره ساره اصحى يلا
ساره وهى تستيقظ:ايه يا سعيد
سعيد:الناس على وصول وماما بتقولك اجهزى يلا
ساره:طيب يا سعيد
قامت ساره وتوضأت وصلت
بعد قليل..خرجت وهى مرتديه فستان بسيط وتدخل بهدوء جلست بجانب والدها
ام العريس:اذيك يا عروسه
ساره بجمود:الحمد لله
ام العريس وهى تشاور على ابنها:ده رضا ابنى
ساره وهى تنظر له بجمود وتحرك رأسها بمعنى اهلا
نهى بإحراج:قومى يا ساره هاتى الشربات من جوه
ساره وهى تنظر لها ثم قامت وجاءت ووضعت الاكواب
ابو العريس:طب يا عم محمد انا طالب ايد بنتك لأبنى رضا
محمد وهو ينظر لأبنته..ولا يوجد لها اى ملامح بالرفض أو القبول
محمد:طب نشوف رأى العروسه..رأيك ايه يا ساره
ساره بدموع وهى تنظر لوالدتها التى تنظر لها بجمود:موافقه
ام العروسه: لولولولولولى..نقرا الفاتحه
انتهوا من قراءه الفاتحه
ساره وهى تتنفس بصعوبه:عن ازنكم
ودخلت غرفتها وأخذت تبكى بقوه
ابو العريس:ده انا كنت جاى البس دبل بالمره
محمد:معلش يا ابو رضا خليها مره تانيه انشاء الله
ابو العريس:الخميس إلى جاى حلو
محمد:تمام ماشى على بركه الله
________________
عند سليم..كان يجلسون جميعا بالصاله ..كان سليم يضحك
سليم بخنقه شديده:اده فى ايه
وفاء بخضه:فى ايه مالك
سليم بانزعاج:مش عارف مخنوق اوى ومش عارف اخد نفسى
احمد:طب اطلع البلكونه شم شويه هوا
سليم وهو يقوم جاءت له نغزه مره اخرى اقوى..ضغط على قلبه وجلس مره اخرى
وفاء وهى تتجه له:فى ايه مالك..ايه الى بيحصل
سليم بالم:قلبى قلبى بيوجعنى اوى وخنقه اوى
وفاء بزعيق:جااااسر
جاسر وهو يخرج مسرعا من الغرفه
جاسر بخوف:فى ايه
احمد:خد اخوك وديه اى مستشفى قريبه دلوقتى
جاسر:حاضر
عند الدكتور
الدكتور:كله تمام يا استاذ سليم
جاسر باستغراب:امال ايه النغزه إلى بتيجى له دى
الدكتور:ممكن يكون اجهد نفسه فى الشغل استريح كام يوم ولو حصلت تانى هتعمل اشاعه وتيجى توريهانى
سليم: تمام شكرا يا دكتور
وخرجوا ورجعوا البيت مره اخرى
__________________
لا اله الا انت سبحانك اني كنت من الظالمين 🤍🦋