*بعد مرور شهرين
فى شقه..فى غرفه سليم
وفاء:واد انت يا واد قوم
سليم:نعم يا امى
وفاء:قوم يلا عشان نروح للعروسه
سليم وهو يقوم مفزوع:عروسه ايه
وفاء:اده هو انا مقولتلكش
سليم وهو يمسح على وجهه:ماما قولى يلا
وفاء:اصل فى واحده صاحبتى بنتها زى القمر اتفقت معاها نروح نشوفها النهارده
سليم وهو ينام:انا مش رايح فى حته
وفاء:يعنى عاوز تكسفنى يا ابنى
سليم وهو يتنهد:يا ماما انا قولت مش هتجوز دلوقتى لما الاقى إلي تناسبنى
وفاء بإبتسامه:لا انشاء الله تعجبك..دى زى القمر
سليم:يا امى مش بشكل
وفاء:يلا بس قوم يلا
سليم:طيب يا امى هقوم
وفاء فى غرفه اخرى
وفاء:واد يا جاسر
جاسر:----
وفاء بزعيق:انت يا ززززفت
جاسر بفزع:ايه.. ايه هغرق
وفاء بزعيق:هو انا لازم ازعق
جاسر وهو يتقلب وينام:يا ماما هقو.....
وفاء بزعيق:جاااااااااااااسر
جاسر:خلاص خلاص قايم قايم
بالخارج فى الصاله يجلس أحمد والدهم وهم يخرجون من غرفتهم
أحمد:هو لازم يا زفت منك ليه امك تزعق عشان تقوموا
جاسر:خلاص يا بابا قومنا والله اهو
احمد:سليم
سليم:نعم يا بابا
احمد:جهز نفسك يلا عشان هنروح للعروسه بالليل
سليم بملل:حاضر
بعد مرور بعض من الساعات
احمد:يلا يا ام سليم هنتأخر على الناس
وفاء وهى تخرج من غرفتها:اهو جايه يا احمد
احمد:يلا يا سليم
سليم:حاضر
نزلوا وركبوا سياره سليم وذهبوا إلى بيت العروس
دخلوا الجميع رحبوا بهم وجلسوا بالصالون
ام العروسه بابتسامه:اتفضلوا نقعد بره عشان العرسان يتكلموا براحتهم
وفاء بابتسامه:يلا يا حبيبتى
عند سليم
سليم بجديه:حضرتك عاوزه تسألى اى سؤال؟؟
الفتاه باستغراب:هو انت مالك كده ليه
سليم بإستغراب:مالى يعنى
الفتاه:فك فك يا عم شويه ايه هنتكلم مش داخل تحقيق هو
سليم وهو يرمش بذهول:يا عم
الفتاه:فى ايه هو انت من هنا ولا من كوكب تانى..بص يا برنس جو امى وامك والجو ده مش بياكل معايا..انا واحده بحب الخروجات الفسح السفر الجو ده..مش بحب الكتمه بقى ونضفى وامسحى ومش عارفه ايه..المهم عندى إن أبقى مبسوطه بس..هااا عاوز تقول حاجه
سليم بذهول واندهاش:عاوز اقول لا اله الا الله(ثم قام ونظر لها)عن ازنك
وخرج خارج غرفه الصالون
ام العروسه بابتسامه:اهلا يا عريس اتفضل
سليم:لا شكرا (وهو ينظر لوالديه نظره يقول لهم:يلا نمشى)
احمد وهو يقوم:طب السلام عليكم
ابو العروسه:نورت يا حج احمد
احمد:البيت منور بأصحابه
وغادر الجميع عائدون إلى المنزل..نزلت والدته وهى حزينه
سليم وهو يقفل العربيه ويصعد مع والديه يدخل من الباب
جاسر بتسرع وإبتسامه:ها سبع ولا ضبع
سليم بابتسامه:حبيبى ده سؤال مش شايف امك ضربه بوز ازاى
جاسر بخيبه امل:انا قولت كده بردك مفيش حاجه مُبشره ابوك دخل على طول بسكات وامك ضربه بوز مترين..(وأخذوا يضحكون)
وفاء:اضحكوا اضحكوا
فى اليوم التالى
سليم وهو يقبل يد والدته:صباح الخير يا احلى فوفه فى الدنيا
وفاء تنظر له نظره غيظ:-_-
سليم:تؤتؤتؤتؤ ده كله عشان عروسه
وفاء بجديه:انت عارف ان انا عاوزه افرح بيك وانت دلوقتى عندك 25 سنه عاوزه افرح بيك زى اى ام اشيل لك عيل
سليم بحده خفيفه:ماما..حضرتك عارفه انا رافض الموضوع ليه..لحد ما تيجى إلى اختارها انا
وفاء بحزن:يحبيبى دى واحده وراحت لحالها
سليم بغضب:بس انتى عارفه انا كنت متعلق بيها ازاى..وانتى إلى اخترتيها..وفضلت قد ايه مكتأب..(وخنق صوته)وبعد مكان فاضل ست شهور على جوازنا عرفت واحد أغنى منى وراحت له وسابتنى بكل استهانه..ماما بعد ازنك خلينى مره واحده بس..مره واحده اختار إلى هتكون معايا طول عمرى ممكن ومش عاوز الكلام فى الحوار ده يتفتح تانى ممكن
وفاء بتنهيده:حاضر يبنى
سليم بتأنيب ضمير:طب يا ماما عندك جاسر مش لوحدى
جاسر:وايه إلى دخل جاسر فى الموضوع بس
سليم وهو يرمى عليه المخده:اسكت انت
وفاء:يا حبيبي انا عاوزه افرح بيكم انتم الاتنين
سليم:اوعدك يا امى..أول ما الاقى إلى تناسبنى هاجى اقولك على طول ونروح نتقدم
وفاء:كل بعقلى حلاوه
سليم بجديه:بجد يا امى ادعيلى انت بس
وفاء:بدعيلك من غير حاجه
سليم:طب انا نازل رايح الجامعه
وفاء:ربنا معاك يبنى
__________________
سبحان الله وبحمده..سبحان الله العظيم 🤍
أنت تقرأ
جواز صالونات
Romanceلما يكون فى فكره معينه فى دماغك..وتقرر انك عمرك ما هتتجوز بالطريقه دى وان عمرك ما تكون كده..بس يشاء القدر ويتغير كل حاجه..والى كنت خايف منه يطلع احلى حاجه شوفتها فى حياتك..والى بتتمناه يحصل قدامك بدون اى ترتيب🤍
