فى شقه ساره
محمد:نهى يا نهى
نهى وهى تخرج من المطبخ:نعم يا ابو سعيد
محمد:ابو صلاح جى النهارده هو والجماعه
نهى بابتسامه:متعرفش ليه يا خويا
محمد:لا مش عارف هو قالى إن الجماعه عنده عاوزه تشوفك وتسلم عليك
نهى:ماشى يا خويا اهلا وسهلا يشرفوا
دخلت ساره
ساره:السلام عليكم
محمد:وعليكم السلام حمد الله على سلامتك
ساره:الله يسلمك..(وهى تنظر لوالدتها)اذيك يا ماما
نهى وهى تنظر لها نظره حزينه:الحمد لله
ساره وهى تتجه لها:مالك بس يا ست الكل ايه إلى مزعلك
نهى وهى تنظر لها:مش عارفه ايه إلى مزعلنى..عاوزه افرح بيكى يا حبيبتي
ساره بزهق:يا ماما انا لسه صغيره على الحوار ده أما اخلص دراستى
نهى:متخلصى دراستك وانت متجوزه
ساره:وانت إيش ضمنك يا ماما انه ممكن يخلينى اكمل تعليمى
نهى:البنت ملهاش غير بيت جوزها..وغير كده احنا مش هنجوزك اى حد وخلاص
ساره وهى تتنهد:ماما حبيبتي الكلام ده كان زمان دلوقتى لازم البنت تكون متعلمه ومعايا شهاده كويسه.. وبعدين ربنا كاتب نصيبى فين وامتى شيلى بس الأفكار دى من دماغك وهتفرحى بشاهتى الاول وبعدين الجواز
نهى بتعب:انت الكلام معاكى منوش فايده
ساره وهى تنظر إلى محمد
ساره:متقول حاجه يا حج
محمد:اقول ايه..مأنتى عارفه امك بقى
نهى:ماشى يا خويا تعالى معاها اكنك مش عاوز تفرح بيها
محمد وهو يتجه إلى ساره ويضمها:لا ياختى عاوز بنتى جمبى كده فى حضنى
نهى بفزع:تف من بوقك بعد الشر..انشاء الله يجيلها احسن حد..اه صح صاحب ابوكى جاى النهارده بليل
ساره بشك:انا مش عارفه ايه الزيارات الكتيره دى والغريبه دى
نهى:لا متقلقيش يا حبيبتي جايين عادى
ساره:ماشى..امال فين ابو لسان ونص
نهى:عند الواد على هو وراه غيره
_________________
عند سعيد وهو يجلس مع صديقه على
على:طب متقولها يا ابنى
سعيد:اقولها ايه
على باستغراب:تقولها ايه..قولها انك بتحبها
سعيد:ايوه هقولها ازاى يعنى
على بتنهيده:يبنى مش هى بنت خالتك..ايه المشكله قولها انك بتحبها
سعيد بنزعاج:لا طبعا مينفعش..انا مش هعرف اتكلم معاها كده انا لما بشوفها بقف متنح لها..وكمان لسه داخله ثانوى هقولها بحبها وبعدين يعنى..لا انا عاوزها تهتم بدراستها بس ونفسها ومتحطش اى حاجه تانى فى دماغها
على بخبث:خلاص خليك لحد متحب حد تانى
سعيد بحده وهو يمسكه من قميصه:ده مين ده إلى يقدر يقرب منها ده كنت قتلته..(بعدما هدا)بس انا واثق فيها وفى تربيتها وكمان واثق مش هتبقى لغيرى
على:ماشى يا عم الحبيب..بس هى لما تكمل تعليمها وتبقى حاجه كويسه..معلش يعنى سامحنى هتوافق تتجوز واحد خريج صنايع
سعيد بخوف:مهو ده إلى مخوفنى وانا مش هقدر اعيش من غيرها..انا اول ما شفتها وهى فى اللفه وانا قلبى مبقاش غير ليها بس
على بضحك:ايه بس بس بس هتقلب سعيد العاشق ههههه
سعيد بقرف:عيل فصيل..انا اصلا كنت جايلك عشان نروح نلعب بلاى ستيشن
على:يلا بينا
فى الليل فى شقه ساره
ام صلاح:وحشانى اوى يا ام سعيد
نهى بابتسامه:وانتى كمان يا ام صلاح ليكى معزه فى قلبى
صلاح:طنط امال فين سعيد
نهى:سعيد بيجيب حاجه وجاى
ام صلاح وهى تنظر لساره:اذيك يا حبيبتى
ساره:الحمد لله يا طنط
ام صلاح:انت عارفه بقالى كتير جدا مشوفتكيش
ساره:اديكى شوفتينى
ام صلاح بضحكه:ده الواد احمد عمال يقول بتشوفى ساره يا ماما كويسه.. يا ماما ساره عامله ايه يا ماما..ياماما..يا ماما..ولا اكنها أمه ههههه
نهى بضحك:اه يا حبيبتي فيه الخير والله..ههههه
فتح الباب ودخل سعيد
سعيد بإبتسامه:اااااهلا اذيك يا ابو صلاح
صلاح وهو يسلم عليه:اذيك انت يا سعيد
سعيد:الحمد لله زى الفل..اذيك يا ام صلاح
ام صلاح:الحمد لله نحمده انت عامل ايه
سعيد:ماشيه والحمد لله
ابو صلاح وهو يخرج من الشرفه:يلا يا ام صلاح عشان نمشى
ام صلاح:يلا يا خويا نستأذن احنا
نهى:خليكى شويه
ام صلاح:ربنا يخليك نيجى لكوا فى الافراح انشاء الله
وانتهى اليوم ولا شئ يحدث
_______________
لا اله الا انت سبحانك اني كنت من الظالمين 🦋❤️
أنت تقرأ
جواز صالونات
Romanceلما يكون فى فكره معينه فى دماغك..وتقرر انك عمرك ما هتتجوز بالطريقه دى وان عمرك ما تكون كده..بس يشاء القدر ويتغير كل حاجه..والى كنت خايف منه يطلع احلى حاجه شوفتها فى حياتك..والى بتتمناه يحصل قدامك بدون اى ترتيب🤍
