فى يوم من الايام ظهرت نتيجه ساره وهنا
هنا بفرحه:نجحت جبت جيد
ساره بصدمه وانهيار:اده ازاى..ازااااى
هنا:مالك
ساره: الماده إلى حليناها مع بعض وكله صح جايبه فيه ملحق
هنا بصدمه:احسن يكون..البت إلى اتخنقنا معاها اول السنه هى إلى عاملت كده
ساره بغضب:ايييه يا سلام وانا هسكت لها انا لازم اروح اشتكى لمدير الجامعه او هروح اتكلم مع....
نيهال وهى تأتى من خلفها بإبتسامه خبيثه:معلش بقى يا سوسو عوضيها..هاردلك يحبيبتى
وقبل أن تغادر امسكتها ساره من يديها بغضب
ساره:انتى إلى عاملتى كده
نيهال ببرود:اممم مش فاكره الصراحه..(بشماته)اصل انا لما بحط حد فى دماغى مش بيخرج
ساره:هوريكى يا نيهال
نيهال بضحكه بارده:تكير يا سرسوره..ههههههههه
ساره كادت أن تفرقع من الغيط
هنا بحزن:هتعملى ايه
ساره بتحدى:هتشوفى هعمل ايه
ذهبت إلى والد نيهال
ساره:حضرتك ليه خلتنى اعيد الماده وانا حله كويس جدا
على ببرود:عشان حضرتك مش محترمه نفسك كويس
ساره بصدمه:حضرتك انت إلى قولت لى متحضريش محاضرات ليا تانى
على:إلى يقل أدبه على بنتى أعلمه الأدب
ساره:بقى كده..تمام اوى
على:انتى بتهددينى يا انسه
ساره:اعتبره زى ما تعتبره
وخرجت واتجهت إلى مسئول الجامعه
خبطت..من الداخل رد مدير الجامعه:اتفضل
دخلت وفجأت بوجود سليم..وقفت فى مكانها وهى تنظر له بذهول..وسليم كان لا يدير رأسه
مدير الجامعه بإستغراب:نعم يا آنسه
ساره:كنت عاوزه اعمل شكوه فى استاذ على عبد الجواد
ما أن سمع صوتها حتى استدار لها..وأخذ ينظر لها قليلا
المدير:ايوه ليه
ساره:حضرتك بيسقط إلى على مزاجه وينجح إلى على مزاجه وانا حله فى الامتحان حلو جدا
المدير:وايه المصلحه أنه يسقطك
ساره:حضرتك اكيد عارف انسه نيهال..هى إلى خلته يعمل كده
مدير وهو ينظر فى ورق:ايوه بس انا عندى معلومه انك مش بتحضرى المحاضرات
ساره:هو قالى متدخليش محاضرات ليا تانى
مدير بأسف:للأسف يا آنسه ساره مش بايدى حاجه
ساره وهى تكتم دموعها:عن ازنكم
ثم غادرت
سليم وهو يسلم على المدير:استأذن انا
المدير:سلم لى على والدك
سليم:يوصل انشاء الله..السلام عليكم
المدير:وعليكم السلام
خرج سليم وجد..ساره تجلس بجانب وتبكى اتجه نحو مقعدها
سليم:ممكن اقعد
ساره بصدمه وخجل:اتفضل
سليم بجمود:ايه إلى حصل ده بالظبط إلى انتى حكيتيه
ساره وهى تمسح دموعها:اه والله ده إلى حصل
سليم بشر:تمام
ساره:هتعمل ايه
سليم:ملكيش دعوه بقى ده شغلى
_______________
بعد مرور يومين جاء لها رساله بتعديل دراجتها ونجاحها بمرتبه جيد جدا..استغربت جدا ولكن كانت تعتقد أن على مدرسها أدرك غلطه واعاد لها الدرجات وعرفت أن ابنته عادت السنه مره اخرى
_______________
مرت الايام والشهور والسنين
وبعد مرور 5 أعوام
ساره وهى تخرج من غرفتها:يا ماما يا ماما خلاص بقى بطلى زن على ام الموضوع ده
نهى بعصبية:لا مش هسكت يا بنت محمد..مالها ام شعبان ابنها زى الفل ماله
ساره وهى تنظر لها:انا مش عاوزاه خلاص..انا يستى مش هتجوز استريحتى
نهى بزعيق:انتى ايه مش شايفه نفسك عندك 25 سنه هتستنى لحد امتى بقالك خمس سنين بزن عليك انك تتجوزى زى بنت خالتك بسم الله ماشاء الله مخلفه تلاته ولسه مدخلتش فى التلاتين
ساره:يا ماما يا امى لسه ملقتش الشخص المناسب ليا
نهى:ولأمتى يعنى هتفضلى قاعده جمبى
ساره بغضب:لحد ما امو....
قطع كلامها دخول محمد والدها
محمد:فى ايه صوتكم جايب اخر الشارع
ساره وهى تدخل غرفتها:مفيش
محمد وهو ينظر لنهى:انت كلمتيها تانى فى موضوع الجواز ده
نهى بغضب:اااه..كلمتها ايه هتقعدها جنبنا..اييه انا زى اى ام عاوزه افرح مليش حق افرح بقالى خمس سنين ساكته وكاتمه فى نفسى وبقول نصيبها هييحى لحد عندها وبييجى وهى مش موافقه
نهى بغضب أشد:ساااااره
ساره وهى تخرج:نعم
نهى:بصى بقى..قدامك يا محمد..انتى اول عريس هييجى بعد شعبان هتجوزيه يإما لا انتى بنتى ولا اعرفك وهسيب لكم البيت ولا حد يعرف ليا طريق جره وده اخر كلام عندى ماشى يا ست ساره
ودخلت غرفتها
ساره بدموع وهى تدخل غرفتها..بعدما هدأت اتصلت بهنا
ساره بضحكه:هنون اذيك يا بت
هنا خنق:اممم الحمد لله بس طالع عينى خطيبى الزفت إلى اسمه سيف كل شويه ينطلى
ساره:خليه يستى
هنا بشك:مالك صوتك هو انتى معيطه
ساره:لأه خالص
هنا:اييه هتغنى(بفرحه)مش انا عندى ليك حته خبر
ساره بحماس:قولى
هنا:هتدفعى كام
ساره بغضب:هنا اخلصى
هنا:خلاص براحه..فى شركه عاوزه محاسبين يعنى زى شغل البنوك كده
ساره بتحذير:مش زى الشغل المتخلف إلى رحناه
هنا:لا دى شركه ليها اسمها
ساره:طيب امتى التقديمات
هنا:بكره..نروح انا وانتى
ساره:ماشى
______________
اللهم رحمتك و عفوَك، رضاك و سترَك، توفيقك و جبرَك، غِناك و جودك.🌹
أنت تقرأ
جواز صالونات
Romanceلما يكون فى فكره معينه فى دماغك..وتقرر انك عمرك ما هتتجوز بالطريقه دى وان عمرك ما تكون كده..بس يشاء القدر ويتغير كل حاجه..والى كنت خايف منه يطلع احلى حاجه شوفتها فى حياتك..والى بتتمناه يحصل قدامك بدون اى ترتيب🤍
