جواز صالونات

الفصل الثانى عشر

فى المستشفى
كانت تمشى هنا وتأتى بمشروب وخبطت فى شخص ووقع عليها المشروب
هنا بشهقه:هاااا ايه إلى انت عاملته ده
جاسر بجمود:معلش اسف يا انسه
هنا وهى تنظر له:اسف ايه حرام عليك لسه اول يوم شغل ليا يتعمل فيا كده ادخل ازاى للراجل وانا عامله كده..هقول له دكتور ازاى بالمنظر ده
جاسر:قولت اسف يا انسه اعمل ليك ايه يعنى
هنا بعصبيه:انت بااااارد
وتركته وغادرت مكتبها..كان جاسر واقف مزهول من هذا المشهد
هنا بداخل مكتبها:شخص متخلف وبارد ورخم مش عشان وسيم عامل فيها ابن بارم ديله..اروح الراجل ازاى هروح وخلاص والى يحصل يحصل
داخل مكتب جاسر..خبطت هنا ثم دخلت
هنا وهى تنظر:ازى حضرتك يا فندم..انا اكو....
وقطعت كلامها عندما رفع رأسه لينظر لها من شده الصدمه قالت بزعيق:انت ايه إلى جابك هنا وفين إلى مشغلك ايه الاستهتار ده
جاسر وهو يقرب منها ببطئ مخيف:اولا انا المدير هنا..ثانيا صوتك ميعلاش احنا فى شركه محترمه.. ثالثاً مش بنشغل عندنا ناس همجيه بالشكل ده
هنا بدموع:يعنى مش هتشغلنى..ده انا كنت ناويه اجيب حاجات وانا مروحه وقولت هجيب طعميه سخنه وعيش فينو واكل وانت فى ثانيه ضيعت كل احلامى
جاسر بضحكه:احلامك طعميه بعيش فينو
هنا وهى تمسح دموعها كالاطفال:مالها الطعميه وحشه فى ايه قصرت معاك فى ايه
جاسر وهو يمسك نفسه من الضحك:لا الصراحه بنت اصول ومتربيه
هنا بابتسامه جذابه:ها هتخلينى اشتغل عشان اجيب الطعميه
جاسر وهو يسرح فى جمال ابتسامتها:روحى هاتى طعميه ولانشون كمان يا....هو انت اسمك ايه
هنا:أسمى هنا عبد الرحمن
جاسر:ماشى روحى يلا على مكتبك
هنا:ربنا يباركلك يا اخى والله..ربنا يخليك  للبشريه
عندما غادرت..نظر جاسر إلى أثرها وهو مبتسم
مرت ايام وشهور و تقرب ساره وسليم وجاسر وهنا
وفى يوم من الايام
هنا وهى تجلس مع ساره:ساره انا حسه انى ابتديت اعجب بجاسر
ساره باستغراب:وخطيبك
هنا:خطيبى انا محستش باى شعور ناحيته حاسه انو حد قاربنا ييجى يزورنا وبس..لكن لكن جاسر بحس معاه باحسيس مختلفه
ساره:بصى شوفى انت عاوزه ايه وايه الى يريحك..بس خليك فاكره أن ده قرارك
هنا:مده إلى محيرنى
___________
فى الشركه..كانت تكلم هنا جاسر
جاسر وهو ينظر ليديها:هو انت يا هنا متجوزه
هنا:لا
جاسر وهو يتنهد:مخطوبه
هنا:_____
كادت أن تتحدث
جاسر بحزن:تبقى مخطوبه ربنا يتمم بخير..عن ازنك
_________
فى منزل وفاء
سليم:اذيك يا ست الكل..ليا عندك خبر هيفرحك جدا
وفاء:خير
سليم:انا عاوز أخطب
وفاء بصدمه:ايه لأ
سليم باستغراب:هو ايه إلى لأ
وفاء:الصراحه يا سليم انا اتفقت مع واحده صاحبتى هنروح نخطب بنت اختها
سليم بعصبيه:وده قرار مين ومين قالك انى موافق
وفاء:حبيبى اسمع كلامى انا عارفه مصلحتك
سليم:تانى يا امى تانى
وفاء:سليم لو مخطبتش البنت دى لا انت ابنى ولا اعرفك وهنروح يوم الجمعه عندهم
سليم:يا ما....
وفاء بمقاطعه:سليم ده اخر كلام عندى
____________
فى يوم التالى
ساره بابتسامه:اتفضل يا سليم الشغل اهو شوف كده لو فى حاجه عاوز تفاصيل عنها
سليم بعدم اهتمام:تمام يا ساره اتفضلى انت
ساره بإستغراب:مالك يا سليم
سليم بعصبيه وصوت عالى:ملكيش دعوه انت مالك
ساره بدموع:ماشى عن ازنك يا سل...يا استاذ سليم
_________
فى جامعه سندس..كان يأتى سعيد ليصتحبها إلى المنزل
كانت تقف سندس مع زميلها..كان يأتى سعيد بكل عصبيه
سعيد وهو يمسك كتف الشاب:اهلا وسهلا مين الكابتن
سندس:سعيد 
الشاب:مين ده يا سندس
سعيد:انت إلى مين يا عسل
الشاب:انا ابقى خطيبها
سعيد وهو يلكمه فى وجهه:خبطك قطر
وأخذ سندس ومن يديها ويخرج بها من الجامعه
وكان يمشى بها حتى أوقفته
سندس بعصبيه:ممكن افهم ايه إلى حصل ده
سعيد بغيره:انا إلى عاوز افهم امتى بقى خطيبك
سندس بعصبيه:وانت مالك
سعيد وهو يمسك يديها بعصبيه:انا مالى ونص انتى بتاعتى يا سندس..انا هروح دلوقتى اخطبك من أهلك..عشان انا مستحمل من زمان والناس عماله تتقدم لك وانا ساكت وبكون بولع من جوايا..انا بحبك يا سندس ايوه بحبك من زمان اوى من ايام مكنتى بيبى اول ما عينى شافتك حبيتك ايوه انا بعترف بكده وده الوقت المناسب إلى لازم اقول فى الكلام ده
سندس بذهول:سعيد انت بتتكلم بجد
سعيد بابتسامه:انا عمرى هزرت
سندس بدموع وخجل:فينك من بدرى يا اخى..كنت مستنيه منك لو اشاره انك عايزنى مستحمله وبرفض الناس عشان عاوزاك انت انت إلى كنا زمان فى المدرسه كنت امانى وسندى..كنت برفض كل الناس عشان مستنياك..لحد مفقدت الامل ولما لقيت حد بيحبنى وعاوز يتقدملى وافقت وكنت هقول لماما..انت عارف انت لو تعرف انا عيطت قد ايه بسببك انا قلبى محبش غيرك ولا هيحب غيرك ..لازم اضيع من ايدك عشان تحس يعنى
سعيد بعدم تصديق: استنى استنى بس هو الى انا سمعته صح
سندس بخجل وهى تومأ برأسها بمعنى نعم
سعيد بإبتسامه:يلا بينا على ابوكى لازم اطلب ايدك حالا
_______________
لاتَهجر القرآن، فيَختل اتزان قَلبك.