غليان

اعلان

غليان
بقلمي: مها ال عبدالله ❤️‍🔥

............................................................................

رجلُ يملئ قلبهُ السواد القاتم
عَنيد . شَرس . قوي . مُرهب
لا رحمة لا عفو في قاموسه

هل سَيلين قلبه!
هل سَمعتُم بِحجرًُ لَان يومًا!

.
.

كاعدة على الچرباية بجحيمي الجديد وصافنة افكر بحالي

شسويت اني! شلون وافقت!

شلون استرخصت روحي وصرت بمكان منبوذة بي من الكل

لا دموع تفيد ولا لوم

عصرت الفراش ورفعت راسي اتماثل القوة من انفتح الباب ودخل جحيمي مبتسم تك خد سد الباب وانتچى عليه متكتف وبأيدة اليسار جگارة

بلل شفتة وتقدم علية يهمس
:العب حبيبي وحدك بهالساحة

رجفتي صارت واضحة ورغم خوفي بقيت رافعة راسي بشموخ وكف كدامي ومرر ايدة الي بيها الجگارة على خدي البارد

:نلعب!

رفعت عيوني وباوعتلة بنظرة مزيج بين الحدة والثقة
:تخسى

من كلت هالكلمة ابتسم بشكل قذر وصار يفتح ازرار قميصة ويتقرب علية

دفعني من كتفي بكل قوتة وكعني على الچرباية وقبل لا استوعب صار فوكاية خانگني من رگبتي لزمت ايدة الي على رگبتي ونظراتي حادة تريد تخترق عيونة

دنگ باس نحري وحچة
:صيري عاقلة ولتتحديني اطيحچ من عالي سماچ

ابتسمت وغرزت اظافري بصدرة الصلب
:انه بنت الشريان متوگعني هالتصرفات متخوفني

قهقه بشكل استفزازي ومد ايدة لظهري فتح سحاب البدلة
:لا تنسين انه ابن منو انه الصيتي صاعد للغيم

رفعت رجلي ودفعتة بيها بكل قوتي كور ايدة يباوعلي بنظرات ثاقبة كمت ورفعت سبابتي بوجهة

:اذا انتَ الغيم انه السماء كلها لا انتَ ولا عشرة مثلك يخوفوني لو يهزون شعرة من راسي

اردف بنبرة غاضبة
:واحد لتتحديني محد تحداني وضل سالم
اثنين محتاجلچ ترويض وهالشي مو صعب علية

رفع شعرة وتقرب خطوتين بحزم
:ثلاثة انتِ حاليًا بدار النار راح اغليچ بأيدي غليان يا بنت شريان

......................................................

رائيكم بالمقتطف😉❤️‍🔥

مصممة الغلاف المبدعة❤️: Jejerazaq

ان شاء الله بعد زواج اخوي نبدي بتنزيل البارتات حتى اتفرغلكم❤️‍🔥

عودة قريبة ان شاء الله 🫣❤️‍🩹

اللهم صلِ على محمد والِ محمد 🦋

مها ال عبدالله