غليان

part.17.

موتني موت النخل وانا على وگوفي ..

لاتنسون التصويت/متابعة الحساب/التعليق بين الفقرات🛑

البارت الجاي الأثنين✨

بسم الله الرحمن الرحيم

قراءة ممتعة 🤍
...........................................

ريتان:تنهدت بضيق وعيوني دمعت تركت تلفوني ورفعت راسي اهفي على وجهي ماريد دموعي تنزل

بگصايب يا حلم شديت روحك خيط

ضل هالكلام براسي رجعت اقراها واقرها دزيتلة كلمتين
:كلة بسببك

ثواني ودزلي بصمة مبين جاي يدخن
شرار:من كل گلبي ادعي ما تتهنين وتحترگين بنار نفس ناري وأزيد

احس گلبي احترگ وصخنت من هالدعاء رجعت دزيتلة
:لا تدعي علية انه ما وعدتك بشي

رجع دز بصمة
شرار:انه ردتچ حلالي وانتِ رحتي لواحد ما يسوا نعالي روحي ما مهناية ولا مبرية الذمة حوبتي ما تتعداچ

گلبي ضل يوجعني دعواتة تخوف واحسها طالعة من كل گلبة بدون ما احس دموعي صارت تنزل بصدمة وشهگاتي تتعالى

سوالي بلوك من رقمة طفيت التلفون كلة وبقيت احاول اسحب نفس ماكدر ماكو هوى اختنگت كمت فتحت الشباك وطلعت راسي وبدون فائدة

تركتة مفتوح ومشيت بخطوات ما متوازنة اجر روحي جر بيها فتحت الباب محتارة وين اروح رحت للدرج نزلت اول باية وشفت اخوي اليهان يريد يدخل لغرفتة

نزلت الثانية والدنيا افترت بية طحت من فوك ليجوا حسيت راسي انقسم نصفين بقيت متمددة بمكاني اباوع للسقف بدون ولا حركة ولا حتى نفس

اسمع صوت اخوي يصيح
اليهان:ريتا ولچ ريتا يمااا ريتان طاحت

اباوع الكل التم على راسي عيوني مغوشة ما اسمعهم بس اشوفهم ما واضحين شالني شريان وطلع من البيت ماعرف اذا لبسوني شي او لا ما احس بجسمي

جاي يصعدني للسيارة وراحت عيوني على شخص بعيد واكف بصف سيارة جوا شباك غرفتي ما انتبهت منو بس حسيتة شرار

جدو حطني بحضنة واشوف شفايفة تتحرك بس ما اسمع شي وعيوني تريد تنسد بس ارجع اقاوم وافتحها