طرواك چن زخة مُطر
فَزز خضار بـ روحي .
لاتنسون التصويت/متابعة الحساب/التعليق بين الفقرات🛑
البارت الجاي السبت✨
بسم الله الرحمن الرحيم
قراءة ممتعة 🤍
...........................................
ريتان:اسمع اصواتهم بعيدة واشوف ريمان وشريان فوگ راسي بس ماكدر اتحرك
رجعت نمت ما حاسة بشي
چنت عبالك ميتة
فتحت عيوني بعد فترة عطشانة ميتة عطش ومحد يمي حچيت بصوت ضعيف ومهزوز
:يُماا و وينكم
محد اجة لأن اكيد صوتي ما يوصللهم حاولت اكوم بشتى الطرق بصعوبة سندت نفسي وفتحت الضوة
اخذتلي نظرة على الغرفة چانت كلش نظيفة وانه اتذكر تركتها ما مرتبة وهم ريحة الديتول يسطر سطر
باوعت لأيدي اكو كانونة بظهرها زفرت نفس بضيق عرفت اجتني نوبة الهلع
فتحت الباب بعدها ليل نزلت بصعوبة والتعب واضح علية بحيث ظهري ماكدر ارفعة باقي منحني
دخلت للمطبخ چانن ريمان تسوي قهوة التفتت شافتني وفزت
ريمان:ريتان كعدتي خوفتينا
مابية احچي اجت سندتني وكعدتني وراحت جوا تهرول ثواني وكلهم تجمعو على راسي امي تبچي وابوي وجدو واضح ضايجين على حالتي واخواني حالتهم مو افضل
باوعت بكل الوجوه وحچيت بصوت يرجف
:اريد مَيان جدو
الشريان:يا بعد عينة لجدچ اجت مَيان من الفجر الچ وبقت حد العصر والطفلة مسك تخربطت واخذوها للمستشفى باچر تجيچ هسة تأخر الوقت
هزيت راسي بتفهم رادو يوكلوني بس رفضت رفض قطعي ما اشتهي اكل أي شي
صعدوني للغرفة وطلعو بس ريمان بقت كعدت يمي تمسح على وجهي
ريمان:خوفتينا عليچ وافتقدنا ضحكتچ ولعبچ بالبيت اليوم البيت كلة باهت
تنهدت
:ماعرف شصارلي اجت البومة وانه چنت احچي وي....
سكتت فاتحة عيوني على وسعهن من چفصت هيَ ابتسمت وهزت راسها
ريمان:تحچين ويا شرار اعرف هوَ من تخربطتي خابرني خايف عليچ
YOU ARE READING
غليان
Actionرجلُ يملئ قلبهُ السواد القاتم عَنيد . شَرس . قوي . مُرهب لا رحمة لا عفو في قاموسه هل سَيلين قلبه! هل سَمعتُم بِحجرًُ لَان يومًا! تابعو لتعرفو هل سيبرد الغليان! غليان بقلمي:مها ال عبدالله❤️🔥
