غليان

أضافي...

رَماد: يّا مَحطة تّلم وحشتِي
ويَا قُطار يَسافر ويّاخذ
دمعِتي ، إنتَ ويّنك ؟
" عَودتني .

..

ظل خريَفچ يجَي طاحت ملامَح وجهِي
مِثل الشجرّ كُل خطوَة ريه
الگاع تاخِذ نفسَ بشباچ وجهَي
وآنه اختنگ لومَني جدمچ عبر
شگد رسَایل بُقت؟ محد قرَاني
اتخيط عليَ الليَل وچنت الوم القدّر .

...................................................

مَيان:ركض وراي وعيونة حمر لزمني من شعري وضربني

مَيان:لااااا وخرررر عني مازن وينك رمااااد

من ذكرت اسم رماد تخبل حط ايده على رگبتي وصار يخنگ بيه
مازن:راح اكتل رماد انتِ اليييييي حصلت عليچ

حطيت ايدي على ايده الي لازمه رگبتي وصرخت بعلو صوتي بقهر وصوت مجروح وخايف

مَيان:لاااااااا انه مووو الككك اني مرت رماااااد

فزيت ولگيت نفسي اخنگ بروحي واخوي ومرته يحاولون يحرون ايدي عن رگبتي خايفين

تركت رگبتي اباوع للغرفه ومثل كل مره احاول استوعب هذا مجرد كابوس ومازن خلص مات

اخوي جاب ماي غسل وجهي وانه لازمه ايد ريمان بخوف
مَيان:والله چان هنا مازن هنا

بچت على وضعي ونزلت عليه حضنتني چلبت بملابسها
ريمان:كافي مَيان راح تموتين

مَيان:خنگني ويكول انتِ الي ريمان مازن عاااااايشششش

ريمان:اششش اهدي سحبي نفس

صرت اسخب نفس وازفره شريان جابلي حبوب المهدأ مالتي اخذته بسرعه وباوعت على مكان سند مبتسمة

اختفت ابتسامتي من ما لگيتة يمي كمت على حيلي لازمة گلبي واصرخ
مَيان:ابنيييييي وييييين سندددد وينةةة شرياااااان

حاوط وجهي يريد يحضني دفعتة
مَيان:كوووول ابني ويييين

شريان:حبيبتي بنيتي ابنچ عند ابو اليوم راحو هوَ ومسك ينامون عندة

كزيت على اسناني بعصبيه وضربته بصدرة
مَيان:منوووو سمحلكممم تنطونة اطفااااالييييي شلووون ينام سند بعييييد عنيييييي شلووووونننن