شلون يريد لعبك إلعب عليهم
سويهم جگارة اشربهم
وارتاح وماعلمك
تعرف شلون تطفيهم
لاتنسون التصويت/متابعة الحساب/التعليق بين الفقرات🛑
البارت الجاي السبت✨
بسم الله الرحمن الرحيم
قراءة ممتعة 🤍
...........................................
مَيان:شتقصد!
كلتها بأستغراب وانه رافعة حاجبي
ابتسم اكثر وحرك لسانة على اسنانة العلوية
رماد:قصدي فهمتي بيبي
باوعتلة منزعجة
:شجابك انتَ شوصلك لغرفتي؟
لزم گلبة وهمس خدران ردت اخنگة
رماد:گلبي وصلني لغرفتچ
طلع يضحك لو باقي شوية چان جرمت بي مستفز كمت اضرب على راسي من صوت البومة احسها متقصدة توكف بصف غرفتي
وكفت اباوع من الشباك شفتة طلع يسولف ويا اخواني شريان واليهان بقيت اباوع انتبه لحركاتة
من يسولف يكون وجهة بارد وايدة يخليها على رگبتة مثل الي يخنگ نفسة لو يحرك ايدة على رگبتة وهواي يهز برجلة
شفتة صعد سيارتة وراح
بس راح فتحت الشباك متحلفة بالبومة طلعت راسي اشوفها وين لگيتها واكفة على عمود الكهرباء عضيت اصبعي بعصبية اخذت نعالي وشمرتة عليها بسرعة طارت وراح صوتها المزعج
سديت الشباك ورحت لچربايتي ونمت نومة عميقة
كعدت الصبح قبل الكل اخذت ملابسي سبحت ونزلت سويت ريوگ للكل خليتة بالحديقة بس كمل الچاي كلها كعدت والكل مصدوم بوجودي منو يدخل يصفن ثواني وبعدين يضحك بوجهي
كعدنة على الريوگ انه بصف جدي من اليمين وريتان باليسار
اشوف ريتان ايدها ترجف وعيونها ذبلانة وجدي يباوعلنة ويستغفر زعلان على حالتنة
كلت احاول اكسر الصمت
:البارحة رماد ليش اجة؟
جاوبني شريان
شريان:يكول اتصل عليها ماكو واجة يشوفچ صعدتة امي لغرفتچ يشوفچ
:ليش يما صعدتي لغرفتي لو كاليتلي نازلة
رفعت كتفها بمعنى مادري وانه سكتت
كال اليهان وحلگة متروس
اليهان:جدي حفيداتك صايرات موش حلوات
حضنة جدو منا ومنا وكال
الشريان:انچب يالأغم تروحلهن فدوا
YOU ARE READING
غليان
Acciónرجلُ يملئ قلبهُ السواد القاتم عَنيد . شَرس . قوي . مُرهب لا رحمة لا عفو في قاموسه هل سَيلين قلبه! هل سَمعتُم بِحجرًُ لَان يومًا! تابعو لتعرفو هل سيبرد الغليان! غليان بقلمي:مها ال عبدالله❤️🔥
