أمس لمن دِرت ظهرك
عفتني تراب
لو ماخذني بجيوبَك
أمس مِثل الطفل چَني
تذبّني و أرجع لثوبَك
منو مِثلي يحبك حتى بعيوبك
لاتنسون التصويت/متابعة الحساب/التعليق بين الفقرات🛑
البارت الجاي الجمعة✨
بسم الله الرحمن الرحيم
قراءة ممتعة 🤍
...........................................
ريتان:كالت هيچ وخوالها دفعو الباب يردون يدخلون وشرار دفر واحد منهم ببطنة صار يتلوى بالگاع
شرار:والله اذا تقربتلها اشگگ شگ يالدثو طلعو برا بيتي يلا ما ناقصني مهتلفين
أسعاد:انطيني بنتي اربيها وخلي استرها وازوجها لأبن اخوي
ضربها زيچ كلش قوي هزيت راسي ما يبطل من سوالفة دفعهم كلهم وطلعهم بالشارع خلاهم يدگون بالباب باوع لمودة الي موتت نفسها تبچي نقرب عليها وحضنها
شرار:عليمن تبچين شنو ما اعرفچ انه؟ انتِ مستحيل تسوين شي غلط بقصدچ فاهية وگلبچ ابيض
مودة:والله شرار ما عندي ويا شي امي تريد تزوجني اله وانه تلعب نفسي من عندة وصخ أسنانة صفرة وراسة عوج ويشتغل مُدرس انه اريد واحد حلو وضابط
ضحك وضربها على راسي
شرار:منين اجيبلچ ضابط بلا
گوا خفيت ابتسامتي الضابط موجود بس اختك ثولة
بعدهم يدگون الباب انزعچ من الوضع طلع سلاحة وراحلهم شوي ورجع يضحك
شرار:شافو المسدس عافو اختهم وشردو خوالچ مخانثة امشي امشي اليوم افتحلچ فلم للسهرة يخبل
حضنها واخذها للصالة احب علاقتة بمودة عبالك طفلتة اخذها سولفتلة كلشي عن امها وابن خالها وهوَ كاللها محلولة
رحت للمطبخ ادور ليمون دورت بالثلاجة وماكو رحت لشرار چان يحچي ويا مودة قاطعتهم احك برگبتي
:جيبلي ليمون
باوعلي رافع حاجبة
شرار:ليش تقاطعين حديثنة؟
:اسفة بس جيبلي ليمون
كام واخذ مودة للغرفة خلاها تنام وطلعلي
شرار:انتِ شبيچ تحچين بأمر؟
YOU ARE READING
غليان
Actionرجلُ يملئ قلبهُ السواد القاتم عَنيد . شَرس . قوي . مُرهب لا رحمة لا عفو في قاموسه هل سَيلين قلبه! هل سَمعتُم بِحجرًُ لَان يومًا! تابعو لتعرفو هل سيبرد الغليان! غليان بقلمي:مها ال عبدالله❤️🔥
