مِثل وشم العچَايز
جَرحَك بگلبِي .
لاتنسون التصويت/متابعة الحساب/التعليق بين الفقرات🛑
البارت الجاي الأربعاء ✨
بسم الله الرحمن الرحيم
قراءة ممتعة 🤍
...........................................
ريتان:الدم الي ينزل منها مو طبيعي حتى دخل بعيونها وماكو أي حركة من الصدمة رماد راد يشيلها ويركض بيها بس توقف عن الحركة من سمع صوت واحد جيرانة يكول
:لااااا لا ابد لا تحركها خلي يجون الأسعاف
باوعلة شرار بقلق
شرار:خاف تموت لازم ناخذها للمستشفى
طلع تلفونة يخابر للأسعاف
:اذا حركها راح يسببلها نزيف داخلي او شلل دائمي ضربتها قوية
خابر للأسعاف وابنها يبچي عبالك حس امة متأذية كعدت بسف رماد دموعي شلالات اخذت ايدها واشوفها بعدها تنبض بس نبض خفيف حطيت ايدي على گلبها نفس الشي امي طلعت تصرخ بالشارع تبهذل حالنة بفترة قصيرة
وصلو الأسعاف اخذوها هيَ ورماد جدو طاح علينة واخذة شرار هوَ وامي وابوي بقينة انه وريمان بالبيت نلوب
سند يبچي انطي ممة مايريدها اشربة ماي هم مايريدة اريد اروح لمَيان بس ماكدر اعوف ابنها اعتبرتة أمانة منها
خابرت على شرار ابچي واتحرك بسند احاول اسكتة
:ها شرار عفية طمني
تنهدت بضيق
شرار:جدچ بخير ومَيان مانعرف عنها شي
:صخام الصخمني شرار مَيان والله راح اموت عليها
شرار:ادعيلها ريتان اختچ تحتاج دعائكم هسة
حسيت بلوية قوية ببطني عضيت شفتي متأذية
شرار:ها شبيچ؟
:ماعرف بطني لوتني
شرار:اجي اخذچ للمستشفى؟
:مابية شي بس اريد اروح لمَيان بس ابنها شلون
شرار:ابقي ريتان بالبيت انتبهي على الطفل وعلى نفسچ
سديتة من عندة ودموعي ما نشفت
نومتة على بطنة وصرت اطبطب على ظهرة يلا ارتاح خليتة بغرفة اليهان وغطيتة الدنيا تفتر بية صار يومين لگمة ما مخلية بحلگي مخلصتها بس ماي ما اشتهي شي من بعد كلشي صار
YOU ARE READING
غليان
Hành độngرجلُ يملئ قلبهُ السواد القاتم عَنيد . شَرس . قوي . مُرهب لا رحمة لا عفو في قاموسه هل سَيلين قلبه! هل سَمعتُم بِحجرًُ لَان يومًا! تابعو لتعرفو هل سيبرد الغليان! غليان بقلمي:مها ال عبدالله❤️🔥
