غليان

part.16.

خَلصت النَهار بخير
بَس الليل شيخَلصه!
مِن يبدي هِدوء النَاس
تِبدي بداخلي الخَبصة

لاتنسون التصويت/متابعة الحساب/التعليق بين الفقرات🛑

اريد منكم تعذروني عندي فاتحة وهذا البارت كتبتة بالختلة كل ما اكعد اكتب بي هالأسبوع ما اكدر انزل أي بارت اعتذر منكم

الفاتحة لروح الشابة
(الهام بنت زينب)

البارت نزلتة بدون مراجعة ماعندي وقت

بسم الله الرحمن الرحيم

قراءة ممتعة 🤍
...........................................

ريتان:سديت تلفوني من عرفت الرسالة وصلتة رحت وكفت گدام المراية مسحت وجهي الي صاير خريطة من مكياج البارحة الي ما مسحتة

رطبت بشرتي خليتها شوي ترتاح وانوب حطيت مكياج خفيف وحمرة حتى تخفي الزراگ الي صاير بشفتي

بدلت ونزلت جوا مسوية شعري ظفاير قبل لا ادخل للمطبخ اسمي امي تحچي ويا جدي وابوي واخواني

زمرد:عمو هيَ تكول موافقة وتكول راح اخلص سادس ماكو اي مشكلة

الشريان:وانه ماريدها تتزوج بعدها صغيرة اشهر وتدخل 19 سنة شنو ماعندي اكل مزوجها بهالعمر هوَ انه اختها عمرها 22 وگوا علية زوجتها

نمر:رفضيهم ماكو زواج انه مو نفس اخواني ازوج بناتي صغار

دخلت عليهم سويت نفسي ما سمعت كلامهم كعدت بصف جدو واكلت
:هاي شنو مو كلتلكم جيبولي گيمر عرب ليش ما جايبين

محد جاوب كلها تباوع علية
:يما ترحين لبيت جدو مو اذا ترحين اروح وياچ اريد اشوف البنات

زمرد:انه ابات هناك ابقي يمهم ريمان عند اهلها منو يضل هنا

:اريد اروح چا

باوعلي جدي وحچة
الشريان:ماكو روحة وماكو زواج

دنگت راسي وتركت الأكل
:ليش الولد بي شي؟