غليان

part.3.

من تمشي عدل وتعثرك الأيام
شكو مخربط يصير براسك معدل

لا تنسون التصويت/متابعة الحساب/تعليقاتكم🛑

البارت الجاي يوم الأربعاء🤍

قراءة ممتعة🤍
......................................

مَيان:الصدمة استحلتني عيوني تتنقل عليهم
بنتة؟ يعني متزوج؟ انه اتزوج متزوج!!

كعدها بحضنة وباس راسها
رماد:اسمها مسك عمرها 6 سنوات صف اول ابتدائي مسكي اعتبرها خطي الأحمر وانه طلبت احجي وياچ حتى افهمچ بعض الأشياء حتى لا اصير مشاكل بالمستقبل

كمت وكفت وجهي مشتعل نار
:شتفهمني؟؟؟ متزوج لعددد ليش تزوجتني اذا متزوج

رفع مسك كعدها على القنفة وكام وكف كدامي يباوعلي ببرود
رماد:اي كعدي حتى نتفاهم ليش تاخذين الموضوع بعصبية خليچ ريلاكس بيبي

ضربت ايد بأيد وصرت افتر رايحة جاية انه محترگة وهوَ مثل الثلج بس يباوع

رجعت وكفت كدامة ودفعتة من صدرة
:لييييش تزوجني اذااا متزوججججج

حط ايدة ورا ظهرة وكال
رماد:تعاي كعدي شيبتي راسي وهوَ اسود

ردت ارگع روحي بالگاع بااااارد بااااارد ويستهزئ بية
:انتَ شبيييييك منوووو مسلطك عليةةةة عبالي راح اتزوج شرار وانصدم بيك وهسة انصدم اكثر وتطلع متزوج وعندك بنية

بس كلت هالكلام عدل وكفتة وباوعلي بنظرة انه الما اخاف خفت منها لزم معصم ايدي بقوة وسحبني كعدني وكعد بصفي وهو ياخذ شهيق زفير واسمعة يهمس بينة وبين نفسة

رماد:اهدئ ماكو شي يستاهل خليك هادئ

دقيقة كاملة وباوعلي
رماد:اتصلت عليچ ليش ما جاوبتي؟

حچيت مستغربة
:شوكت هاي؟

رماد:اتصلت عليچ حتى افهمچ قبل لا يصير شي رسمي بيناتنة بس ما جاوبتي وهسة لازم نتفاهم عدنة شهر للزواج نتفاهم بي

بقيت ساكتة نار مشتعلة بگلبي حچة بعد ما حك انفة
رماد:اول شي ولا تفهمين غلط چنتي معجبة او تحبين شرار؟

كلت بسرعة وانه رافعة راسي
:لا بس انه توقعت شرار لأن اعمارنة متقاربة وكالو شرار يريد يتزوج بنت عمي ف توقعت لا اكثر