غليان

part.28.

موتني موت النخل وانا على وگوفي ..

لاتنسون التصويت/متابعة الحساب/التعليق بين الفقرات🛑

البارت الجاي اربعاء✨

بسم الله الرحمن الرحيم

قراءة ممتعة 🤍
.........................................

ريتان:اجة جدو وكف على راسي خايف غمضت عيوني دموعي تنزل كعد كدامي ولزم ايدي حيل

الشريان:ها شنو لا تخوفيني

باوعتلة وحضنتة
:م ماكو كانسر جدوووو غدد حميدة

زفر نفس براحة وباس راسي
الشريان:الحمدلله والشكر الف الحمدلله لطفت بهالبنية ربي

كلش ارتاحيت چنت خايفة عندي سرطان واخسر نفسي فوك كل هاي الخسارات الي بحياتي
طلعنة انه وجدي سحبت نفس قوي وزفرتة اباوع للشارع

:اللهم لك الحمد

اول مرا بعد كل هاي الفترة الي حابسة نفسي وخايفة كدرت اتناسى واعيش هاليوم طبيعي جدو اتصل بيهم وكال بس غدد حميدة واخذني فرني البصرة

اخذني لمدينة العاب حسيت نفسي رجعت طفلة وجاي اطير اخذني لمطعم واكلت هواي بيومها ضحكت غنيت بالسيارة سويت كلشي مرتاحة نفسيتي

ردنة نرجع للبيت لأن جدو معزوم بس ماردت ارجع للبيت اصريت على جدو ياخذني لمَيان لأن ماتدري وجاي تنتظر التحاليل

اخذني الها هوَ نزل سلم على الشيخ مهيوب وراح وانه طلعتلي العاملة باوعتلها بأبتسامة وكلت

:مَيان موجودة؟

ردت
مارين:اي موجود تعال هنا

دخلتني للصالة وراحت تصيحها بيتهم هدوء حتى صوت مسك ماكو بقيت اباوع بالأوراق فرحانة وعندي أمل بحياتي القادمة

رفعت عيوني واختفت ابتسامتي من دخل شرار بقيت صافنة مو شرار الي نعرفة ابد الكشاخ چان شعرة مخربط عيونة حمرة وبأيدة 3 جگارات طبگ

نزلت عيوني وكلشي ما حچيت اجة وكف كدامي وكال بعصبية
شرار:شعندچ جاية؟؟؟

انصدمت بكلامة تركت الاوراق وكمت وكفت
:شنو؟

ضحك بستهزاء وبقهر وسحب نفس من جگارتة
شرار:عرفتي فصخت خطوبتي واجيتي