عاندت العقل
گتله الگلوب تريد
ومشيت بكل ثقة
على اطراف سچينك
لاتنسون التصويت/متابعة الحساب/التعليق بين الفقرات🛑
البارت الجاي الثلاثاء✨
اكو تشبيه لـ اُزير بنهاية البارت
نزلتة بدون مراجعة لأن حطلع أي خطأ أملائي غلسو🤦🏻♀️🤍
بسم الله الرحمن الرحيم
قراءة ممتعة 🤍
...........................................
ريتان:حسيت ماكو ناس عيوني بقت عليه وبس احس بنفسي جاي ارجف ودموعي تنزل بدون ما ارمش اسمع صوت بس كلش بعيد والوشة تزيد بأذني
حسيت بنفسي انجريت بقوة من ايدي رجعت لواقعي مصدومة بقيت اتلفت
:وينة وين راح وين
اجاني صوتة خايف
شرار:شبيچ بابا شنو وينة
باوعتلة ارجف وهوَ عيونة تباوعلي بصدمة
:رجع شفتة
شرار:شفتي منو
حسيت بعد مابية اوكف على رجلية ردت اكعد بس سندني
شرار:الله الله ريتان
مشاني وانه اتلفت متأكدة شفتة دخلني بسيارتة شربني ماي
شرار:اهدي انه هنا
حچيت بخوف
:بيدة حربا يريد يذبحني هم
رخت ملامحة حط ايدة على خدي
شرار:اخذتي علاجچ؟
نزلت راسي لزم ايدي
شرار:ايدچ كلش باردة ومبين انتِ تعبانة اخذچ للبيت تنامين وترتاحين ها
ما جاوبتة تنهد مسح دموعي وحرك السيارة انه متأكدة شفتة ما معقول اتخيل غمضت عيوني اشهگ عصر ايدي
شرار:ليش ما اخذتي علاجچ؟
باوعتلة وحچيت من بين دموعي
:نسيتة يمكن انه تخبلت لأن ما اخذت حبوب الهلوسة
شرار:وينة علاجچ؟
أشرتلة يعني بالجنطة هز راسة شوي ووكف كدام مطعم نزل جاب اكل واجة اخذ جنطتي وكال
شرار:اكلي يلا حتى تاخذين علاجچ ومن توصلين للبيت تنامين
:ما اشتهي اكل
YOU ARE READING
غليان
Actionرجلُ يملئ قلبهُ السواد القاتم عَنيد . شَرس . قوي . مُرهب لا رحمة لا عفو في قاموسه هل سَيلين قلبه! هل سَمعتُم بِحجرًُ لَان يومًا! تابعو لتعرفو هل سيبرد الغليان! غليان بقلمي:مها ال عبدالله❤️🔥
