" اللهم صلي وسلم على نبينا محمد "
/مـن طـيب حـظـي جـابـتك .. الاقـدار لـي
ومـن عـرفـتك وانـا احـبـك كـل يـوم اكـثر📻
-
‹‹ الـديـره ››
...بعد اسبوع من الشغل والتعب على ابطالي وحلول عيد الاضـحى عـليهم والـتجيـهزات والزينه وعادات اهالي الديره المعتاده...
....عزام وهو يباشر على العيال شغلهم وينبهم بأي شي غلطو فيه...ونايف وهو مجهز مزرعة ابوه لاجل يذبحون الاضاحي....وسعود وهو ينتظر نادر يجيبله الطراطيع لاجل يعبرون عن فرحهم للعيد...
نادر وهو يحذر العيال:اسمع انت لاطرطعون بعد الفطرون تسمعون...
بدر:وليه طيب؟
نادر:نبي نفاجئهم إنا موب طرطعين عشان يقولون غريبه العيال م طرطعو ونصدمهم..
نوف:خطتك فاشله بس بنمشيها..
نادر:انت قليل حيا احترمني على الاقل اني اكبر منك يتفخ..
نواف:طيب طيب ...
‹‹ بـيـت تـركـي ابـو نـايـف ، بـعـد الـمـغـرب ››
ابو نايف:وينك يالجادل تأخرتي يبوي..
الجادل:يلا يلا جايت..!
ابو نايف:يلا يبوي افطري وجهزي القهوه في المجلس عشان اختس فاطمه وزوجها راجعين ولازم نقهوي النسيب..
الجادل:ابشر.!
نايف وهو يلف على بدر:وين كنت اليوم العصر؟
بدر:كنت عند بيت عمي سلمان.!!
نايف:وليه كنت هناك؟
بدر:رحت اودي الاغراض حقت ملاذ للعنود وقعدت عندها عشان فارس.!
نايف:يحبك لقعدات العنود وفارس...غريبه منتم مطرطعين؟!
بدر بتوتر:مدري مدري عن نادر م قال لنا ..
نايف:الا شاري يوم رجعنا من الرياض..
بدر:مدري انت اسأله..
نايف:وضعك مشكوك فيه..
-
‹‹ الـديـره ، عـنـد الـعـيـال ››
...بعد صلاه العشاء وخروج اهالي الديره من المسجد وابو نايف الي راح للبيته لاجل رجوع بنته فاطمه واحفاده ونادر الي اخذ العيال لوسط الحاره لاجل يشغلون الالعاب الناريه ويفاجئون اهالي الديره الي كانو يحسبون نادر بيسوي عادته المعتاده لكن هالمره صدمهم بأنه ماله حيل وتعبان من الشغل...
نايف وهو يلف على بدر وعلامات التعجب على وجهه:الحين انت مـ قلت نادر مهو مسوي؟
بدر:الا بس هو قال لاتعلمون احد..
نايف:يحليله بيسوي مفاجأه م يدري انها مفاجعه..
بدر بضحك:تكفى يـ نايف هالمره ضحكتني..
عزام وهو جايهم:غريب نادر ذا يقول ماني مطرطع ماني مطرطع..
نايف:لا ابشرك صار يسوي مفاجأت..
بدر:بس طلعت مفاجعات..
عزام:يسمجك يبدر وش الي مفاجعات..لاتحاول تسوي نفسك تذب لانك توك صغير..
بدر وهو لاف على نايف الي كاتم ضحكته:بس نايف قايل كذا بعد انا خذيتها منه..
عزام:اهاا طلع من السماجه من الهبيل الي معه...
‹‹ بـيـت طـرفـه ، عـنـد الـبـنـات ››
نجد بصراخ:طرطعو طرطعو يبنات..
الجادل:غريبه انتي مـ قلتي نادر تعبان من الشغل ومهو مسوي شي..
نجد:الا هو قالي كذا بس واضح انه يلعب علينا..
نوف:شرايكم نطلع..
هناي:صاحيه انتي نطلع..
الجادل:والله فكره خلونا نطلع صدق..
العنود:جتك الثانيه صاحيه انتي بعد كيف نطلع العيال بالحاره ولازم نخلص شغل بيت عمتي طرفه لان بنفطر فيه الصبح تعرفين انتي..
الجادل:طيب عادي يبنت نطلع نشوف من الي مطرطع وندخل مافيها شي..
هناي:بس انتي تعرفين بيت عمتي طرفه بوسط الحاره وقريب من الالعاب الناريه وخوفي يجينا شي خلينا هنا ابرك..
ملاذ:طيب خلونا نطلع الحوش على الاقل نشوف..
نجد:خلاص تم نطلع نشوف ونصور...
-
سبحان الله ، الحمدالله ، الله اكبر ، استغفر الله
أنت تقرأ
احببت حب الجادلي فـ كيف باقي الاحبه يـ عناد📻
Genel Kurguالروايه متوقفه👍🏻👍🏻 رواية سعوديه🇸🇦 الكاتبه:قــصــيــد📻 " عن بنات وعيال الديره والمشاكل الي تحصل بينهم والحزب الي يكونونها العيال على البنات وتوصل لمرحله ثنين يتزوجون بعض لاجل يصححون اخطائهم الي ارتكبوها البنات والعيال وتبدا رحلتهم خارج الديره...
