" اللهم صلي وسلم على نبينا محمد "
/لـو يـدري انـي مـااشـوف .. احـد مـثـله
مـاراح يـتـركـني طـول الـوقـت احـتـريــه..📻
-
‹‹ نـوف ، ســعــود ››
نوف بصراخ على نواف:الحين يوم عمتي طرفه تناديك وتصد عنها ليه يالسلوقي هاه ؟؟
نواف بصدمه:بسم الله انتي كيف جيتي شتبين لحد يشوفك..
نوف:لاتلف ودور علي ينواف الحين انا اسألك ليه تصد
عن عمتي هاه؟ تكلم..
نواف:والله مالي حيل اروح لكم بستانس مع العيال وانتي الا تناشبيني خلاص وخري عني..
نوف:لا والله لتروح معي الحين..
نواف:لا والله ماني رايح..
نوف:منت رايح صح هـ عطني الطراطيع نبيها حنا..
نواف:وش تبون فيها بعدين انتم م تعرفون تولعون فيها..
نوف:نبي نجوم الليل والثوم..!!
نواف:مـ معي شوفي مع نياف هو كريم يعطيك..
نوف:تعترف انك بخيل صح...
نواف:ايه ايه ..
نوف وهي تنادي عـلـى نياف..
نياف:نعم شتبين؟
نوف:نبي نجوم الليل والثوم عمتي طرفها تبي نولع فيها ونستانس..
نياف:م عندي معليش..
نوف:والي في يدك هذي؟؟
نياف برتباك:لا اءء هـ ذ ي لـ فارس..
نوف:انا اختكم عطوني ولا م عليكم مني عشان عمتي طيب تنتظر..
نياف:معليه اسفين..
نوف وهي تصارخ عليهم وراجعه للبنات استوقفها سعود وهو يناديها..!
سعود:تعالي يبنت..
نوف وهي تلف عليه بعصبيه:نعم شتبي؟
سعود بخرعه منها:سمعتك تقولين لنواف نياف تبين العاب ناريه لعمتي ولكم معي انا بعطيكم..
نوف:هذا انت..ماشاءالله عليك كريم بعدين مسوي مهذب وتقول العاب ناريه قل طراطيع وخلصني ولا عشان صرت تدرس بالمدينه صرت زيهم..
سعود بقل حيله منها:يطول لسانك انتي ماله دخل اقدر اقول طراطيع بس انا بكيفي امسكي وخلصيني بس..
نوف بخبث :شكرآ مـ قصرت يالبطل الشهم ياولد المدينه..
سعود بحده:انتبهي لكلامك وبعدين انا مو اي واحد تتكلمين معه ولا انتي متعوده تتكلمين مع الكل كذا..
نوف بعصبيه منه:التزم حدودك ياولد المدينه وهات بس واذلف من قدامي..
سعود:مدري كيف العنود تحبك وانتي كذا طبعك..
نوف:حمدالله تحبني عنودي وبعدين مو محتاجه حب احد اذلف عني بس..!!
جابيتكلم لكن صدته وهي تمشي بدلع للبنات الي جاهلين عن الي صار بينها وبين سعود..
-
‹‹ الـديـره ، طـرفـه و الـبـنـات ››
الجادل:من عطاك؟
نوف كانت بتتكلم لكن سكتت فجأه:م عـطوني نواف ونياف وسرقتها منهم..
طرفه:زين كفو بنتي من حقنا نستانس..
نجد:ايه والله مغير كاتمينا..
ملاذ:بس م معنا ولاعه كيف نولع..
طرفه:انتي يالجادل ارجعي البيت وجيبي الولاعه من المطبخ وحنا بنروح عند برحة الحاره زين..
الجادل:خلاص تم انتم روحو وانا بجيكم..
هناي:م تـبين احد يجي معك المكان طويل..
الجادل: لا م عليك انا بروح وبرجع سريع..
طرفه:زين انتبهي على عمرك..
مشو تاركين الجادل الي توجهت لبيت عمتها..
___________
‹‹ الـجـادل ، بــيـت طـرفـه ››
...بعد مـ دخلت البيت ناسيه باب البيت مفتوح...
انتبه له عناد واستغرب ان باب بيت عمته مفتوح لكنه طنش...بعدها دخل فيه الشك وقرر انه يدخل يشوفه..
...في المطبخ عند الجادل بعد م قررت تاخذ القهوه مع الولاعه لاجل يستانسون هناك ويضحكون..
الجادل :ياربي وين السله شكلها فوق بطلع اخذها..
...عند عناد بعد دق الباب ولا احد رد عليه قرر أنه يدخل لاجل يشوف عمته بخير...عناد بعد م نادا عليها ولا ردت دخل فيه الشك اكثر واكثر وقرر انه يدخل البيت يدورها ويتأكد دخل الغرفه ولا حصل احد ودخل المطبخ واستغرب من القهوه والحلا الي موجوده قدامه وقرر انه يطلع يدور عليها فوق لكن استوقفه نزول الجادل وهي تغني..
الجادل بصراخ : مين انت؟؟
عناد بصدمه منها:انتي الي مين وين عمتي؟
الجادل:في برحة الديره مع البنات..
عناد:وانتي شتسوين هنا لحالس ومخليه باب البيت مفتوح لو احد دخل غيري وش بتسوين احمدي ربس بس
محد دخل غيري..
الجادل بعدم فهم: اهاا معليش نسيته مفتوح اسفه..
عناد انصدم من ردها ولا كان متوقع هرد منها: انتي صاحيه وتقولينها بكل رحابت صدر ولا كن شي صار وطالعه قدامي تسذا ولا انتي متغطيه انتي بنت مين انتي وش هالغباء..!!
-
سبحان الله ، الحمدالله ، الله اكبر ، استغفر الله
أنت تقرأ
احببت حب الجادلي فـ كيف باقي الاحبه يـ عناد📻
Genel Kurguالروايه متوقفه👍🏻👍🏻 رواية سعوديه🇸🇦 الكاتبه:قــصــيــد📻 " عن بنات وعيال الديره والمشاكل الي تحصل بينهم والحزب الي يكونونها العيال على البنات وتوصل لمرحله ثنين يتزوجون بعض لاجل يصححون اخطائهم الي ارتكبوها البنات والعيال وتبدا رحلتهم خارج الديره...
