عشق المهاب

البارت الأول

تائه في متاهة لم تكن يوما لها نهايه حتى نضرت لها لأجد الحلول وجعلت من المستحيل واقع مرير 🖤

__________

مقعمزه نفكر في أحلامي وطموحاتي وقرايتي وبديت نتخيل إني بنسافر لتركيا وبنعيش حياتي كيف مانبي
ااااااخ راسي مبرد امك سنابل كسره في يدك
سنابل تضحك : انشالله قبلي... أكثر إنسانه وهميه انتي هههههههه بجديات نتكلم معاش تفكري في المستقبل خلي كل شيء في وقته حلوه فكري في غدوه شن بيصير فينا
سكتت واني نشوف لبنت خالي لكلامها ميه على ميه صح تنهدت واني تذكرت غدوه : ووك بوك خيره هااذا شنو لغيره نبي نعررف كبدي طابت منه بجديات معاش قادره نتحمل
سنابل بستهزاء: من طمع والسم ليشرب فيه كل يوم وريحته واصله لنهاية شارع أعوذ بلله
عيونه تعبو دموع الله غالب مش بيدي واني نتذكر قبل وين وتوا وين : سنابل
سنابل شافتلي وكأنها حست بيا طول حضنتني وتمسح على ضهري : تذكرتيهم؟
طلعت شهقتي قبل ما نكتمها : هوا اني قدرت ننساهم والله ماطلعو من راسي حتى ثانيه شن تحكي هاااذم  هئ.. سنابل تمنيت نلحقهم ..
سنابل ضربتني بعصبيه وحزن : وربي يا عشق نسمعك تعاودها وربي ماعاد مسامحاتك
طلعت سنابل من دار واني قعدة في مكاني ونشوف للفراغ بعد فتره وقفت ومشيت بإتجاه لمرايه نشوف ونتفكر قبل 6 سنين كنت مقعمزه نستنى فيهم على العشي وكانت عندنا وحده تنضف وتضم في الحوش قعدة نستنى ونستنى لن جتني سعاد تخدم عندنا قتلي بحنيه : عشق بري أرقدي لما يجو أهلك تو نوضك
استغربت من كلمتها نرقد وساعه 9 ونص مزالت؟؟! زاد شك عندي وسكرت راسي بنقعد نستناهم في صاله قعدة مقعمزه بجنبي وحالتها زي حالتي واني حسيت في لحظه قلبي نقبض واحساس كبييير انه اهلي معاش بنشوفهم معرفتش علاش! حطيت يديا على وجهي وبديت نبكي وندعي يكون هالاحساس غلط وندعي وندعي وهيا تواسي فيا وتبكي معاي وطلع للأسف احساسي صح💔 اهلي ماتو بحادث بسبب شاحنه كبيره وماتو في مكانهم مقدروش يسعفوهم ومن هاليوم بديت جسد بلا روح من يوم لدفنوهم بكيت لشهور وقعدة مصدومه ومش مستوعبه لسنين وحوايجهم هما لصبروني ولو شوي على فراقهم واني كل ليله نشم في بقايا ريحتهم وبعد ما كبرت طلعت صوراهم وكل ليله نهدرز معاهم كأنهم قدامي لانه فعلا ماعندي حد غيرهم💔 لاعندي سند ولا عندي اخ ولا اخت بروحي في هالدنيا وعمامي ماعمري شفتهم لانه بابا متعارك معاهم ولا يوم جابو سيرتهم قدامي وعندي خال واحد وطبعا سكار وفاسد وطماع كل صفات سيئه فيه رغم قبل كان صح مينطاق لاكن ميشربش، عشت معاهم وكل يوم خالي يحسس فيا اني عله على قلبه لاكن حمدت ربي وقلت عالمهم في حد قدر يستقبلني في حوشه ومقعدتش في شارع طبعا اني مننندري على شيء ورث اهلي وحوش اهلي كله منحياته من بالي بسبب صغر سني وخوالي من قبل حالتهم الماديه منتهيه وبابا حالته من قبل كويسه وديما يصرف على خالي ويعاون فيه ويعطي فيه مصروف كل يوم هاذا كله على خاطر عيون ماما 💔
مره جيت سألت ماما وقتلها :علاش سميتوني عشق؟! اسمي غريب وحتى البنات ديما يقولولي اول مره نسمعك ببنت ليبيه اسمها هكي وكل يوم يضحكو ويقولو اسمك قليل ادب ههه روحت فاصله لأمي وسألتها لاكن جوابها كان حلو لدرجة بديت نحب اسمي أكثر واكثر قالت وهيا مبتسمه بحنيه وعيونها يلمعو بحب: بنتي اني وبوك حبينا بعض 12 سنه وكانت سنين تمر وبوك يقول نبي نخطبك وتكوني حلالي ومش عارف شني عالمهم مره سألت جدتك الله يرحمها قتلي انتي صغيره ومزال كملي قرايتك واني نقنع بوك يلي هوا جدك ومرة سنين وتخرجت وبوك كل يوم يجبلي هديه وكل يوم يوقف على باب حوشنا يستنا فيا أمتا نطلع للكليه وكل يوم يفطر فيا هوا وميخليش فيا ناخذ من أهلي ولا قرش وبذات في الكليه ومرت الاشهر وجدك توفى بعدها لحقاته جدتك الله يرحمها تعبت نفسيتي وقعدت حزنانه سنتين وبوك مسكين كل يوم يتصل بيا ويواسي فيا وجي اليوم لي قال بنكلم اهلي عليك وكلمهم لاكن صارت عركه كبيره وأهله قالوله لو تزوجتها نتبرو منك ليوم دين
سألت بحيره: علاش وانتي شن ناقصك ماما وربي حتى صحباتي يقولو امك تقول علاها تركيه علاش ميحبوكش
تنهدت وخذت كرسي قعمزت بجنبي وقالت بجديه: اهلي وأهل بوك بينهم عداوة وكان بوك ميعرفش انه اني بنت العيله لأهله يكرهوها لدم
استغربت : علاش شنو سببها
قرصت خشمي بحنيه: مش ضروري تعرفي عالمهم خنكملك .. ويا بنتي بوك سكر راسه وقال اختارو يا نتزوجها يا نطلع من القبيله كلها وأهله نصدمو وحتى اني نصدمت من بوك ومتوقعتش يحبني لهدرجه
حكيت شعري مستغربه : ماما بشوي عليا !! شن معنى قبيله وبابا علاش يخير فيهم بينهم لمش عاجبه طز فيه
ضربت على راسي بشويه: يا غبيه لسانك هكي طوله بلا فايده وعيب لالفاظ هاذي ماما مهما يكون هاذم اهل بوك
عشق بتوتر: هيا ماما كملي الله غالب عليا
تنهدت كملت وهيا تغسل في صحون :قبيله يعني تجمع سكني في منطقه وحده ويترأسهم شخص واحد أو مجموعه من رجال كبار يتميزو بالحكمه والعدل 
شفتلها وقعدت ساكته بعدين ضحكت بتوتر: ماما مفهمتش خلينا على موضوعك انتي وبابا احسن
ضحكت امي : وربي ماليك حل ..  عالمهم بوك قرر انه ينفصل على اهله وناسه واحبابه على خاطر امك
ابتسمت بخبث: باهي وامي شن دارت على خاطر بابا
شافتلها بتوتر ورفعت حاجبها: قنعت أهلها حتى تتزوجه شن تبي أكثر من هكي
ضحكت بشماته: وربي بابا طلع احسن منك شفتي شن دار تهجر على عيلته ومنطقته على خاطرك وربي بابا حبيبي مهناش زيه لو لفيت دنيا كلها خلاص اقتنعت
على فكره بابا دار المستحيل على خاطرك وانتي هههههه ولا شيء
حطت امي يداها على خدها وضحكت بستهزاء: تو نشوفوك انتي شن بديري في المستقبل
ضحكت ورفعت كتافي: فرخ البط عوام اكيد حندير زيك
ضحكت اني وامي وكملت قصتها واني نتأمل في ملامحها وكيف عيونها تلمع لما تذكر بابا وتسترجع في ذكرياته وقصتهم الاسطوريه بنسبه ليا عالمهم كملت ماما بكل حنيه: وبعدها بدي يخدم ويكون روحه حتى مينقص عليا شيء وقعدنا نستنو حتى انتي تنوري علينا حياتنا وأول ما جيتي على دنيا بوك قرر يسميك عشق قال ثمرة حبي وتعبي لسنين حتى تكوني ليا
عيوني دمعو واني نسمع في حب أهلي : ياربي بابا محلاه وربي كاان في راجل زي بابا لما نتزوجه لاكن للأسف بابا قطعه وحده نادره مهناش منها
امي وقفت تحرك في طنجرة وضحكت: وشن بديري كان ملقيتيش حد زي بوك بتعنزي؟؟
حطيت رجل على رجل وناكل في تفاحه وقلت بغرور: ايه وليش لا ! .. بنمشي نعيش حياتي ونقراء ونسافر ونبي ندهور ونمشي لتركيا حي راااني نحبها مامااا هلبااا نم🖤
حقا بابا أمتا بيروح !!؟والله لما نقله يرفعنا مدخليش فيكم
حذفتني بالمنشف: نوضي من بحدايا نوضي بوك مسكين يخدم وهموم فوق راسه وهيا بتزيد همه بري اقري وسافري بروحك طريق قدامك
تأففت : ااااف ....  ماما بنسألك؟
حطت سحون على طاوله : خيرك
عشق تشوف لامها: علاش نمشو لخوالي وعمامي لا !
وقفت امي تنهدت وقعمزت بجنبي بجديه: عشق معاش تسألي هلبا نوضي أغسلي يديك وتعالي تغدي
سكتت لما شفت امي وجها اصفر وبدت عصبيه
رجعت بذاكتري على صوت مرت خالي تعيط مسحت وجهي ودموعي نزلو: يااربي نبي أهلي نبيهم هئ
طلعت من دار ونسمع في عياطهم كالعاده خالي مروح سكران ويضرب في مرته وليقرب منه بيضربه وكم مره يضرب فيا حتى اني لاكن بديت كل ما نشوفه نهرب لداري اني وسنابل ونقعمز نبكي لن نرقد سكرت دار ومشيت لسرير طلعت صورت ماما وبابا وقعدت نشكيلهم كأنهم قدامي حسيت روحي نعست  دسيت صوراهم تحت لمخده ورقدت 💤