عشق المهاب

البارت الثالث

قال لها : هل الحب إجبار؟
فقالت بكل إخلاص: بل هو إختيار
___♡__♡___
فسألها مرة أخرى:هل للحب حياة؟
فقالت بكل سلام: بل هو الحياة بأكملها

___للكاتبه " رينو ريتا"____

عشق
حسيت بصوت المنبه يرن طفيته ورجعت رقدت بعد تقريبا 10د فتحت عيوني مخلوعه نضت بسرعه وأني نوض في سنابل بقوه ونعيط واني نجري وما ندري: حيييي سنابل ووقت الإمتحاااان بيبدااااء بعد شوويه يحليلي مرااجعتش سناااابل ياااكلبه راااهو كيمياء أول يوووم يحماااار نوووضي
ناضت سنابل وهيا مش مستوعبه شيء كأنها فقدت ذاكره وأول ما سمعت كيمياء ناضت زيني تجري للحمام غسلنا فيسع فيسع وكل وحده شدت كتاب وعين تقرى وعين على ساعه نفتح الباب بقوه ودخلت مرت خالي وجها أصفر ولما شافتنا نقرو رجع دم لوجها : ووه نخلعت نحسابكم قعدات راقدات نهاركم الأحرف ساعه 7ونص والامتحان يبدأ 8 تمام نوضو ألبسو وقت
توترت وأني نشوف للوقت ونشوف للكتاب حذفته وبديت نبكي: يحليلي مكملتش مش حنجاوب اني عارفه هئ يااربي ساعدني يحليلي خاايفه
جتني سنابل تمسح في دموعي وحتى هيا تبي حد من يمسح دموعها نحت مرت خالي لكتابات من يدينا ودخلتنا للحمام بعصبيه: توضي إنتي وياها
سمعنا كلامها توضينا وطلعنا عطتنا عبايات لصلاة قالت بجديه : رسول الله قال: إنَّ اللهَ يقولُ: أنا عِنْدَ ظَنِّ عَبْدِي بي وأنا معهُ إذا دَعانِي).[٤] المعنى واضح وضوح شمس توكلو على ربي وخلي إيمانكم بربي قوي والباقي كله محلول بإذن الله توا نوضو صلو
سمعنا كلامها وصلينا وهيا فوق روسنا وبعدها عطتنا قرآن وقالت : أقرو سورة شرح تريح وماتخليش أي توتر وبعدها أقرو سورة الأنعام لتوفيق في الإمتحان
شفت لمرت خالي وفي كلامها لبيث طمأنينه أصلا حتى وجها يريح نفس وربي حرام فيه خالي كل هالنعمه وربي حراام تستاهل واحد يقدرها ويصونها ويحطها على كفوف راحه لاكن الله غالب نصيبات والحمدالله خلاها في طريقي 🤍كملنا قراية القرآن ونضنا ومرت خالي كل دقيقه تنق فوق روسنا : توكلو على الله وديما خليكم إيجابين وألبسو توا لأنه معاش في وقت
طلعنا عباياتنا متع العيد نازكات وبسيطات وكل وحده بكندرتها وشاحها ديما البساطه تفوز صدقوني 🤍
بوسناها وهيا تدعي ورانا طلعنا مشي لأنها المدرسه قريبه من الحوش وأصلا حتى لو بعيده مافيش حد بيرفعنا نمشو وعيونا في كتباتنا وكل وحده تسمع على ثانيه بعد دقايق وقفنا قدام المدرسه متوترات شدينا في يدين بعضنا وسمينا بسم الله دخلنا وإلقيناهم بيدخلو وتفتيش وصوت دوشه وصوت سيارات شرطه طبعا كأي إمتحان وبذات أول يوم لأخذ الإحتياطات دخلنا وندور في أسامينا والحظ الزفت أني في فصل وهيا في فصل ودعنا بعض وكل وحده دخلت لامتحان وطبعا نوعيتي أني هاديه وبعيده لاكن لو حد بيضحكلي نفرغله شكاره كلها هههه منو زيني ؟!
عالمهم جت ورقت الإمتحان وأني متوتره ورجلي تهز بروحها وهاذي عاده من عاداتي سيئه
هوا شيء طبيعي اني نتوتر لاكن أول ماشفت للورقه مش توترت لا طرت مره وحده ههه
_________