بنوضح نقطه بسيطه قبل مانبداء ونبيك تقراء روايه مش غرض ترفيه وبس !؟ لا نبيك حتى تاخذ العبره والعضه منها حتى ولو كانت أحكامها بسيطه ❤
ياحلوه البنت أحلا شيء فاها كبريائها وثقتها بنفسها وابتسامتها طيبه وتكون قد كلمتها وزينه في تصرفاتها مش كل شيء جمال لا بالعكس مافيش بنت مش حلوه لا !!!كل بنات حواء جميلات وكل بنت عندها ميزه تخليها أجمل من غيرها ❤
والبنت ضروري او نقولو من لازم تكون قويه في أصعب المواقف حتى المجتمع في حد ذاته يعطيها حقها بين ناس نبي كل بنت تبني نفسها وترسم طريقها وتتحقق حلمها حتى لو كان صعب صدقوني مافيش شيء سهل لاكن بالإجتهاد كله يبداء مافيش من أسهل منه وانشالله ربي يحقق مراد كل بنيه ❤
_____
عشق
نصدمت ومن الخوف مش قاادره نتحرك واني نشوف في 15 كلب قدامي وخنزيدكم من شعر بيت اني عندي فوبيا رهيبه من لكلاب قعدة متجمده وعيوني تنتقل من كلب لي كلب وكل واحد منضره مرعب أكثر من ثاني اني نبي نجري ونجري لاكن رجليا مش قادره نحركهم شعور صعب انتي تبي حاجه وهيا قدامك لاكن انتي متقدريش توصليلها 💔 شهقات تطلع من غير دموع وشيء هاذا خلى لكلاب تتقرب مني ومخلابهم الحاده والمقرفه على العشب ينسمع صوتهم عيوني بدو يوجعو فياا و لساني يلهث بذكر الله حسيت بواحد من لكلاب لونه اسود وعيونه يلمعو وهوا يقرب مني بديت نبيكي وحالتي مانتمناها لعدوي طحت على المعشب والمشكله شارع فاضي ومهناش غير صوت لكلاب تنبح تمنيت نموت موته ثانيه مش نموت واني نشوف في لكلاب كيف تاكل فياا نبي نعيط أكثر واكثر لاكن صوتي مباش يطلع من صدمه وجسمي تكمش مع بعضه من الخوف غمضت عيوني بسرعه واني نشوف في الكلب الاسدو بينقز عليا وعرفت انها هاذي نهايتي وبنموت على يدين أكثر الحيوانات لنموت منها وفي لحضه سمعت طلقه مسدس خلت وذني تصفر معاش قدرت نسمع وراسي يسطر بقوه حطيت يديا على وذاني من الوجع لحسيته رفعت عينوني واني نشوف في لكلاب هربت والكلب الأسود مقتول بطلقه في راسه وعيونه صفر فاتحهم بقوه عليه وشيء هاذا يكفي يخليني نعيط عيطة ليبيا كلها سمعتها جسمي بدي يرعش مع بعضه واحبالي صوتيه نحسها بتتقطع واني مستمره في لعياط لن حسيت بيد سكرتلي فمي يعني اي وحده في مكاني يا تنجلط يا دوخ يا تموت واحد منهم !!!!
جسمي يختض كأنه قلبي بيوقف لدرجة مقدرتش نتحكم فيه سمعت صوت قبل ساعه تقريبا كنت نسمع فيه وهاذا لخلاني نهدى بمقدار شعره قال بهدوء: خلاص مصار شيء أسكتي
هزيت راسي بسرعه وكل همي يبعد عليا حتى نهرب ومعاد طالعه برا الحوش بعد يده تدريجيا واني نزحف حتى نبعد من وراه وهوا كأنه حس وقف واني مش قادره نرفع راسي ونبي نوقف لاكن مش قادره بديت نبكي بلا صوت وهوا نسمع فيه ينفخ وطايرتله واني زدت نبكي وشهقاتي تطلع وحده ورا ثاني قال بصوت حاد: علااش تبكي
تقول عليه قالي زيدي إبكي قعمز قدامي وقال بهدوء : خلاص اسكتي وين حوشك واني نوصلك
هزيت راسي وتوا كيف ستوعبت انه اني مقعمز قدامي واحد لا نعرفه ولا يعرفني وقفت واني نحس بعظامي يطقطقو قلت بصوت متجرح: ششش شكرا ببب بب بارك ااالله ف في فيك
مشيت قبل مانسمع رده وكل خطوه نتلفت خايفه لكلاب يرجعو وقعدة نشوف يمين ويسار وكل همي نرجع لسريري ونرقد بس !!! والله مانبي حاجه والله💔 كملت خطواتي بسرعه واني نشوف في حوش خالي قدامي فرحت واني مسمعتش صوت خطواته ورايا وكانت هاذي واحد من الغلطات لخلت حياتي تتحول للجحيم 💔 والفرحه بأني حيه نستني كل شيء وخلتني نجري وقفت قدام الباب ونطق بسرعه والخوف قعد يدب في عضامي يدي رفعتهم ونخبط بكل قوتي ونعيط : خالتي سهيله ياااا خااالتي سهيله أفتحي بللهي عليك أفتحي
فتحت بخوف وجها أصفر أكثر من وجهي : عشششق!؟
هزيت راسي بسرعه ونبكي ودخلت في حضنها ونشكي: نحساااب روحي بنموت ورربي نحسااب روحي بنموت خفتت ووو هما هلباااا هكي واني واني مقدرتش نتحرك نتحرك بكل من الخوف هئ ووو
سهيله بحنيه وتبكي على بكاء عشق : خلاص بنيتي حبيبتي انتي خلاص اشش مصار شيء تعالي اشربي ميه واهدي وصلي ضهر وهدرزيلي شن صار معاك لانه سنابل والبنوت لمعاك قعدو يدورو عليك خنكلمهم بانك رجعتي وانتي استريحي شوي تمام
هزيت راسي ودخلت للكوجينه ومفهمتش يدي اليمنى ترعش بروحها لدرجة خفت حتى نبي نشد طاسه لاكن طاحت نكسرت جت مرت خالي مخلوعه : عشق
شفتلها بخوف ويدي ترف بسرعه : خالتي يدي يدي يدي
جت مرت خالي سهيله وعيونها من الخوف فاتحتهم على كبرهم رفعتني لدار وغسلت وجهي ورقبتي غيرتلي حوايجي وقعمزتني على سرير وطبعا هاذا كله وهيا ماتعرفش شن صار معايا لاكن حالتي خلتها تعرف انه في حاجه قويه خلتني هكي حطيت راسي على لمخده ويد مرت خالي على شعري تمسح عليه بحنيه فاقدتها💔 وتقرى في رقيه وآيات ومعوذات لن خذاني نوم ومعاش نندري على شيء
__________
أنت تقرأ
عشق المهاب
Romanceروايه ليبيه بلهجه الغرباويه 🤍 إبتسمت وركضت باحثه عن العشق الذي في إسمي فتوقفت وانا أرى ضلام العشق يجذبني وقعت فيه دون أن أدري وانا كنت ناويه النور الذي في مخيلتي فإني نضرت لي يدٍ تمتد لي وقال: إنني المهاب لضلام فبكيت خائفه ازحف لنور وعندما وصلت...
