عشق المهاب

البارت الخامس

لا تجعَلها تخَاف مِنكَ بل إجعَلها حِين تخَاف تأتي إليكَ.

________
عشق
تخفيت وراى الحيط حتى نقدر نسمع ونشوف بوضوح لاكن يا ريت هالعين ماشافت ولا هالوذن سمعت 💔 خليت أنضاري على خالي لكان يطوطح واضح عليه سكران ومش شيء جديد لاكن لخلاني نستغرب وننصدم لما خذت منه مرت خالي كيسه سوده كبيره وفتحتها وحطتها على صالون وعلامات صدمه على وجها زادت لما فرغت الكيسه وطلعت ربطات فلوس يعني هلبااا مش شوي بالآلاف مبلغ كبير وااضح لدرجه اول مره نشوف فلوس بهشكل واني بهالعمر حطيت يدي على فمي ندس في شهقتي قبل ماتطلع وتفضحني وقفت مرت خالي وتخض فيه وتعيط بصوت مبحوح حتى منسمعوش: منيين لقييييتهم منين خنبتهمممم الله لا تربحك دنيا واخره منينننننن لقيتهم تكللللللم منين هاذم لو خدمت عمرك كله مستحيل طلع ربعهم تكلللللم منيننننن
رفع يده على عيونه الحمر وهوا مش قادر يفتحهم: تتت تو ننن نق نقولك لااا كن جج ج جيبيلي قق قهوه نص نحصح
مرت خالي تخبط على ركابها ودموعها مدايره طريق على خدها وهيا تتحسب: حسبي الله فيك حسبي الله فيك اني عارفه سكوتك الفتره الاخيره عرررفته وراه مصيبه الله لا تربحك
دخلت الكوجينه وهيا تتحسب دارتله قهوه ويداها يرعشو شربها وخذي شيشة لميه لكانت على طاوله بزعها على وجها المطروده منه رحمة ربي قال بعد ما صحصح شويه: من بعد ما ماتت اختي وراجلها عيالها خلو البنت عندنا لاكن بشروط وطبعا مفهمتش مصلحتهم بإنهم يخلو بنت ولدهم عندنا
تلفتت مرت خالي بإتجاه ديارنا والخوف يدب في عضامها واني دخلت راسي حتى متشوفنيش رجعت عيوني عليهم ومرت خالي تخبط على افخاذها وجها احمر من العصبيه والخوف : إنت شن تقوول ؟؟ شروووط شني ؟؟ وعلاش مقتليش ؟؟
سكتت شويه وكأنها توا استوعبت وفتحت عيونها بصدمه: ماتقولش ا..
هز راسه وارتسمت علامات الخبث على وجها الاسمر : صحه ليك واحد من شروط إنهم يصرفو على بنت ولدهم وكل اسبوع يبعتو مبلغ على كيف كيفك ههههه وطبعا اني لقطتهم في كيسه نصهم حطيتهم في مشروع وانشالله ينجح ونفتكو من هالفقر ونص ثاني قدامك ههههه شفتي كيف نفكر تحملت كل شيء والحمدالله ربي جازا تعبي ههههههه
مرت خالي فاتح فمها على كبره وجسمها يرعش مع بعضه وقفت قدامه وتخبش في خدودها: إنت شن تقوووول؟؟؟؟؟ وصلت بيك لهدرجة!!!!! لهدرجه ياااامحمود لهدرجه تخلي البنت عندنا سنين حتى حوايج معندهاش ومعيشينها في فقر وانت تااكل في حقها كل يووم ؟! إنت بني أدام ؟ إنت تخااف ربي ؟؟ إنت مسلم ولا كاافر ؟؟ البنت يتيمه ربي وصى على اليتامى فأما اليتيمى فلا تقهر 💔وانت لاهي تاكل في حقها وتضرب ومدايرها تقول شغاله وفوقها ترفع فيهم لمكب كنااااسه يلقطو في الحديد وهيااااااا عندها خيراات الله وانت نازل تترس على هاليتيمه ؟؟؟؟ اصلا البنت وين حوش أهلها وين معاشاتهم اني لا سألت ولا دورت قلت بالك اهل بوها خذوهم ولا اي شيء لاكن اليوم تأكدة انك انت لتاكل وتخنب وربي ماك رااجل ولا تجي من فصيلة ذكور لك انت شنووو هاه شنوووو لفلوس ويين يمشووووو وين معيشنا في فقر سنينننن وانت لاهي تشفط في الفلووووس حتى خبزه في الحوش مهنااش ؟؟؟؟
وقف وضربها بوكس على وجها طاحت وعيطت وخشمها ينزف دم وقف بجنبها بعصبيه: رااااااجل وغصباااااااا عنك يااا*** نصرفهم كيف مااانبي انتي احمدي ربك ترقدي وفوقك سطح يااااقح**
وقفت قدامه وهيا متعوده على ضرب لدرجه مسحت دم وضحكت بوجع مش حيحسه إلا لمجربه: قولها احمدي ربك محذفتكش في شارع قولها!!!! ياااا خساره ياااا خسارة عمري لضيعته معااك يخسااره تي انت لإحمد ربك رضيت بيك عقاب واحد سكاار انت واحد نجس من صبع رجلك لفروة شعرك كلك نجااسه لا وفوقها ياكل في حق يتيمه لاحول ولا قوه لي وين تبي توصل بكفرك ونذالتك قووول لي وين ؟؟؟
رفع رجله وضربها على بطنها مره واثنين لدرجه طلع دم من فمها قال وعيونه بيطلعو ومنضر يدل على انه شيطان مش إنسان: انتي فمك تخيطيه زي قبل عقاب وحده عاهره جايه تعطي في رأيها متخلينيش اليوم نطلع شياطيني ونضربك ضرب نخلي دمك بطولك تسمعي لي بنقوله زي العبده خير ما تعرفي شن نديرلك
ضحكت وشاده قلبها داهشه: ايه طلع رجولتك علياا هاذا لفالح فيه تقعد طول عمرك واحد حقير ونذل تسترجل على أضعف المخلوقات لخلقها ربي تعرف ليا سنين نتمنى نقولك هالكلام ويشهد علياا ربي يا محمود لو يرجع بيا الوقت حتى عيوني نعميهم ولا نشوف خليقتك الماصخه انت كان راجل راك طلقتني من زمان ههه لاكن باش تعرف منهيا بتقبل بواحد سكار واكله الفقر وفوقه مداير روحه شخصيه وهوا مكانه مكان زباله
وفي لحضه رفع فازه كبيره محفره من كل جيها وحذفها على راسها ودم تنطر على الحيط وطاحت أكثر إنسانه نقيه واكثر انسانه طيبه واكثر انسانه نور يشع من وجها واكثر انسانه صابره واكثر انسانه رغم القهر والفقر والذل لعشاته كانت صابره ومتحمله وتبتسم بطيبه وحنيه ماتت هالانسانه وأخيرا استريحت من جلادها لاكن ماتت على ايده💔
#علمتني_آية..