صدفة ام قدر (العشق الخماسي)

البارت الحادي عشر

"فـِ جُمله مُريحه جداً افتڪرها دايماً ومتيأسش.
لن ينساڪ الله ، ان الله لا ينسى قلباً لجأ إليه ."". "" __

____________________________

البارت 11 (حسن)

بالاعلى كان ينزل الدرج من شقتهم متجه للاسفل وجد احمد يخرج من شقتهم هو الاخر.

نظر له احمد وقال مردفاً :

"يلا عشان الكل قاعد تحت."

اشار بيده لشقة عمه وقال :

"طيب اقفل نور الشقة طالما مفيش حد."

رد عليه مبرراً :

"مفيش غير عمر جوا في الحمام بياخد دوش ومينفعش اطفي النور كله انت عارف عمر مش بيخاف غير من حاجتين ادهم والعفاريت."

ابتسم سليم لكن اخفاها سريعاً وقال :

"ممكن تسبقني انت يا احمد وانا هحصلك."

اومأ له موافقاً وقال :

"تمام بس متتأخرش."

نزل احمد للاسفل وسليم دلف الى الشقة وقام برفع سِكينة الكهرباء عن الشقة.

عند عمر في المرحاض كان يغني وهو مغمغض العينين:

"صفر ال 100 الحالة ضانك ،صحابي فاكريني مدير بنك، قررت اني افضي التنك واثور فيكوا ،قلبي مات واخدت عزاه."

لم يكمل الغناء عندما سمع صوت غريب يقول :

"البقاء لله."

فتح عمر عينيه بسرعة لكن لم يرى شيء بسبب انقطاع الكهرباء فقال بخوف :

"من هناك؟ ماذا تريد؟"

*عمر يتحدث بالفصحي عند الخوف وعندما يريد استفزاز سليم *

سليم وهو يستخدم مكبر الصوت الذي يقوم بتغيير الاصوات :

"لأ اتكلم عدل ومتعجوش لسانك ده يا ابن ريهام."

كان يحاول التحرك حتى يجد الباب وقال في نفس الوقت :

"انت مين وعرفت اسم امي ازاي ؟"

رد عليه وهو يغلظ من نبرة صوته عن طريق مكبر الصوت :

"انا شهبور ابن بهبور ملك الجان."

"بربور مين؟"

رد عليه سليم بحنق وسخرية:

"بربور مين الله يقرفك ،اسمي شهبور ابن بهبور ملك الجان"