انا الحمدلله خلصت امتحانات على خير و اول حاجة عملتها اني اكتب البارت ده انا عارفة ان فترة غيابي كانت طويلة شوية بس ده غصب عني والله وبعتذر لناس اللي مضايقة وبشكر الناس اللي انتظرت وما مسحتش القصة، قبل ما تقرأ البارت ممكن تقرأ اخر بارتين عشان تفتكر الاحداث و لو مجمع تمام اقرأ على طول ويارب البارت يعجبكم بعد فترة الغياب دي كلها و لو ماعجبكمش هحاول احسن من نفسي ان شاء الله ♥️
يلا صلي على حبيبك قبل ما تبدئي.
_____________________
البارت 31 (الثانوية العام)
عاد من عمله وفتح باب المنزل ورأى والدته تجلس على الاريكة تشاهد التلفاز ،ركض نحوها بلهفة مرددًا بأعتذار :
"معلش اتأخرت النهاردة في الشغل انا عارف ان اكيد زين دوشكِ ، و تعبكِ "
"طب خد نفسك الاول "
عقبت على حديثه ببسمة هادئة ثم تابعت حديثها بمغزى :
"بس مش زين هو اللي تعبني "
جلس اسر بجانب والدته وتنهد برفق وهو يعلم جيدًا ما تريده والدته قوله لكنه تصنع الجهل عند سؤالها :
" امال مين اللي هيكون تعبكِ ،اوعى يكون عم عبده البقال ؟!"
تنهدت بقلة حيلة فهي تعلم وليدها جيدًا ،لذلك قررت الدخول في صلب الموضوع مباشرةً :
" اسر ،انا مش عجبني حالك و انت كده ،يابني انت مش عايش حياتك او بمعنى اقرب انت مش عارف تعيش حياتك ،انت مش عارف تاخد بالك من زين وحتى لما تكون عايز تخرج او عارف انك هتتأخر في الشغل بتجيبه عندي هنا وصدقني ده مش حل ،اسر انت و زين محتاجين حد ياخد باله منك ومن زين و..."
وقبل ان تكمل حديثها قاطعها اسر بحذم وتأفف من الحديث بأكمله :
"ماما بعد اذنك لو حضرتك مش عايزاني اجيب زين عندك تاني قولي وانا متقبل ده ،بس بلاش تجيبي حجج تانية ملهاش لازمة"
اتسعت عينيها بذهول أ هذا ما وصل له من حديثها :
"حجج؟!! انا بتحجج يا اسر ربنا يسامحك ،ده ربنا وحده اللي يعلم اني بفرح اد ايه لما تجيب زين يقعد معايا ،ده انا بتحايل عليك عشان تيجي تعيش معايا انت و زين بدل ما انا عايشة لوحدي وانت مش بترضى وعشان خايفة عليك وعلى ابنك تقولي بتحجج"
اقترب منها اكثر وضمها إليه بذراعه متحدثًا بأعتذار :
"حقك عليَ ،انا مقصدش ،بس ممكن نأجل اي نقاش دلوقت عشان انا فعلًا جاي تعبان من المستشفى "
"ناهد كلمتني النهاردة يا اسر"
القت قنبـ.لتها دون تمهيد لتنكمش ملامح اسر متعجبًا :
أنت تقرأ
صدفة ام قدر (العشق الخماسي)
Misterio / Suspensoيوجد بعض الصدف تجعلك سعيد ،واخري تجعلك حزين وصدف تفتح لك طريق لبداية جديدة لكي تعيش قصة انت بطلها ،ولكن قد يكون للقدر رأياً اخر. فـ هل انت عزيزي تؤمن بالصدف؟!
