Wings of Love ❤ | TK | ✔️

දසවැනි දිගහැරුම 🐅

වෙච්ච හැමදේම සිද්ද වෙලා මාස හතරකට ආසන්න කාලයක් ගතවෙලා. හෝසොක් හියුන් වගේම මම ජන්කුක් එක්ක විතරක් නෙවෙයි ජිමින් එක්ක පවා තිබ්බ හැම සම්බන්දයක් ම නවත්තලා දැම්මා. කොටින්ම කිව්වොත් ජිමින් අරන් දුන්න සිම් එක පවා අයින් කරපු මම මෙහෙදි අලුත් සිම් එකක් ගත්තා . ජිමින් පවා මමයි හෝසොක් හියුනුයි බදුල්ලෙ ඉන්නවා කියන එක හැරුනු කොට වෙන දෙයක් නොදැන ඉන්න තැනට අපි හැංගුනා.  ඒ වගේම හෝසොක් හියුන් මාව එයා වැඩ කරපු තැනම වේකන්සි එකකට දාගත්ත . මුල් දවස් වල අමාරු උනත් මාසයක් දෙකක් යද්දි මගේ වැඩවල පිලිවෙල නිසාම මට ටිකක් ඉහල තනතුරකට එන්න පුලුවන් උනා. කාලය ගෙව්නෙ ඔය විදියට උනත් මට ජන්කුක් ව මතක් නොවුන දවසක් නැති උනා. මම ගත්ත තීරනේට හේතු වෙච්ච සිද්දියෙ සමහර තැන් නොගැලපෙන බව මට වගේම හෝසොක් හියුන්ටත් තේරුනත් අපි දෙන්නම ඒක පිලිගන්න අදිමදි කලා. හැම දේමත් එක්ක කාලය ගත වෙලා යද්දි තව දුරටත් අම්මාව මගහැරල ඉන්න මට බැරි උනා. ඒ අම්මා හොස්පිටල් කියන ආරංචිය . මට යන්න පුලුවන් කමක් නැති වෙද්දි අන්තිමේ ගෙදරට කෝල් කරන්න මම තීරනේ කලා.

හෙලෝ

හෙලෝ

මිසිස් කිම් ඉන්නවද

නෝන නම් නෑනේ

එහෙමද . ගෙදර කව්රුත් ම නැද්ද

මේ වෙලාවෙ නම් නෑ . ආ පොඩ්ඩක් ඉන්න .

.
.
.
.
හෙලෝ

..................

ඒ කටහඩට , මාස ගානකට පස්සෙ මම ආයෙමත් ඒ කටහඩ ඇහුවා. එයා ඉන්නෙ අපේ ගෙදර . ඇයි ඒ. අම්මට ගොඩක් අමාරුද. ජීවිතේ කවදාවත් හිතපු නැති දේවල් පවා මට මතක් උනා.
මට ආයෙමත් කතා කරන්න ඕන උනත් මට බයයි. කිසිම නරක දෙයක් වෙන්න එපා කියක ප්‍රාර්ථනා කරන එක හැර මට කරන්න දෙයක් නෑ .

______________________________________

තවත් කාලය ගත වෙද්දි මම ගෙදරින් ඈත් වෙලා මාස හයකට කිට්ටු උනා. එදායින් පස්සෙ මම ආයෙමත් ගෙදරට කෝල් නොකර කැම්පස් එකේ යාලුවෙක්ගෙ මාර්ගෙන් ගෙදර අය ගැන විස්තර හොයාගත්තා. ඒත් මං නැති කාලෙ ගොඩක් දේවල් උනා කියල කිව්ව මිසක් උනේ මොනාද කියල මට දැන ගන්න බැරි උනා.
අදත් වෙනද වගේම දවසක් වෙනකොට මමයි හෝසොක් හියුනුයි ඕෆ් උනේ රෑ දහයට. ටවුන් එකේ ඉදල අපි දෙන්නම පයින්ම එන්න ආවෙ ෆුඩ්සිටි එක ලග තිබුන කඩල කරත්තෙකින් කඩල මල්ලකුත් අරගෙන කන ගමන්. මේ වෙලාවට පයින් කියෝ කියෝ පාර දිගේ එන එක ඇත්තටම හරි ලස්සන අත්දැකීමක්. මම මුලින්ම එහෙම ආවෙ දවසක් මුතියංගනේ පන්සල් ගිහින් හියුන්ගෙ යාලුවො එක්ක. එදා අපි පිස්සො වගේ පාර පුරාම කැගගහ ආවේ. එදා ඉදල ඒ පුරුද්දට මම මාර විදියට ආස කලා.

ටේ බබා ඔයාට හිතෙන්නෙ නැද්ද කව්රුහරි අපිව ෆලෝ කරනව කියල.

ඇයි හියුන්

හ්ම්හ් . නිකන් .

ඇයි හියුන් එහෙම කිව්වෙ .

නෑ අර කලු පාට ඩිෆෙන්ඩර් එක මං දැන් දවස් දෙක තුනක්ම දැක්කා අපි එන වෙලාවටම ටවුන් එකේ ඉදල මේ පැත්තට එනවා.

එහෙමද

හ්ම්.

මම නොදැක්කත් හෝසොක් හියුන් මේ දවස් ටිකේම රෑට අපි එද්දි කලු පාට ඩිෆෙන්ඩර් එකක් අපි එක්කම වගේ එනව කියන එක දැකල තිබ්බා. මෙ වෙලාවට මේ පාරෙ වාහන අඩු හින්දා මෙ වගේ වාහනයක් සිහියෙන් පාරෙ යන කෙනෙක්ට හොදට මතක තියෙන්වා. මොකද මේ පාර යන්නෙ බුත්තල පැත්තට. පාරත් ගොඩක් සවුත්තුයි. එක පැත්තක් කන්ද අනික් පැත්තෙ හෙල. හෙනම පාලුයි. ඉතිං රෑ වෙලා යන සීටීබී බස් එකක් ප්‍රයිවට් බස් එකක් ඇම්බියුලන්ස් එකක් හැරුනු කොට මේ පැත්තට මේ වෙලාවට යන වාහන අඩුයි.

කොහොම හරි අපි දෙන්න ගෙදර එද්දි රෑ එකොලහට කිට්ටුයි. එන ගමන් කොත්තුවකුත් අරන් ආවෙ අද උදේවත් උයාගන්න බැරි උන නිසා.

_______________________________________

kavee
04092023