النار بدأت كل شي

بارت 11

<النار بدات كل شي>

البارت الـ11

للروائية سجى المالكي

لاتنسون التصويت والمتابعة والتعليق لمعرفة رأيكم

اللهم صل عل محمد وال محمد
********-****

راجين بقيت خانسة ماعرف شرد منين عرفت ردت انتحر

مينا-جاوبي لتبقين ساكتة

همست-منو كلج!

نترت-انتِ هامج منو كلي لو ليش تنتحرين

بهدوء-مينا جاوبي منو كلج

-الرسالة الانتِ كاتبتها ومشككتها باقي منها الكلام المهم لذلك قريته لمن ردت انظف

رجعت راسي لكتابي متجاهله كلامها ،

صاحت-راجين داحجي وياج

زفرت-احجي

كعدت يمي وحجت بهمسه خوف  -ليش تنتحرين؟

تنهدت -لان قتلت اهلي

لزمت ايدي -هذا قدرهم انتِ مالج ذنب

عطت-ليش تنكرين مينا لوما اني عفت النار وتسرب الغاز ونفجرت القنينة مجان هيج صار
وجان اهلي موجودين واحنا بخير

-الله يرحمهم بس فدوه لاتنتحرين مالي غيرج ريجو

-خليني اموت اخلصج مني

مينا-شلون اعيش بدونج

راجين-ليش انتِ مو تكرهيني عليمن تنقهرين

عكدت حاجبها-شنو اكرهج شهل كلام

صحت-لاتنكرين مينا من يوم العمي راد يعتدي عليّ نظراتج الي كلها قرف وتحسسيني مسويه مكسورة لج اني تعبت تعبت تفهمين لو لا اني قتلت اهلي بيدي ذني
ودخلت سجن وعشت برعب وفوكاها تخذليني يامينا وتحسسيني منطيه مجال لعمي وقابله بتصرفه

حضنتني تبجي-اسفة والله بس جنت مصدومة لان انتِ سكتي لابجيتي ولا صيحتي وماكلتي شي

-نشفن دموعي وگلبي بلا مشاعر صار شلون ترديني احجي وابجي واطلع البداخلي بس والله مقهورة وماقابله عل تصرفه بس ماكدر ابجي شسوي

-سوده عليه رجون

-عوفيني مينا عوفيني حتى انتِ صرتي ضدي وين اروح وين التجأ

كلت بخيبة-اليتيم اليفقد اهله لمن يموتون وينخذل من ناسه العايش وياهم

-فدوه راجين اهدئي لايصيرلج شي

دفعتها ونترت-خليني اموت واخلص بلكي اراح من تأنيب الضمير

صاحت-تخبلتي والله انتِ مخبلة شنو تموتين

-كتلت اهلي لازم اموت اني ماستحق اعيش

ماحس الا ضربتني راشدي