النار بدأت كل شي

بارت 24

<النار بدات كل شي>

بارت 24

للكاتبة سجى المالكي

لاتنسون التصويت والمتابعة لطفا

اللهم انصر فلسطين وغزة
••••••••••••••

مينا،
لمن راحت راجين بقيت ادرس واختبر نفسي لحدما اخذت ريست
رحت اجهز الفطور لان مابقى شي للاذان،

واني داجهز الاكل اندك الباب
رحت فتحته عبالي راجين
تفاجئت من شفته

نترت-شكو شعندك جاي؟

ابتسم-فراشتي خل ادخل ونسولف

عطت-وبيت الخلفك تدخل شهل اسلوب
يلا منا ،وخر من وجهي

ردت اسد الباب
دفعه ودخل وقفل الباب،

خفت -ايهم شعندك هنا

-شبيج خايفة ترى ما اكل بشر

بجيت-اطلع حباب لاتجي راجين وتفهمنا غلط

-دمسحي دموعج وبعدين  عل شنو تفهم غلط قابل شمسوين

عافني ودخل للبيت وهو يصوفر وماخذ راحته ليكول بيته لا مستحى ولا خجل

مسحت دموعي بغضب ودخلت ورا
لكيته ماخذ تفاحة من الثلاجه
ومتجي عل كاونتر ياكل ويباوع للمطبخ

شافني اجيت باوعلي وابتسم-ها فراشة

نترت-فوكاها فاطر، مو رمضان عشتو

بهدوء مبتسم-شعليج فراشة

خزرته-شهل اللقب السخيف منين جبته

اشر عل گلبه-منا جبته

درت وجهي منه ونترت-اطلع برا يلا

حسيته اجا يمي،
دنك عليّ لان هو اطول مني
همس يم اذني وانفاسه قشعرت بدني

-فراشه

توترت -ايهم اطلع برا لا الم الناس عليك

رد بهمس-خبلتيني بيج ليلي ماكدر انامه

رجفت من همسه وكلامه ،

همست بتوتر-شتريد ايهم رجاءا روح، جيتك لهنا غلط شنو متستحي انت تدخل عل بنيه وحدها

-شفت راجين ماكو كلت خطيه اجي اونسها

باوعتله عيوني تتوسله يروح،

ابتسم وغمز وطلع من المطبخ يفتر بالبيت ويباوع ويعلق عل الاثاث والترتيب واني امشي ورا واكله روح وهو ولا يمه

لهناك وراد يدخل غرفتي وكفت بوجهه ونترت

-غرفتي مامسوحلك تدخل

ايهم-دخل افوت شبيج نحيسه

مينا-شو تاخذ ميانه بسرعه

ايهم ضحك-اعجبج