<النار بدات كل شي>
بارت 36
للكاتبة سجى المالكي
اللهم صل عل محمد وال محمد
تصويت ومتابعة لطفا
•••••••••••••••
راجين
دخلت للغرفه لكيت مينا متمدده ومغمضه عيونها بس مبينه مانايمه اختي واعرفها من ملامحها اذا كانت نايمه او لا،
حجا ايهم- راح اتركج وياها اخذي راحتج
هزيت راسي وهو طلع،
جريت الغطا منها ونترت - مينا كومي بسرعه
كامت شافتني ابتسمت - راجين انتِ هنا
حضنتني واني بادلتها الحضن بس بالي مشغول،
كعدت يمها -احجيلي مينو
عكدت حاجبها،-شنو شحجي؟
صغرت عيوني، بستاؤول كلت- مينا ويا منو جنتي تحجين الصبح وتبجين؟
بلعت ريگها متوتره وبعدت نظرها مني،
راجين-ليش ساكته جاوبيني
ردت-احم هسى مو وكت هالسوالف اني جوعانه
عطت-لججج لاتخلبيني احجي شكو شصاير ومادري اني
نترت-جنت احجي ويا صديقتي شنو تحقيق شبيج اليوم انتِ وايهم بس تحققون عبالك مجرمه اني شنو حرام الاتصال
خزرتها - ليش جذبتي عل ايهم وكلتي تحجين وياي، ليش ماكلتي احجي ويا صديقتي
ثواني وحجت- مادري بعد طلع من لساني اسمج
- وليش تبجين؟
سكتت مدنكه راسها،
ابتسمت - تم كلشي امس مو؟
هزت راسها بنفي
عكدت حاجبي -شنو ايهم ماتقربلج؟
همست-اي
بلعت ريگي،كلت-ليش شكو صاير شي ؟
-لا بس جنا تعبانين ونعسانين
- ليش جنتي تبجين
حضنتني -تذكرت اهلي وبجيت،
جنت اتمنى امي تكون وياي بهل اليوم
بس شاء القدر
تنهدت وطبطت عل ظهرها، -الله كريم هم ويانا ويحسون بينا وفرحانين لفرحتج لاتبجين بعد لان تضوجينهم
حسيتها مخنوكه ونفسها ثكيل
بعدتها من حضني لكيتها تبجي بسكوت،
كلت-ليش البجي حبيبتي ،مايصلح البجي
وانتِ عروس، اني يمج اعتبريني امج مو اختج
خلت راسها بحضني وتشهك وتبجي،
كعدت اللعب بشعرها ودموعي بعيوني مقهوره عليها
حقها تريد امها
شكد صعبه تكون يتيم
ومحد الك
لا عم ولا خال ولا اقارب عبالك مكطوع من شجره
بهاليوم المفروض اذا ماكو الام ويا بتها، اكو خاله ،عمه الا احنا حظنا
ماخلالنه لا خاله ولا عمه
وفوكلها اهلنا ماتوا الحمدلله عل كل حال
أنت تقرأ
النار بدأت كل شي
Misterio / Suspensoرواية جديدة حقيقية مشهد، عطت -وخرر مني راح يموتون عوفني فرني اله ضربني راشدي قوي ذبيت حيلي بيده وكعت بالكاع ابجي اي واخيراً بجيت كمت ابجي وراسي على صدر **** همست بغصة-ماتوا واني سبب موتهم مسح راسي بهدوء-انتِ مو سبب موتهم هذا قدرهم التمت الناس و...
