<النار بدات كل شي>
بارت 40
للكاتبة سجى المالكي
اللهم صل عل محمد وال محمد
تصويت ومتابعة لطفا
••••••••••••
راجين،
مرت الايام بهدوء ..
بيوم مينا رادت تروح تشتري كم حاجه من الاسواق خليتها تروح وحدها لان بوقتها عندي خياطه ،
مينا،
طلعت بالشارع امشي متوجهه للاسواق
اشتريت حلويات اعشقهن شما اكبر بعدني احبهن ماعرف ليش،
بعدما طلعت من الاسواق وكفني كلام نسوان ثنين مرن من يمي يتهامسن
- تلكيها طلكت متشوفيها صارلها شكد هنا ولارجعت لرجلها
ردت ثانيه - تلكيها مو باكر وطلكها لعد وين اكو وحده ترجع قبل سبعه عرسها لبيت اهلها
انقهرت بكلامهن هاي كدامي وهيج يحجن لعد وراي شمسويات؟
وكفتهن وكلت - عيب عليكم تتهموني بشرفي
- قابل حجينا شي غلط؟ كل الجيران هيج تحجي لعد شكو رجعتي لبيت اختج وانتِ عروس
بلعت ريگي ماعرف شجاوب اني مو راجين واعرف ارد اني جبانه وخوافه واستحي
عفتهن ومشيت بسرعه ودموعي تجري احاول اوقفهن ماكدر خانني بنص الشارع،
دادخل للبيت وقفني صوته الصارلي شكد ماسامعته،
ايهم - ميناا
التفت شفته توه نازل من سيارته يباوعلي مستغرب دموعي،
ماجاوبته وكبل دخلت للبيت،
اصلا ماريد اقابله هو وثائر السبب بالاني بي
الناس تحجي عليّ وعل سمعتي بسببهم
لو ايهم مامرجعني للبيت وحاول يفهم الموضوع مني ماجان هيج صار
ولو ثائر عنده ضمير وشرف ماجان دز صوري لايهم وسوا محادثات قذره مثله،
امشي واحجي ويا نفسي ودموعي تصب،
ردت ادخل للغرفه صاحت راجين
- مينو شبيج ليش تبجين
رديت - مابيه بس تعبانه
كلتها ودخلت لغرفتي وقفلت الباب،
راجين بقت تدك بالباب وتسألني شبيه
مكدرت اجاوبها اخاف تتعارك ويا الجيران وتصير سالفه جبيره
بقيت ابجي واتذكر حجيهن والتمن كلهن تذكرت تعذيب ايهم
وتذكرت تهديد ثائر
وتذكرت اهلي وزاد بجيي،
اختفى صوت راجين من الباب،
راجين،
رحت فتحت الباب وانصدمت من شفته
باستغراب - ايهم؟
دنك راسه خجلان همس - اكدر افوت
زفرت بغضب وهزيت راسي بدي مادخله بس كلت اشوفه شيريد
أنت تقرأ
النار بدأت كل شي
Mystery / Thrillerرواية جديدة حقيقية مشهد، عطت -وخرر مني راح يموتون عوفني فرني اله ضربني راشدي قوي ذبيت حيلي بيده وكعت بالكاع ابجي اي واخيراً بجيت كمت ابجي وراسي على صدر **** همست بغصة-ماتوا واني سبب موتهم مسح راسي بهدوء-انتِ مو سبب موتهم هذا قدرهم التمت الناس و...
