<النار بدات كل شي>
بارت 39
للكاتبة سجى المالكي
تصويت ومتابعة لطفا
•••••••••
هيثم- استغفر الله العلي العظيم، بيا زمن احنا وهيج يصير لمتى الشباب تبقى هشكل
راجين- فدوه خلصنا من هالمشكلة اختي راح تدمر
- سهله لاتشيلين هم راجين واحسن شي لمن اجيتي بلغتي كان المفروض اختج تبلغ من زمان قبل لاتكبر السالفة
راجين- هي من خوفها يجوز مافكرت تبلغ
هز راسه - رجعي للبيت وكوني مطمنه
ابتسمت - كلش شكرا سيدي
ابتسم- تدللي
كمت وطلعت من مكتبه وكلي امل الضابط هيثم راح يخلصنا من مشكله ثائر ويرجع حق مينا ويثبت لايهم هي بريئه،
رجعت للبيت وانصدمت بـ ادم،
بلعت ريگي مستغربه جيته،
ادم - وين جنتي؟
عكدت حاجبي - ليش تسأل
مسح وجهه متنهد، اردف - خلينا نكعد نحجي
باوعت لمينا ،
اردفت - بشنو نحجي؟ بعدين ليش اجيت لبيتي شيكولون الجيران
- بصفتي اخ زوج اختج اجيت
- حتلو ميصير تجي
التفت لمينا - خلونا نحجي بالموضوع
كعدنا بالصاله وهو اردف
- عرفت كلشي بخصوص ابتزاز مينا
صغرت عيوني - ايهم خبرك؟
هز راسه - اي ،انتِ ليش ماكلتيلي ليش اني اخر من يعلم؟
-مو كلت مدام ايهم ماخبرك يجوز يريد يحل الموضوع بنفسه
-اخخ منج ومن ايهم المهم سولفولي كلشي ومنو هذا اليهدد وشنو وضعه
سكتت اباوع لمينا محتاره منين ابدي،
ادم - احجي ريجو
خزرته- لتكول ريجو
- تمام بس احجيلي
بديت احجيله من بدايه حب مينا اله لهل اللحظه وهو يهز راسه ويستمع لكلامي ماقاطعني،
كملت كلامي وهو اردف
- مينا ليش مابلغتي محاربين الابتزاز
كبل كلت - قبل شويا اني رحت بلغت
عكد حاجبه - يعني طلعتج قبل شويا رحتي تبلغين؟ المن بلغتي
- الضابط هيثم
خزرني - مالكيتي الا هذا وبعدين هذا شغله مو ابتزاز
- عنده معارف وراح يحل المشكلة
أنت تقرأ
النار بدأت كل شي
Mystery / Thrillerرواية جديدة حقيقية مشهد، عطت -وخرر مني راح يموتون عوفني فرني اله ضربني راشدي قوي ذبيت حيلي بيده وكعت بالكاع ابجي اي واخيراً بجيت كمت ابجي وراسي على صدر **** همست بغصة-ماتوا واني سبب موتهم مسح راسي بهدوء-انتِ مو سبب موتهم هذا قدرهم التمت الناس و...
