<النار بدات كل شي>
بارت 37
للكاتبة سجى المالكي
اللهم صل عل محمد وال محمد
لايك ومتابعة وشاركوا الرواية ممكن
•••••••••••
ايهم
هز راسه ورفع الموبايل، اردف-هاج شوفي
احس الدنيا توقفت
گلبي ماحس بي كأنه دايطلع من صدري
شعور الخوف تملكني
ماعرف شلون اوصف احساسي بس كلمة انهاريت كافيه توصفني ...
نزلت دموعي اعلان لضعفي وقله حيلتي،
طكطكت اصابيعي من الخوف ،
صاح، -صوورررجج شعدددهاا ويااا هذااا
ماعرفت شحجي من الخوف كمت ارجف
شهگت من البجي،
كام ولزمني من شعري -ميينااا جاوووبييننيي شعندج ويا هذا، شنو تخونيني ولج اني شنو مو بعينج صورج ويا هذا شعدها شوكت موليه ويا
كمت اناشغ من البجي وساكته شگول مثلا والصدمة بعدها بيه،
ترك شعري وبقى يتصفح بالموبايل ويضحك بسخريه
اردف - اني غبي وطلعت كلش غبي هم
همست - والله غلطة وحبيته
ضحك بسخريه واردف- طلعتي حابه قبل وطالعه ويا وتبيعين مثاليات براسي ومن ردت اطلع وياج والزم ايدج بعتي شرف وانت شرفج بايعته ويا الرخيص
ضميت وجهي بين اديه ،- ايهم فدوه سامحني مامسويه شي غلط لتطعن بيه
نتر - لججج ميينااا شسامح كليلي شسامح اني ورا يومين من عرسي يدزلي شخص صور مرتي ومحادثات حب ويهددني بيهن
وتكليلي سامحني
عكدت حاجبي مستغربه
-شنو هو هددك؟
لزمني من فكي-ليش خنتيني لج مينااا احجي شعندج ويااا
كمت ابجي ساكتة
ضربني قوي عل حلكي
عطت من الوجع
راد يضربني اكثر
رفع ايده واني حميت روحي بايدي
نزل ايده وسكت وطلع من الغرفه
شمرت روحي عل سرير وكمت ابجي وادعي الله يهدي ايهم عليّ،
مرت ساعات وايهم ماكو الرعب احتل گلبي واحس الهدوء قبل العاصفه ،
لليل دخل ايهم شكله مو طبيعي،
جنت بوكتها كاعده عل سرير من شفته حضنت نفسي بخوف ورعب وبلعت ريگي،
حجا وهو يتقدم نحوي، - لج مينا هيج تسوين بيه صورج عد ذاك ال***
كالها وجرني اله وهو يباوعلي بكره
همس - انتِ بلاء
بجيت - عوفني ايهم شداتسوي، شنو شارب انت؟
ضربني راشدي وسحلني للحمام من شعري كمت ابجي من الوجع والخوف واتوسله يتركني ماعرف شنو نيته بذيج اللحظه،
أنت تقرأ
النار بدأت كل شي
Mystery / Thrillerرواية جديدة حقيقية مشهد، عطت -وخرر مني راح يموتون عوفني فرني اله ضربني راشدي قوي ذبيت حيلي بيده وكعت بالكاع ابجي اي واخيراً بجيت كمت ابجي وراسي على صدر **** همست بغصة-ماتوا واني سبب موتهم مسح راسي بهدوء-انتِ مو سبب موتهم هذا قدرهم التمت الناس و...
